दर्शन कुलकर्णी
- आज, दिनांक : 05 मार्च 2026; वार : गुरुवार
- भारतीय सौर : 14 फाल्गुन शके 1947; तिथि : द्वितीया 17:03; नक्षत्र : उत्तरा फाल्गुनी 08:17;
- योग : शूल 07:45; करण : वणिज 29:24;
- सूर्य : कुंभ; चंद्र : कन्या; सूर्योदय : 06:56; सूर्यास्त : 18:44;
- पक्ष : कृष्ण; अयन : उत्तरायण;
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
संत तुकाराम बीज
वेद कन्सल्टन्सी / 9987433660
दिनविशेष
मराठी संशोधक नारायण गोविंद चापेकर
टीम अवांतर
मराठी संशोधक नारायण गोविंद चापेकर यांचा जन्म 5 ऑगस्ट 1869 रोजी मुंबईत झाला. शिक्षण रेवदंडा (कुलाबा जिल्हा), पुणे आणि मुंबई येथे झाले. कायद्याचे पदवीधर झाल्यानंतर काही काळ वकिली करून त्यांनी न्यायखात्यात नोकरी पत्करली आणि 1925 मध्ये पहिला वर्ग न्यायाधीश म्हणून ते निवृत्त झाले. त्यांचे बरेचसे लेखन निवृत्तीनंतरच झाले. त्यांचे सुमारे वीस ग्रंथ प्रकाशित झालेले आहेत. त्यापैकी बदलापूरची सामाजिक दृष्ट्या संपूर्ण पाहणी करणारा, बदलापूर (आमचा गांव)… हा 1933 मध्ये प्रसिद्ध झालेला ग्रंथ विशेष गाजला. चित्पावन आणि चापेकर हे ग्रंथही असेच सामाजिक संशोधनात्मक म्हणता येतील. तर पेशवाईच्या सावलींत हा ग्रंथ सामाजिक इतिहाससंशोधन म्हणून मान्यता पावला.
वैदिक वाङ्मयाविषयीचे चिंतन आणि शोधन हा त्यांच्या विचाराचा आणखी एक विषय. वैदिक निबंध आणि तर्पण हे त्याच विचारांचे फळ होते. याशिवाय, एडमंड बर्कचे चरित्र, जीवनकथा हे आत्मचरित्र, हिमालयांत, काश्मीर सारखी प्रवासवर्णने, साहित्यसमीक्षात्मक लेख अशा विविध स्वरूपाचे लेखन त्यांनी केले आहे. पैसा, राज्यकारभार, समाज-नियंत्रण यासारख्या विषयांवरही त्यांनी ग्रंथ लिहिले असून ते त्यांच्या चौफेर विचारांचे द्योतक आहेत. गच्चीवरील गप्पा, रजःकण हे त्यांचे स्फुट लेखसंग्रहही प्रसिद्ध आहेत.
हेही वाचा – ‘आदर्श’ बनण्याच्या ओझ्याखाली दबला आयुष्याचा आनंद!
सेवानिवृत्तीनंतर ‘भारत इतिहास संशोधक मंडळ’, ‘मराठी ग्रंथोत्तेजक सभा’, ‘राजवाडे संशोधन मंडळ’, ‘धर्मनिर्णय मंडळ’ आदी अनेक संस्थांतून त्यांनी कार्य केले. त्यात नवचैतन्य ओतून आणि अनेक साहित्यिकांना एकत्र आणून ‘महाराष्ट्र साहित्य परिषदे’ला आजचे महत्त्वाचे स्थान मिळवून देण्यात चापेकरांचा फार मोठा वाटा होता. पुणे विद्यापीठातून पीएच.डी. करणाऱ्या विद्यार्थ्यांना ते मार्गदर्शन करीत. त्या विद्यापीठाकडून 1966 साली त्यांना डी.लिट्. ही सन्मान-पदवी दिली गेली. 5 मार्च 1968 रोजी त्यांचे निधन झाले.
