नीलिमा विजय खडतकर
खीरीसाठी साहित्य
- वरी तांदूळ – पाव कप
- दूध – 1 कप
- घट्ट आमरस – पाव कप
- साखर – 2 टेबल स्पून (आवडीप्रमाणे कमी जास्त)
- साजूक तूप – 2 टी-स्पून
कृती
- वरी तांदूळ स्वच्छ धुऊन घ्यावे.
- कढईत तूप घालून त्यात धुतलेले वरी तांदूळ घालावे आणि दोन-तीन मिनिटे छान परतून घ्यावे.
- त्यानंतर एक कप पाणी (किंवा अर्धा कप पाणी आणि अर्धा कप दूध) घालून पाच मिनिटे झाकून तांदूळ शिजू द्यावेत.
- तांदूळ मऊ शिजल्यावर साखर घालावी आणि दूध घालून एक उकळी येऊ द्यावी.
- नंतर आमरस (मी इथे हापूस आंबा घेतला आहे) घालून छान मिसळून द्यावे; झाली खीर तयार.
- वरून आंब्याचे तुकडे घालून गरम गरम सर्व्ह करावी.
- ही खीर उपवसासाठी चालू शकते.
पुरवठा संख्या – या साहित्यात दोन-तीन व्यक्तींसाठी खीर तयार होते.
हेही वाचा – Recipe : कच्च्या केळ्यांचे खुसखुशीत मिनी समोसे
भोपळ्याच्या वड्यांसाठी साहित्य
- लाल भोपळ्याचा किस – 1 कप
- ज्वारी पीठ – 1/2 कप
- गव्हाचे पीठ – 1/2 कप
- खोबरे किस – 1/2 कप
- बारीक चिरलेली कोथिंबीर – 1/2 कप
- बेसन – 1 टीस्पून
- तांदळाचे पीठ – 1 टीस्पून
- बाजरीचे पीठ – 1 टीस्पून
- धणे – 1 टीस्पून
- जीरे पूड – 1 टीस्पून
- लाल तिखट – 1/2 टीस्पून (चवीनुसार)
- तीळ – 1 टेबलस्पून
- अर्ध्या लिंबाचा रस
- मीठ – चवीनुसार
- तेल – एक पळी
कृती
- सर्व पिठे एकत्र करून घ्यावी.
- खोबऱ्याचा किस थोडा परतून घ्यावा.
- प्रथम एका भांड्यात भोपळ्याचा किस घ्यावा आणि त्यात इतर सर्व साहित्य छान मिसळून घ्यावे. त्यात अर्धे तीळ मिसळावे.
- मिक्स केलेल्या पिठाचा सैलसर गोळा तयार करावा. (पाणी घालू नये, भोपळ्याला पाणी सूटतं).
- तयार गोळा एका तेल लावलेल्या प्लेटमध्ये पासरून घ्यावा आणि वरून उरलेले तीळ लावावे.
- नतंर कूकरमध्ये शिट्टी आणि रिंग काढून किंवा स्टीमरमध्ये 15 मिनिटे वाफवून घ्यावे आणि थंड झाल्यावर त्याच्या वड्या पाडाव्यात.
- पॅनमध्ये थोडे तेल घेऊन वड्या मध्यम आचेवर शॅलो फ्राय कराव्यात किंवा तळून घ्याव्यात. वड्या छान लालसर होऊ द्याव्यात.
- गरम गरम वड्या सॅास किंवा चटणीसोबत सर्व्ह कराव्यात.
हेही वाचा – Recipe : कलिंगडाच्या सालीचे मऊ लुसलुशीत डोसे अन् रताळाच्या घाऱ्या
टिप
- ज्वारी, गहू, बाजरी, आणि तांदूळ या सर्व पिठाचे प्रमाण आवडीनुसार कमी जास्त करू शकतो.
- लाल भोपळ्याच्या सोबत दुधी भोपळा, गाजर घालू शकता.
तुमच्याही रुचकर आणि वैशिष्ट्यपूर्ण रेसिपी असतील तर, त्या तुम्ही ‘अवांतर’साठी देऊ शकता.
या ईमेलवर किंवा
9869975883 या व्हॉट्सॲप क्रमांकावर
तुम्ही रेसिपी पाठवा, तुमच्या नावासह या वेबसाइटवर त्या प्रसिद्ध केल्या जातील.
