मेष
- या आठवड्यात मोठ्यांचे आशीर्वाद मिळतील. नोकरदारांना कामानिमित्त परदेश प्रवास घडतील. दुसरीकडे, कामाचा ताण वाढेल, मात्र आधी केलेल्या कामाचे श्रेय देखील मिळेल. व्यावसायिक वर्गाचा भागीदाराच्या संदर्भातला अंदाज बरोबर ठरेल. त्यांनी मांडलेल्या कल्पना उपयोगात येतील. उलाढाल वाढून नफा होईल. जुन्या संबंधांना नवा साज चढेल. महिलांसाठी या सप्ताहात घरी आनंदाचे वातावरण राहील. मात्र प्रवास करताना सावध रहा. विद्यार्थ्यांना वाहनाच्या देखभालीचा खर्च करावा लागेल. कलाकार, खेळाडूंना उत्तम संधी मिळेल.
वृषभ
- या आठवड्यात कामामध्ये यश मिळेल. नोकरदार जातकांनी केलेल्या कष्टाचे चीज होईल. त्यांना वरिष्ठांकडून लाभ मिळतील. कामाच्या ठिकाणी मिळालेली जबाबदारी पूर्ण करू शकाल. संवादाच्या माध्यमातून व्यावसायिकांना चांगल्या संधी मिळतील. तुमच्या क्षेत्रात आतापर्यंत केलेल्या कार्याची मोठ्या प्रमाणात दखल घेतली जाईल. त्यामुळे प्रसिद्धी मिळेल. कामानिमित्त प्रवास घडेल. महिलांना कोणत्यातरी कारणाने मानसिक ताण जाणवू शकतो. अशावेळी विचारपूर्वक निर्णय घ्या. विद्यार्थ्यांनी कुसंगत टाळावी. आत्मविश्वासाने निर्णय घ्यावेत.
मिथुन
- या आठवड्यात प्रसिद्धी मिळेल आणि आर्थिकदृष्ट्या लाभ होईल. नोकरदारांना सहकारी तसेच वरिष्ठ अशा दोघांकडून सहकार्य मिळेल. वरिष्ठांची मर्जी राहील. कामाच्या ठिकाणी खडतर आव्हाने समोर येतील, मात्र त्यातून तुम्ही योग्य मार्ग काढू शकाल. व्यावसायिकांना शुभ वार्ता समजतील. नवीन कॉन्ट्रॅक्ट मिळेल. कुटुंबाच्या वाढत्या मागण्या पूर्ण करू शकाल. कुटुंबातील विवाहयोग्य तरुणांचे विवाह ठरतील. घरी पाहुणे येतील. त्यामुळे महिला वर्गाची धावपळ होईल. घरात रंगकाम करून घेऊ शकाल. विद्यार्थ्यांची प्रगती होईल. स्पर्धा परीक्षेत त्यांना उत्तम यश मिळेल.
कर्क
- या आठवड्यात आत्मविश्वासाने कामे पूर्ण करू शकाल. नोकरदारांनी वस्तुस्थितीकडे सकारात्मक दृष्टीने बघण्याची गरज आहे. ऑफिसमधील वातावरण चांगले राहील. कामे पटापट पूर्ण होतील. सरकारी काम पूर्ण करण्यासाठी एखादी ओळख उपयोगी पडेल. व्यावसायिकांना कुटुंबाचा पाठिंबा मिळेल. नवीन करार करताना मध्यस्थ उपयोगी पडेल. वादग्रस्त कामे तडजोड करून मार्गी लावता येतील. महिलांना मनातील इच्छा पूर्ण करता येतील. नवीन वाहन खरेदीचा योग आहे. विद्यार्थ्यांना मेहनत करावी लागेल. स्वतःची कामे स्वतः करा, इतरांवर अवलंबून राहू नका.
सिंह
- या आठवड्यात सूर्य राशी बदलून तुळ राशीत नीचीचा होत आहे. त्यामुळे स्वतःच्या तब्येतीची काळजी घ्या. नोकरदारांना अपेक्षित अशाच घटना घडतील. त्यामुळे उत्साह आणि आत्मविश्वास वाढेल. वरिष्ठांचे सहकार्य मिळेल. कुटुंबात विवाह ठरेल. त्यामुळे आनंदी वातावरण असेल. व्यावसायिक वर्गाला आर्थिक लाभ होईल. जुनी येणी वसूल होतील. नवीन संधी मिळेल, नवीन करार होतील. कामात खूपच व्यग्र रहाल. महिलांना जबाबदारी पूर्ण करता येईल. कौटुंबिक आयुष्यात समतोल साधू शकाल. विद्यार्थ्यांना जुन्या मित्र-मैत्रिणींना भेटता येईल, त्यामुळे ते आनंदी रहाल.
हेही वाचा – वास्तुशास्त्र आणि करिअरमधील यश
कन्या
- या आठवड्यात बोलण्यात आणि वागण्यात नियंत्रण ठेवा. नोकरदारांनी कोणाशीही वाद घालू नये. आपले काम प्रामाणिकपणे करा. कार्यालयातील गटबाजी तसेच राजकारण यापासून दूर राहा. व्यावसायिकांनी महत्त्वाच्या कामांमध्ये नियम आणि अटींचे पालन करावे. वसुली करताना कायद्याचे पालन करा. आर्थिक अडचण आली, तर लगेच मदत मिळेल. महिलांना घरातील ज्येष्ठ व्यक्तींना भेटण्याचा योग येईल. कामानिमित्त प्रवासही होईल. विद्यार्थ्यांनी वाहन सावकाश चालवावे, वेगावर नियंत्रण ठेवा. वाहतुकीचे नियम पाळा.
