मेष
- या आठवड्यात शुक्र भ्रमण फायद्याचे ठरेल. वास्तुयोग आहे. नोकरदारांच्या बाबतीत नवीन घराची नोंदणी होईल. मनाप्रमाणे गोष्टी घडतील. नवीन जबाबदारी मिळेल. व्यवसायाला होणारा विरोध मावळल्याने व्यावसायिक वर्गाला दिलासा मिळेल. नवीन करार करताना कागदपत्रे नीट वाचून मगच सही करा. गाडी चालवताना महिलांनी ट्रॅफिक नियम पाळावेत. विद्यार्थ्यांनी नवीन मैत्री करताना समोरच्या व्यक्तीला नीट पारखून घ्या. पटकन कुणावरही विश्वास ठेवू नका.
वृषभ
- या आठवड्यात ग्रहमान अनुकूल आहे. नोकरीच्या ठिकाणी कामात यश मिळेल. महत्त्वाच्या कामासाठी शिस्तीत नियोजन करणे आवश्यक आहे. इतरांवर विसंबून न राहता, कामात स्वतः लक्ष द्या. व्यावसायिक वर्गाच्या महत्त्वाच्या लोकांशी भेटीगाठी होतील. भागीदारीऐवजी स्वतंत्र व्यवसाय करणाऱ्यांना फायदा होईल. महिलांना रेंगाळलेली कामे पूर्ण करता येतील. विद्यार्थ्यांना तसेच कलाकार आणि खेळाडूंच्या दृष्टीने प्रगतीचा काळ आहे.
मिथुन
- हा आठवडा आर्थिक व्यवहारात प्रगतीच्या वाटेवर राहील. नोकरदारांचा कामाचा उरक जबरदस्त असेल. मनासारखी कामे पूर्ण करू शकाल. तुमच्या कामगिरीमुळे वरिष्ठांच्या नजरेत येऊ शकाल. व्यावसायिक वर्गासाठी गतिमान आठवडा असेल. आर्थिक बाजू मजबूत राहील. राजकीय मध्यस्थीतून लाभ होण्याची शक्यता आहे. महिलांना घरात दुरुस्तीची कामे करावी लागतील. विद्यार्थ्यांचा भावाशी वाद होण्याची शक्यता आहे.
कर्क
- ग्रहमान अनुकूल आहे. नोकरदारांची सरकारी कामे पूर्ण होतील. कामाच्या ठिकाणी सुरू असलेल्या गटबाजी आणि राजकारणापासून लांब रहाणे इष्ट. फक्त आपल्या कामावर लक्ष केंद्रीत करा. व्यावसायिक वर्गाची मनाप्रमाणे वसुली होऊ शकते. तुमच्या उत्पादनाला खूप प्रसिद्धी मिळेल, त्यानुसार मागणीही वाढू शकते. महिलांनी व्हायरल आजारांबाबत काळजी घ्यावी. विद्यार्थ्यांनी पाकीट सांभाळावे, महत्त्वाची कागदपत्रे सांभाळून ठेवा.
सिंह
- या आठवड्यात कायदेशीर बाबींची काळजी घ्या. नोकरदारांनी कोणतेही पाऊल उचलण्यापूर्वी कायदेशीर बाबी तपासून निर्णय घ्यावेत. आठवड्याच्या शेवटी अचानक लाभ होईल. व्यावसायिक वर्गाच्या बाबतीत कामगारांचे प्रश्न अनपेक्षितपणे समोर येतील. परिणामी, त्यावर समर्पक पर्याय शोधायला वेळ लागेल. महिलांनी खरेदीचा मोह टाळावा, फसवणूक होण्याची शक्यता आहे. विद्यार्थ्यांनी मित्रांच्या वादात मध्यस्थी करू नये.
हेही वाचा – ज्योतिषशास्त्र सोप्या भाषेत
कन्या
- या आठवड्यात आनंददायक बातम्या मिळतील. नोकरदारांना कामानिमित्त लांबचे प्रवास घडतील. मनाप्रमाणे कामे होतील. अधिकार आणि लाभ मिळू शकतात. व्यावसायिक वर्गाला प्रसिद्धी मिळेल. अनेक वेगवान घडामोडी घडतील. नवीन गुंतवणूक करू शकाल. महिलांना मनाप्रमाणे खरेदी करता येईल. देवदर्शनाला जाण्याचा योग आहे. विद्यार्थ्यांनी अभ्यासावर लक्ष केंद्रित करावे, नक्की यश मिळेल.
