मेष
- या आठवड्यात मनासारख्या गोष्टी घडतील. राशीस्वामी मंगळ वृषभ राशीत आहे, अधिकारात वाढ होईल. नोकरदारांनी अमावस्येदरम्यान आरोग्याची काळजी घ्यावी. कामाच्या ठिकाणी गटबाजी आणि राजकारण असेल तर, त्यापासून लांब राहावे. व्यावसायिक वर्गाला एखाद्या ठिकाणी अडकलेले पैसे मिळतील. अडकलेली कामे पूर्ण होण्याचे मार्ग सापडतील, मात्र कायद्याने पुढे जा. पैसे देऊन काम करण्याचा प्रयत्न करू नका. घरात आणि कामाच्या ठिकाणी महिलांचे वर्चस्व राहील. विद्यार्थ्यांनी सामंजस्याने आपले प्रश्न सोडवावेत, कोणाची अडवणूक करू नका.
वृषभ
- या आठवड्यात वाहनसुख मिळेल. मंगळ तुमच्या राशीत विराजमान आहे. कामाच्या ठिकाणी नोकरदारांच्या अधिकारात वाढ होईल. अतिरिक्त कामाचा मोबदला मिळेल. तुमच्या हुशारीचे कौतुक होईल. व्यावसायिक वर्गाला स्वतःला सिद्ध करण्याची संधी मिळेल. व्यवसायासाठी वाहन खरेदी करू शकाल. महिलांच्या दृष्टीने घरात आनंदी वातावरण राहील. तुमच्या कलेला वाव मिळेल. विद्यार्थ्यांना वक्तृत्व स्पर्धेत यश मिळू शकेल. बोलण्याने तुम्ही दुसऱ्यांना जिंकू शकाल.
मिथुन
- या आठवड्यात राशीस्वामी स्वतःच्या राशीत आहे. चांगले ग्रहमान आहे. नोकरदारांना आवडीच्या क्षेत्रात काम करण्याची संधी मिळेल. स्वतःला सिद्ध करून स्वतःची जागा पक्की करू शकाल. मेहनतीने आणि बोलण्याच्या कौशल्याने व्यावसायिक वर्ग नवीन कामे मिळवू शकेल. व्यापारात वाढ होईल. बुध आणि रवी एकत्र असल्याने महिलांनी बोलण्यावर नियंत्रण ठेवावे; अडकलेली कामे पूर्ण करा. विद्यार्थ्यांना कला आणि क्रीडा क्षेत्रात चांगली कामगिरी करता येईल.
कर्क
- या आठवड्यात अमावस्या कर्क राशीत आहे. तब्येतीची काळजी घ्या. नोकरदारांना कामाचा ताण जाणवेल. वरिष्ठ नाराज होणार नाहीत, याकडे लक्ष असू द्या. काम वेळेत पूर्ण करा. स्वतःचे काम बाजूला ठेवून इतरांना मदत करू नका. व्यावसायिक वर्गाने स्पर्धकांपासून सावध रहावे. व्यवसायातील कागदपत्रे आणि सिक्रेट जपून ठेवावीत. स्वतः लक्ष देऊन कामे करून घ्यावीत. महिलांच्या बाबतीत घरात छोट्या कारणांवरून अबोला राहील. व्यायामाकडे दुर्लक्ष करू नका. विद्यार्थ्यांना अभ्यासात प्रगती करता येईल, आवडीच्या विषयात पुढे जाल.
सिंह
- या आठवड्यात राशीस्वामी रवी 17 तारखेला कर्क राशीत येत आहे. नोकरदारांना परदेशी जाण्यासाठी संधी मिळेल. संधीचा फायदा घ्या. वेळेचे बंधन पाळा. कामावर फोकस ठेवा. व्यावसायिक वर्गाचे नवीन करार होतील. जुनी येणी वसूल होतील. नवीन गुंतवणूक करू शकाल. महिलांना मैत्रिणींबरोबर खरेदीचा आनंद घेता येईल. विद्यार्थ्यांना मित्रांबरोबर पावसाळी सहलीला जाता येईल.
हेही वाचा – सिंगापूरमध्ये स्वादाचा आणि चवीचा शोध…
कन्या
- या आठवड्यात 17 तारखेला रवी लाभस्थानात येत आहे. सर्व प्रकारचे लाभ मिळतील. नोकरदारांना इन्सेन्टिव्ह मिळण्याची शक्यता आहे. छोटे प्रवास होतील. घरात नवीन वस्तू घेऊ शकाल. व्यावसायिक वर्गाने आपल्या प्रॉडक्टची जाहिरात करण्याची गरज आहे. सोशल मीडियाच्या माध्यमातून किंवा पॅम्प्लेट वाटून प्रसिद्धी मिळवावी. महिलांच्या बाबतीत देवदर्शनाला जाण्याचा योग आहे, मनाप्रमाणे खरेदी करता येईल. विद्यार्थ्यांना आवडीच्या क्षेत्रात काम करण्याची संधी मिळेल.
