शरीरात उष्णता अधिक आहे? हे घरगुती उपाय करून पाहा…

अनेकांना शरीरात उष्णतेचा त्रास जाणवतो. परिणामी पुढील तक्रारी पाहायला मिळतात.

• डोळ्यांची आग
• छातीत जळजळ
• अंगावर पुरळ
• अस्वस्थपणा

शरीराला थंडावा देण्यासाठी काही सोपे घरगुती उपाय

मनुका

रात्री मनुके पाण्यात भिजवून सकाळी चावून खावेत आणि ते पाणी प्यावे. यामुळे शरीराला द्रवपदार्थ मिळण्यास मदत होते.

पाणीदार आहार घ्या

काकडी, आवळा, टरबूज, ब्रोकोली यासारख्या पौष्टिक पदार्थांचा आहारात समावेश करा.

जिऱ्याचे पाणी

रात्री पाण्यात जिरे भिजवून सकाळी ते पाणी घेऊ शकता. पचनासाठीही हे उपयुक्त ठरू शकते.

हेही वाचा – टेंशन आहे? मग शुगर तपासून घ्या!

पुरेसे पाणी प्या

दिवसभर पुरेसे पाणी पिणे महत्त्वाचे आहे. काकडी, टरबूज, स्ट्रॉबेरी, नारळपाणी यासारख्या पाणीदार पदार्थांचा आहारात समावेश करा.

सब्जा

सब्जा पाण्यात भिजवून त्याचे सेवन करता येते. मधुमेह असल्यास खडीसाखर टाळा.

वेळेवर जेवा

जेवणाच्या वेळा नियमित ठेवा. जेवणासोबत ताजे सॅलड घेण्याची सवय लावा.

पुदिना

पुदिन्याची चटणी किंवा पुदिन्याचे पाणी आहारात समाविष्ट करू शकता.

कोकम सरबत

मसालेदार किंवा जड पदार्थ खाल्ल्यानंतर कोकमाचे पेय घेऊ शकता. साखर कमी किंवा न घालता घेणे अधिक योग्य.

नारळपाणी

उन्हाळ्यात आणि जास्त घाम येत असताना नारळपाणी शरीराला द्रव आणि काही इलेक्ट्रोलाइट्स मिळवून देऊ शकते.

ताक प्या

उन्हाळ्यात साधे ताक हा हलका आणि पौष्टिक पर्याय ठरू शकतो. त्यात थोडे जिरे/ कोथिंबीर घालू शकता.

उष्णता वाढवणारे पदार्थ मर्यादित ठेवा

अतिमसालेदार, तिखट आणि जड पदार्थांचे सेवन कमी करा.

हेही वाचा – रक्तदाब कमी झालाय… कसे ओळखायचे?

महत्त्वाची सूचना

शरीरात वारंवार जळजळ, डोळ्यांची आग, त्वचेवर पुरळ/ फोड, सतत बारीक ताप किंवा इतर त्रास होत असल्यास केवळ घरगुती उपायांवर अवलंबून न राहता डॉक्टरांचा सल्ला घ्या.

(सौजन्य – समर्थ आरोग्य फाऊंडेशन)

संपर्क – 9150014545

विचार, साहित्य, कला आणि संस्कृतीच्या सर्जनशीलतेला समर्पित असलेल्या avaantar.com या वेबपोर्टलवरील वैविध्यपूर्ण वाचनीय लेखाचा आनंद घ्यायचा असेल तर,

https://whatsapp.com/channel/0029VbAtufJ65yDINAO9Ad2H

या लिंकला क्लिक करून WhatsApp Channel जॉइन करा.