आजचे राशीभविष्य
मेष – समस्या सोडवण्याच्या क्षमतेवर प्रगती अवलंबून असते. कामाच्या ठिकाणी तुमच्या क्षमतांचे कौतुक केले जाईल. कोणतीही कागदपत्रे किंवा ईमेल पाठवण्यापूर्वी ती पुन्हा तपासणे आवश्यक आहे. फालतू खर्चाला आळा घालण्याची हीच योग्य वेळ आहे. बजेटचे काटेकोरपणे पालन करा. आज घाईघाईने गुंतवणूक करण्यास कोणी आग्रह धरू शकते, मात्र हा निर्णय टाळणे हिताचे असेल.
वृषभ – मागील प्रलंबित कामे पूर्ण केल्याने करिअरमध्ये प्रगती होईल. ऑफिसमधील कामाचा ताण जास्त असू शकतो, म्हणून त्यावरच लक्ष केंद्रीत करा, त्याचबरोबर सहकाऱ्यांशी समन्वय ठेवा. उत्पन्नाचे प्रमाण आज कमी असू शकते, म्हणून दिखाऊपणावर खर्च करणे टाळा. दीर्घ काळापर्यंत फायदेशीर अशा गुंतवणुकीचा शांतपणे विचार करावा. यासाठी योग्य आर्थिक नियोजन आवश्यक आहे.
मिथुन – शिस्तबद्ध आणि शांततेने काम केल्यास प्रगती होईल. डिजिटल संभाषण आणि कागदपत्रे हाताळताना सावधगिरी बाळगा. नवीन प्रकल्प सुरू करण्यापेक्षा अपूर्ण प्रकल्प पूर्ण करण्यावर लक्ष केंद्रीत करा. आर्थिक बाबींमध्ये संयम हा तुमचा सर्वात मोठा ठेवा असेल. मालमत्तेशी संबंधित कागदपत्रे काळजीपूर्वक वाचा. मोठ्या गुंतवणुकीच्या दृष्टीने तज्ज्ञांचा सल्ला घेणे चांगले.
कर्क – नवीन तंत्रज्ञानाची ओळख करून घेणे तसेच नेटवर्किंग केल्याने प्रगती होईल. मीडिया, लेखन किंवा मार्केटिंगमध्ये काम करणाऱ्यांना दिवस अनुकूल असेल, मात्र त्यासाठी कामात शिस्त पाळणे आवश्यक आहे. सबुरीने गुंतवणूक करा हाच सल्ला उपयुक्त ठरेल. जुनी देणी अचानक समोर येऊ शकतात, म्हणून बचतीवर लक्ष केंद्रित करा. कोणत्याही संशयास्पद योजना किंवा लॉटरीपासून दूर रहा.
सिंह – प्रगती साध्य करताना जुना दस्तावेज व्यवस्थित सांभळून ठेवणे आवश्यक आहे. व्यावसायिक भागीदारीमध्ये पारदर्शकता ठेवा आणि कामात आवश्यक तिथे तुमच्या नेतृत्वगुणांचा वापर करा. अनावश्यक खर्च टाळून बचत वाढवण्यासाठी आजचा दिवस उत्तम आहे. ऑनलाइन व्यवहारांमध्ये सावधगिरी बाळगा. नवीन गुंतवणूक करण्यापूर्वी तुमच्या आर्थिक परिस्थितीचे पूर्णपणे मूल्यांकन करा.
हेही वाचा – आयुष्यातील अकस्मात वळणांनी केला नास्तिकचा आस्तिक
कन्या – उत्कृष्ट विश्लेषणात्मक कौशल्यामुळे प्रगती साधता येईल. इतरांच्या चुका दुरुस्त करून तुम्ही व्यावसायिक प्रतिष्ठा मजबूत कराल. प्रलंबित कामे पूर्ण करण्यातील तुमचा वेग इतरांसाठी एक आदर्श निर्माण करेल. चैनीच्या वस्तू किंवा महागड्या इलेक्ट्रॉनिक वस्तूंवर खर्च करणे टाळा. बचतीवरील नियंत्रण भविष्यात उत्तम सुरक्षा प्रदान करेल.