तुळ
- या आठवड्यात राशीस्वामी शुक्र सिंह राशीत लाभस्थानात आहे. समाधानकारक आठवडा जाईल. नोकरदारांनी पैशाचे आणि वेळेचे नियोजन व्यवस्थित करावे. अचानक चांगली संधी उपलब्ध होईल. व्यावसायिक वर्गाने भागीदार तसेच सहकाऱ्यांशी सौजन्याने वागावे. त्यांचे म्हणणे आधी ऐकून घ्या, नंतर विचार करून निर्णय घ्या. महिलांना महत्त्वाची कामे करण्याची संधी मिळेल, स्वतःला सिद्ध करा. विद्यार्थ्यांना मित्र-मैत्रिणींबरोबर बाहेर जाण्याचा योग आहे, आनंदी राहाल.
वृश्चिक
- राशीस्वामी मंगळ सप्तमात वृषभ राशीत आहे. अशा स्थितीत सांभाळून बोला. नोकरदारांनी सहकारी तसेच हाताखालील वर्गाशी जेवढ्यापुरते तेवढेच संबंध ठेवा. कामाचा थोडा ताण जाणवेल. व्यावसायिक वर्गाने भागीदाराशी सर्व प्रॉब्लेम शेअर करावेत आणि एकत्र मिळून त्यावर तोडगा काढावा. स्पर्धकांपासून सावध रहा. महिलांच्या बाबतीत घरात वादविवाद होण्याची शक्यता आहे. घाईने कुठलेही निर्णय घेऊ नका. मेहनतीशिवाय पर्याय नाही, हे विद्यार्थ्यांनी लक्षात ठेवावे. कायद्याचे पालन करा.
धनु
- राशीस्वामी गुरू कर्क राशीत म्हणजे अष्टमात आहे. महत्त्वाची कागदपत्रे आणि पाकीट सांभाळावे. नोकरदारांनी कामाच्या ठिकाणी सावध रहावे. तुमचा लॅपटॉपचा पासवर्ड कोणालाही सांगू नका किंवा बदलून घ्या. मेहनतीने केलेल्या कामाचा उल्लेख कोणाजवळ करू नका. महिलांनी प्रवासात पर्स, पैसे, छत्री आणि फोन सांभाळावा. विद्यार्थ्यांनी शिक्षकांवर विश्वास ठेवावा आणि त्यांचे मार्गदर्शन उपयोगात आणावे, फायदा होईल.
मकर
- या आठवड्यात राशीस्वामी शनी तृतीय स्थानी मीन राशीत आहे. नोकरदारांना कामाचा खूप ताण राहील. तब्येतीची काळजी घ्या. पाणी भरपूर प्या आणि योगाभ्यास करावा. वेळेचा अपव्यय होण्याची शक्यता आहे. व्यावसायिक वर्गाला एका कामासाठी उगाच जास्त वेळ घालवावा लागेल. परिणामी चिडचिड होण्याची शक्यता आहे. कामे पूर्ण होतील, पण मन:स्ताप होण्याची शक्यता आहे. महिलांच्या मदतनीस बायका अचानक दांडी मारतील, त्यामुळे जास्त काम करावे लागेल. विद्यार्थ्यांना मित्रांबरोबर ट्रेकला जाण्याची संधी मिळेल, जपून पावसाचा आनंद घ्या.
कुंभ
- राशीस्वामी शनी द्वितीय स्थानात आहे. कोर्ट-कचेरीची कामे मार्गी लागतील. नोकरदारांना घरात बसून काम करण्याची संधी मिळेल. पण कामाचा वेग कमी राहील आणि चिडचिड होण्याची शक्यता आहे. व्यावसायिक वर्गाची खूप दिवसांपासून अडकलेली कोर्ट तसेच सरकारी कामे मार्गी लागतील. तुम्हाला कर्ज मिळेल आणि पुढील कामाला वेग येईल. महिलांच्या बाबतीत घरात पाहुणे येतील, त्यामुळे घरात उत्साही वातावरण राहील. विद्यार्थ्यांना छोट्या नोकरीच्या संधी मिळतील.
हेही वाचा – मधुमेह नियंत्रणासाठी योगाभ्यास मार्गदर्शन
मीन
- या आठवड्यात राशीस्वामी गुरू, पंचम स्थानात कर्क राशीत आहे. संततीचे प्रश्न मार्गी लागतील. नोकरदारांना कामाचा ताण जाणवेल. पण, वरिष्ठ आणि सहकारी सहकार्य करतील. काही गोष्टींमध्ये स्वतःलाच लक्ष द्यावे लागेल. व्यावसायिक वर्गाला खूप धावपळ करावी लागू शकते. स्पर्धेत टिकून राहण्यासाठी काही निर्णय मनाविरुद्ध घ्यावे लागू शकतात. महिलांसाठी घरात कामाचा ताण जास्त असेल. अशा वेळी बोलण्यावर नियंत्रण ठेवा आणि शांत रहा. विद्यार्थ्यांनी वाहन जपून चालवावे. मित्रांना स्वतःचे वाहन देऊ नका.
विचार, साहित्य, कला आणि संस्कृतीच्या सर्जनशीलतेला समर्पित असलेल्या avaantar.com या वेबपोर्टलवरील वैविध्यपूर्ण वाचनीय लेखाचा आनंद घ्यायचा असेल तर,
IXZVpuvKFwKH6gb0NBN51t?mode=r_c
या लिंकला क्लिक करून WhatsApp group जॉइन करा.