तुळ
- या आठवड्यात सूर्य तुमच्या राशीत येत आहे. नोकरदारांवर कामाचा ताण राहील. नवीन सहकाऱ्यांशी जुळवून घेताना त्रास होईल. रागावर नियंत्रण ठेवणे गरजेचे आहे. स्वतःसाठी मनासारखी खरेदी करू शकाल. व्यावसायिकांचा व्यवसाय जोरात चालू राहील. नवीन संकल्पना फायदेशीर ठरतील. आर्थिक मदत लगेच मिळेल. नवीन इन्व्हेस्टर मिळतील. व्यवसाय मोठा करू शकाल. महिला सामाजिक आणि धार्मिक कार्यात सक्रिय योगदान देऊ शकतील. त्यांना शुभ समाचार मिळतील. विद्यार्थ्यांना एखादी छोटी नोकरी मिळेल. एकंदरीत सगळ्यांसाठीच चांगला आठवडा असेल.
वृश्चिक
- या आठवड्यात काळजीपूर्वक निर्णय घ्या. नोकरदारांसमोर नवीन आव्हाने येतील. वरिष्ठांना मान द्या. कामासाठी इतरांवर अवलंबून राहू नका. आपल्या अधिकाराच्या मर्यादा लक्षात घेऊन स्वतःची कामे पूर्ण करणे हिताचे ठरेल. प्रलोभनांपासून दूर राहा. व्यावसायिकांची जुनी येणी वसूल होतील. वस्तुस्थिती बघून निर्णय घ्या. इतरांच्या मताला प्राधान्य द्या. वादविवाद टाळा. महिलांनी मौल्यवान वस्तू तसेच महत्त्वाची कागदपत्रे जपून ठेवावीत. विद्यार्थ्यांना ज्येष्ठांचा आणि गुरूंचा आशीर्वाद लाभेल, त्यांचे अनमोल मार्गदर्शन मिळेल.
धनु
- या आठवड्यात आर्थिक आलेख उंचावेल. नोकरदारांवरील कामाचा ताण कमी असेल. ऑफिसमधील वातावरण छान, उत्साही असेल. नवीन गुंतवणूक करू शकाल. गुंतवणुकीसाठी खूप पर्याय मिळतील. यासाठी जाणकाराचा सल्ला घेणे योग्य होईल. व्यावसायिकांना शेअर बाजार तसेच, म्युच्युअल फंड यांच्यात फायदा होण्याची शक्यता आहे. कामानिमित्त प्रवास होईल. महिला नवीन खरेदी करू शकतील. मैत्रिणींबरोबर वेळ घालवाल. विद्यार्थ्यांना सोशल मीडियाच्या माध्यमातून आर्थिक लाभ होण्याची शक्यता आहे.
मकर
- या आठवड्यात घाईघाईने कोणताही निर्णय घेऊ नका. नोकरदारांवर कामाचा ताण असेल. पुढील कामाचे आणि त्यासाठी लागणाऱ्या वेळेचे आधीच नियोजन करून ठेवा. सरकारी नोकरी असेल तर, बदलीची शक्यता आहे. अधिकारात वृद्धी होईल. व्यावसायिकांना तेजी अनुभवायला मिळेल. नफ्याचे प्रमाण वाढेल. कामगार आणि इतर कर्मचारी वर्गाला बोनस देऊ शकाल. नवीन व्यापार सुरू करताना सर्व बाजूंनी विचार करा. महिला कुटुंबासाठी खरेदी करू शकतील. मात्र त्यांनी स्वतःच्या तब्येतीची काळजी घेणे आवश्यक आहे. विद्यार्थ्यांना घरातील ज्येष्ठ व्यक्तीचा आशीर्वाद मिळेल. मनाजोगा पॉकेटमनी मिळेल.
कुंभ
- या आठवड्यात कामे पूर्ण करताना सरकारी नियम पाळा. नोकरदारांच्या उत्पन्नात वाढ होईल. त्यांना प्रसिद्धी मिळेल. कुटुंबातील तरुणांच्या प्रश्नांकडे जातीने लक्ष द्या आणि ते सोडविण्याचा प्रयत्न करा. व्यावसायिकांनी बोलण्यावर नियंत्रण ठेवावे. इतरांवर अवलंबून राहू नये. स्पर्धक तसेच हितशत्रू यापासून सावध राहा. जाहिरातीसाठी सोशल मीडियाचा वापर करा. महिलांना घरातील ज्येष्ठ व्यक्तीच्या आरोग्याची काळजी घ्यावी लागेल. विद्यार्थ्यांना अभ्यासात खूप मेहनत घ्यावी लागेल, शॉर्टकट वापरून चालणार नाही.
हेही वाचा – पत्रिकेतील ग्रह आणि वास्तू
मीन
- या आठवड्यात स्वतःच्या खाण्यापिण्याकडे लक्ष देणे गरजेचे आहे. नोकरदारांनी वरिष्ठांच्या मताला प्राधान्य द्यावे. महत्त्वाची कामे स्वतः करा. राजकारणापासून लांब राहा. व्यावसायिक वर्गाच्या बाबतीत व्यवसायासाठी नवीन करार होण्याची शक्यता आहे. त्यासाठी काही नवीन संकल्पना राबवू शकाल. प्रदर्शनात भाग घेऊ शकाल. महिलांनी घरातील तरुण मुला-मुलींकडे लक्ष द्यावे. त्यांच्याबरोबर वेळ घालवावा. विद्यार्थी एखादा छोटा व्यवसाय करू शकतील. छंद म्हणून काही गोष्टी बनवल्या असतील तर त्यांची विक्री करून थोडीशी रक्कम जमा करता येईल.
ईमेल – prajaktakathe3970@gmail.com
