दर्शन कुलकर्णी
- आज, दिनांक : 16 जुलै 2026; वार : गुरुवार
- भारतीय सौर : 25 आषाढ शके 1948; तिथि : द्वितीया 08:52; नक्षत्र : आश्लेषा 19:52;
- योग : सिद्धि 25:22; करण : तैतिल 19:36;
- सूर्य : मिथुन; चंद्र : कर्क 19:52 ; सूर्योदय : 06:08; सूर्यास्त : 19:19;
- पक्ष : शुक्ल; अयन : दक्षिणायन; संवत्सर : पराभव;
- शालिवाहन शक : 1948; विक्रम संवत : 2082; युगाब्द : 5128
वेद कन्सल्टन्सी / 9987433660
दिनविशेष
साहित्यिक प्रल्हाद सोनकांबळे
टीम अवांतर
साहित्यिक प्रल्हाद ईरबाजी सोनकांबळे यांचा जन्म 16 जुलै 1943 रोजी लातूर जिल्ह्यातील जळकोट तालुक्यातील सुल्लाळी या गावी झाला. लहानपणी त्यांच्या आई वडिलांचे छत्र हरवले. मोठ्या बहिणीने यथाशक्ती त्यांचा सांभाळ केला. गुरे-ढोरे सांभाळत त्यांनी गावातच आपले शालेय शिक्षण पूर्ण केले. पदवीपर्यंतचे महाविद्यालयीन शिक्षण त्यांनी औरंगाबादच्या मिलिंद महाविद्यालयातून पूर्ण केले. डॉ. बाबासाहेब आंबेडकर मराठवाडा विद्यापीठातून इंग्रजी विषय घेऊन ते एम.ए. झाले. त्यानंतर डॉ. बाबासाहेब आंबेडकर लॉ कॉलेजमधून त्यांनी एलएलबीचे शिक्षणही पूर्ण केले.
हेही वाचा – …अन् ती 32 वर्षं झोपली!
शिक्षण पूर्ण झाल्यानंतर ते वेरूळ जवळील गल्ले बोरगाव येथे शिक्षक म्हणून नोकरीला लागले. पुढे 1966 मध्ये ते डॉ. आंबेडकर कला आणि वाणिज्य महाविद्यालयात इंग्रजीचे प्राध्यापक म्हणून रुजू झाले. कालांतराने तेथेच इंग्रजी विभागाचे प्रमुख झाले. नंतर त्याच महाविद्यालयात उपप्राचार्य आणि 1988 मध्ये प्राचार्य म्हणून त्यांनी कार्यभार सांभाळला. अगदी शालेय जीवनापासून त्यांना लेखनाची आवड होती.
अभ्यासक डॉ. म. ना. वानखेडे यांनी कांबळे यांना लेखनासाठी प्रोत्साहन दिले. त्यांच्या लिखाणाचा प्रारंभ अस्मितादर्श या त्रैमासिकामधून झाला. ‘आठवणींचे पक्षी’ हे त्यांचे आत्मचरित्र वाचकप्रिय ठरले. त्यांचे आत्मचरित्र महाराष्ट्रातील विविध विद्यापीठांच्या अभ्यासक्रमात घेतले गेले. या आत्मचरित्राचे पुढे अकरा भारतीय भाषांमध्ये अनुवाद झाले. याशिवाय, ‘असं हे सगळं’, ‘पोत आणि पदर’ ही पुस्तकेदेखील प्रसिद्ध झाली.
साहित्य अकादमीने त्यांच्या साहित्यिक कार्याची दखल घेत 1983 मध्ये पुरस्कार देऊन त्यांना सन्मानित केले. 1997 मध्ये शासनाने त्यांचा ‘आदर्श शिक्षक’ म्हणून गौरव केला तसेच ‘बेस्ट सिटिझन’ म्हणून देखील त्यांना गौरविण्यात आले. अंबाजोगाई येथील यशवंतराव चव्हाण साहित्य पुरस्कार त्यांना प्रदान करण्यात आला होता. रयत शिक्षणसंस्थेनेही पुरस्कार देऊन त्यांना सन्मानित केले होते.