तुळ
- या आठवड्यात रवी आणि गुरू कर्क राशीत आहेत. रवी कर्मस्थानात आहे. नोकरदारांना करिअरमध्ये चांगली प्रगती साधता येईल. नवीन जॉबच्या शोधात असणाऱ्यांना नोकरीची संधी मिळेल. व्यावसायिक वर्गाला नवीन संकल्पना अंमलात आणता येतील. त्या आधारे नवीन प्रॉडक्ट बाजारात आणू शकाल. महिलांना मैत्रिणींबरोबर फिरायला जाण्याचा योग आहे. विद्यार्थ्यांनी पॉकेट मनी जपून वापरा. मित्रांना पैसे उधार देऊ नका.
वृश्चिक
- भाग्यस्थानात रवी आणि गुरू चांगले फळ देतील. तथापि, नोकरदारांची एखादी वस्तू हरवण्याची शक्यता आहे. कामात हलगर्जीपणा करू नका. प्रोजेक्टचा डेटा आणि फाइल सांभाळून ठेवा. व्यावसायिक वर्गाला चांगल्या वसुलीचा फायदा होईल. प्रलंबित जुनी येणी देखील वसूल होतील. व्यवसाय वाढीसाठी प्रयत्न करा, नक्की यश मिळेल. महिलांच्या बाबतीत जुनी दुखणी परत उद्भवतील, काळजी घ्या आणि पथ्य पाळा. विद्यार्थ्यांना स्पर्धात्मक परीक्षेत यश मिळेल.
धनु
- या आठवड्यात फसवणूक होऊ नये, म्हणून सावध रहा. नोकरदारांच्या विवाहेच्छुक मुला-मुलींचे विवाह ठरतील. नोकरीत किंवा कामाच्या स्वरूपात बदल संभवतात. व्यावसायिक वर्गाला अनावश्यक खर्चाला सामोरे जावे लागेल. कामगार अचानक असहकाराची भूमिका घेण्याची शक्यता आहे. अशा वेळी विचारपूर्वक निर्णय घ्या. महिलांना घरातील ज्येष्ठ व्यक्तींच्या तब्येतीची काळजी राहील. अन्य कारणाने घरात वाद होण्याची शक्यता आहे. विद्यार्थ्यांना पार्ट-टाइम नोकरी मिळण्याची शक्यता आहे.
मकर
- या आठवड्याची सुरुवात भक्तिमय होण्याची शक्यता आहे. नोकरदारांच्या बाबतीत कामाचा ताण असेल, पण वेळेचे नियोजन आणि तत्परता याच्या आधारे तुम्ही सफल होऊ शकाल. वरिष्ठ खूश होतील. तथापि, हाताखालच्या स्टाफची नाराजी राहील. व्यावसायिक वर्गाला दानधर्म करता येईल. व्यवसायाच्या नवीन कल्पना मिळतील, त्याचा पाठपुरावा करा. महिलांना मैत्रिणींबरोबर देवदर्शनाला जाण्याचा योग आहे. विद्यार्थ्यांनी अभ्यासात सातत्य ठेवावे. चांगल्या मित्रांची संगत ठेवा.
कुंभ
- या आठवड्यात तब्येतीची कुरबुर राहील. नोकरदारांच्या बाबतीत कामाचा जास्त व्याप नसला तरी, हाताखालच्या कर्मचारीवर्गाने काम चुकीचे केल्याने त्रास होईल. त्या कामासाठी जास्त वेळ द्यावा लागेल. जाहिरात चुकीच्या पद्धतीने दिल्याने व्यावसायिक वर्गाचे नुकसान होण्याची शक्यता आहे. कोर्ट-कचेरीच्या कामात जास्त वेळ जाईल. महिलांची घरात चिडचिड होण्याची शक्यता आहे. अशा परिस्थितीत काही गोष्टींकडे दुर्लक्ष करणे हिताचे ठरेल. विद्यार्थ्यांनी पाकीट सांभाळावे. मित्रांना पैसे उधार देऊ नका.
हेही वाचा – मधुमेह नियंत्रणासाठी आहार मार्गदर्शन
मीन
- या आठवड्यात पावसाळी सहलीला जाण्याचा योग आहे. नोकरदारांच्या अधिकारात वाढ होईल. त्याचबरोबर कामाचा व्याप वाढेल. नवीन प्रोजेक्टसाठी उमेदवारांच्या मुलाखती घ्याव्या लागतील. व्यावसायिक वर्गाला प्रॉडक्टसाठी प्रदर्शनाचा चांगला फायदा मिळू शकेल. त्यासाठी मेहनतही करावी लागेल. महिलांसाठी घरात आनंदाचे वातावरण असेल. काम कमी आणि बडबड जास्त, असे होण्याची शक्यता आहे. विद्यार्थ्यांना कला क्षेत्रात यश मिळेल. सादरीकरण चांगले आणि प्रभावी होण्यासाठी मेहनत घ्यावी लागेल.