तुळ – पडद्यामागील कठोर परिश्रमातून प्रगती होईल. मात्र भविष्यातील योजना गुप्त ठेवा. ऑफिसच्या राजकारणापासून दूर रहा आणि कामाच्या तपशीलांवर लक्ष केंद्रित करा. अनपेक्षित खर्च किंवा प्रलंबित बिले यामुळे तुमची चिंता वाढू शकते. कोणतीही घाईघाईची किंवा धोकादायक गुंतवणूक टाळा.
वृश्चिक – टीमवर्क आणि नेटवर्किंगद्वारे मोठी प्रगती शक्य करू शकाल. मार्केटिंग आणि पीआर क्षेत्रातील जातक एखादी मोठी डील फायनल करू शकतात. तुमच्या धोरणात्मक बुद्धिमत्तेमुळे विरोधकांवर मात करता येईल. आर्थिकदृष्ट्या, दिवस फायदेशीर आहे. अडकलेला पैसा परत मिळण्याची शक्यता आहे. भविष्यातील उद्दिष्टे साध्य करण्यासाठी मोठी आणि लहान बचत सुरू करा.
धनु – व्यवस्थापन आणि प्रशासकीय कामांमध्ये प्रगती दिसून येईल. नवीन प्रकल्प सुरू करण्याऐवजी, हातात असलेली कामे पूर्ण करण्यावर लक्ष केंद्रित करा. तुमच्या कठोर परिश्रमाचे फळ पदोन्नतीसह पगारवाढ अशा स्वरूपात मिळू शकेल. आर्थिक बाजू सामान्य असेल, मात्र घराच्या देखभालीचा खर्च वाढू शकतो. शेअर बाजारात घाईघाईने गुंतवणूक किंवा सट्टेबाजी करणे टाळा. कोणतेही कर्ज व्यवहार देखील करू नका.
मकर – तुमची प्रगती तुमच्या दूरदृष्टी आणि अचूक डेटा विश्लेषणावर अवलंबून आहे. शिक्षण आणि संशोधन क्षेत्रातील जातक त्यांच्या कामात यशस्वी होतील. ऑफिसमधील सगळ्या कामांच्या नोंदी अपडेटेड ठेवा. आज आर्थिक जोखीम घेणे टाळा. तुमच्या बचत आणि गुंतवणूक पद्धतींचे फेरपरीक्षण करा. उत्पन्न स्थिर राहील, परंतु अनावश्यक खरेदीवर नियंत्रण ठेवले पाहिजे.
कुंभ – यशासाठी आमूलाग्र बदल करण्याऐवजी जुन्या धोरणांमध्ये सुधारणा करणे आवश्यक आहे. कामाच्या ठिकाणी तुम्ही समस्या सोडवणारे म्हणून ओळखले जाल. आर्थिक बाबींमध्ये अतिरिक्त सावधगिरी बाळगणे आवश्यक आहे. कर किंवा विम्याशी संबंधित अनपेक्षित खर्च उद्भवू शकतात. गुंतवणुकीचे निर्णय काही काळासाठी पुढे ढकलणे शहाणपणाचे ठरेल.
मीन – ऑफिसच्या राजकारणापासून दूर राहा आणि तुमच्या ध्येयांवर लक्ष केंद्रित करा. संशोधन किंवा आंतरराष्ट्रीय कामात गुंतलेल्यांना यश मिळेल. तुमच्या बजेटबद्दल सावधगिरी बाळगा. मालमत्तेशी संबंधित बाबींमध्ये विलंब होऊ शकतो. भागीदारीत पारदर्शकता ठेवा, खर्च नियंत्रित करा आणि स्वतःच्या प्रयत्नांनी उत्पन्न वाढवण्यावर लक्ष केंद्रित करा.