मराठवाडा साहित्य परिषदेच्या आखाडा बाळापूर येथे झालेल्या साहित्य संमेलनाचे ते अध्यक्ष होते. 1979 साली औरंगाबादमध्ये झालेल्या तिसऱ्या दलित साहित्य संमेलनाचे स्वागताध्यक्षपद त्यांनी भूषविले होते. 1981 सालच्या ‘ऑल इंडिया बुद्धिस्ट टीचर्स कॉन्फरन्स’ तर 1982 साली झालेल्या पहिल्या दलित नाट्य महोत्सवाच्या स्वागताध्यक्षपदी त्यांची नियुक्ती झाली होती. 6 जानेवारी 2010 रोजी त्यांचं निधन झालं.
आजचे राशिभविष्य
मेष – नोकरदार जातकांवरील नवीन जबाबदाऱ्या किंवा कामाच्या ठिकाणी उच्च पदामुळे आज आत्मविश्वासात वाढ होईल. विरोधकाच्या प्रभावाखाली येऊन घाईचे निर्णय घेणे टाळा. लहान उपक्रमांमधूनही चांगला आर्थिक फायदा होऊ शकतो. व्यवसायात यश मिळू शकते, मात्र मालमत्तेशी संबंधित एखाद्या प्रकरणामुळे काही चिंता निर्माण होऊ शकते. अपेक्षित यश मिळवण्यासाठी विद्यार्थ्यांना पूर्ण एकाग्रतेने अभ्यास करावा लागेल.
वृषभ – तुमचे गोड बोलणे आणि नम्र स्वभाव आज लोकांना प्रभावित करेल, ज्यामुळे तुमच्याबद्दलचा आदर आणि लोकप्रियता दोन्ही वाढतील. राजकीय किंवा प्रशासकीय बाबींमध्ये किरकोळ अडचणी येऊ शकतात, परंतु संयम ठेवा. दीर्घकालीन प्रवासाच्या योजना आखल्या जाऊ शकतात. विद्यार्थ्यांसाठी उच्च शिक्षणाच्या नवीन संधी उपलब्ध होऊ शकतात.
मिथुन – आज प्रत्येक निर्णय काळजीपूर्वक घेणे सर्वोत्तम ठरेल. मोठे व्यावसायिक धोके टाळा, तुमच्या कृतींमध्ये पूर्ण स्पष्टता ठेवा. सरकारी योजनांचा लाभ मिळण्याची शक्यता आहे. जर एखाद्या विशिष्ट कामात अडचणी येत असतील, तर त्यावर उपाय सापडेल. आज आरोग्याची विशेष काळजी घेणे आवश्यक आहे. बाहेरील अन्न खाणे टाळा.
कर्क – तुमच्या नेतृत्व कौशल्याने लोक आज प्रभावित होतील कामाच्या ठिकाणी टीमसोबत काम केल्यास उत्कृष्ट परिणाम मिळू शकतात. आर्थिक परिस्थिती सुधारेल, संपत्तीत वाढ होण्याची चिन्हे आहेत. जर तुमची एखादी प्रिय वस्तू हरवली असेल, तर ती सापडण्याची शक्यता आहे. नवीन वाहन खरेदी करण्याचे तुमचे स्वप्नही साकार होऊ शकते.
सिंह – नोकरदार जातकांसाठी आजचा दिवस खूप चांगला असेल. एक मोठी जबाबदारी मिळाल्याने तुम्ही प्रेरित राहाल. स्वतःच्या मेहनतीने मेहनतीमुळे तुम्ही यशाच्या नव्या शिखरावर पोहोचू शकाल. नवीन लोकांशी ओळख होणे भविष्यात फायदेशीर ठरेल. स्वतःच्या कामात पारदर्शकता आणि स्पष्टता ठेवा. विरोधकांच्या प्रभावाखाली कोणताही निर्णय घेऊ नका.
कन्या – आजचा दिवस यश, समाधान आणि आनंदाने भरलेला असेल. प्रेम, आपुलकी आणि सहकार्याच्या भावनांमुळे नातेसंबंध अधिक दृढ होतील. एखादा जुना व्यवहार पूर्ण होईल. खर्च नियंत्रणात ठेवण्यासाठी बजेट सांभाळणे शहाणपणाचे ठरेल. एखादी इच्छा पूर्ण झाल्याने आजचा दिवस अविस्मरणीय ठरू शकतो.
तुळ – करिअरच्या दृष्टीने आजचा दिवस खूप शुभ असेल. बऱ्याच काळापासून अडकलेले पैसे परत मिळाल्याने दिलासा मिळेल. एखादी इच्छा पूर्ण झाल्याने आनंद होईल. आपल्या कामांना प्राधान्य द्या, यामुळे लवकर यश मिळेल. कुटुंबातील मतभेद चर्चेद्वारे सहजपणे सोडवले जाऊ शकतात.
वृश्चिक – आज तुम्ही सर्वांना सोबत घेऊन जाण्याचा प्रयत्न कराल आणि त्यात यशस्वीही व्हाल. कोणाच्याही सल्ल्यावर आंधळेपणाने विश्वास ठेवणे टाळा. कामाच्या ठिकाणी एखाद्या सहकाऱ्याची मदत उपयुक्त ठरू शकतो. जुनी आरोग्यविषयक समस्या पुन्हा उद्भवू शकते, त्यामुळे निष्काळजीपणा करू नका. कौटुंबिक बाबी चर्चेद्वारे सोडवणे सर्वोत्तम ठरेल.
हेही वाचा – पंढरीची वारी… कपडे अन् अंतरंग दोन्ही पांढरं शुभ्र!
धनु – कामाच्या ठिकाणी मोठी जबाबदारी मिळण्यासोबतच, तुमचा दर्जा आणि प्रतिष्ठाही वाढेल. पगारवाढ किंवा वेतनवाढीशी संबंधित चांगली बातमीही मिळू शकते. मात्र एखादा सहकारी मित्र तुमच्या कामात अडथळा आणू शकतो, त्यामुळे सावध रहा. नवीन काम सुरू करण्यासाठी वेळ अनुकूल आहे. तुमच्या भावंडांचा सल्ला फायदेशीर ठरेल.
मकर – आज तुम्ही आत्मविश्वासाने प्रेरित होऊन प्रत्येक कार्य उत्साहाने हाती घ्याल. राजकारण किंवा सामाजिक क्षेत्रात कार्यरत असलेल्यांना मान्यता मिळण्याची शक्यता आहे. मागील चुकांमधून शिका आणि त्यांची पुनरावृत्ती टाळून पुढे वाटचाल करा. कुटुंबासोबत वेळ घालवल्याने तुमचे नातेसंबंध अधिक दृढ होतील.
कुंभ – आज खर्चावर नियंत्रण ठेवणे महत्त्वाचे ठरेल. तसेच, प्रतिस्पर्ध्यांच्या हालचालींवर लक्ष ठेवा. अनोळखी व्यक्तींच्या सल्ल्यावरून गुंतवणूक करणे टाळा. संततीकडून येणारी चांगली बातमी आनंद घेऊन येईल. बऱ्याच काळापासून प्रलंबित असलेली सरकारी कामे पूर्ण होण्याची शक्यता आहे. आरोग्याच्या समस्या अंगावर काढण्याऐवजी वैद्यकीय सल्ला अवश्य घ्या.
मीन – आज पद आणि प्रतिष्ठेतील वाढीसोबतच, तुम्हाला करिअरच्या नवीन संधीही मिळू शकतात. कामाच्या ठिकाणी सहकाऱ्यांकडून पूर्ण पाठिंबा मिळेल. बोलण्यात संयम ठेवा. ऐकीव माहितीवर अवलंबून राहणे टाळा. कुटुंबातील सदस्याच्या लग्नाबाबतची बोलणी सुरू होतील. आज पित्ताचा त्रास होण्याची शक्यता आहे. त्यामुळे आहारावर नियंत्रण ठेवा.
