दर्शन कुलकर्णी
- आज, दिनांक : 27 ऑगस्ट 2026; वार : गुरुवार
- भारतीय सौर : 05 भाद्रपद शके 1948; तिथि : चतुर्दशी 09:08; नक्षत्र : धनिष्ठा 26:15;
- योग : शोभन 07:54; करण : विष्टि 21:31;
- सूर्य : सिंह; चंद्र : मकर 13:34; सूर्योदय : 06:21; सूर्यास्त : 18:59;
- पक्ष : शुक्ल; अयन : दक्षिणायन; संवत्सर : पराभव;
- शालिवाहन शक : 1948; विक्रम संवत : 2082; युगाब्द : 5128
नारळी पौर्णिमा, पौर्णिमा प्रारंभ सकाळी 09:08
शुक्ल यजु श्रावणी
वेद कन्सल्टन्सी / 9987433660
दिनविशेष
गूढ कथालेखक नारायण धारप
टीम अवांतर
मराठी साहित्य क्षेत्रातील रहस्य-गूढ आणि भयकथा लेखकांमध्ये ज्यांचे नाव अग्रगण्य आहे त्या नारायण धारप यांचा जन्म 27 ऑगस्ट 1925 रोजी नागपूर येथे झाला. पुढे त्यांनी मुंबई विद्यापीठातून रसायनशास्त्रात बी.एस्सी.टेक पदवी मिळवली. नोकरीच्या निमित्ताने ते काही काळ आफ्रिकेत वास्तव्यास होते. काही काळ त्यांनी अध्यापन देखील केले. मात्र खरी ओढ ही लेखनाकडेच होती. त्यामुळे पूर्णपणे त्यांनी लेखनाला वाहून घेतले आणि भयकथांच्या माध्यमातून मराठी साहित्य विश्वात स्वतःचे स्वतंत्र स्थान निर्माण केले.
सर आर्थर कॉनन डायल यांचं ‘रिटर्न ऑफ शेरलॉक होम्स्’ हे पुस्तक धारपांच्या वाचनात आलं, आणि तोच त्यांच्या आयुष्यातील टर्निंग पॉइंट ठरला. सस्पेन्स, हॉरर साहित्याकडे ते इथूनच आकृष्ट झालो. स्टीफन किंग आणि पीटर स्ट्रॉट हे त्यांचे आवडीचे लेखक होते.
हेही वाचा – हक्कसोडपत्र अन् अक्का!
1951-52 साली धारपांनी ‘दार उघड ना गं आई’, ‘हिरवे फाटक’, ‘आंधळी कोशिंबीर’ आणि ‘सदूचे मित्र’ या चार भयकथा धारपांनी पहिल्यांदा लिहिल्या. त्या नागपूर येथून प्रसिद्ध होणाऱ्या सुषमा मासिकात प्रकाशित झाल्या. याशिवाय ‘ऐसी रत्ने मेळवीन’, ‘पारंब्यांचे जग’ , ‘दुहेरी धार’, ‘काळगुंफा’ या चार विज्ञानकथा देखील त्यांनी लिहिल्या. मात्र त्यांना फारसे वाचक लाभले नाहीत. म्हणून धारप परत भयकथांकडे वळले.
1965 मध्ये ‘वाङमयशोभा’ या मासिकामधून आलेली ‘चंद्राची सावली’ ही धारपांची पहिली भयकादंबरी तर ‘अनोळखी दिशा’ हा पहिला भयकथासंग्रह ठरला. समर्थ, आप्पा जोशी, कृष्णचंद्र, पंत आणि जयदेव या त्यांच्या कथा किंवा कादंबऱ्यांमध्ये अनेकदा आढळणारी मुख्य पात्रे. ‘वाईटावर चांगल्याचा विजय’ या तत्त्वानुसार ही मुख्य पात्रे कथानकातील वाईट शक्तींवर विजय मिळवताना दिसतात.
धारप यांची साधारपणे 100 पुस्तके प्रकाशित झाली आहे. यात प्रामुख्याने भयकथांचाच समावेश आहे. याशिवाय ‘देवकी’, ‘सरिता’, ‘कृष्णा’ इत्यादी सामाजिक कादंबऱ्या,‘24 तास’ हे नाटक, ‘कंताचा मनोरा’सारखं बालवाङ्मय असे साहित्यिक प्रकारही धारपांनी हाताळले.
नारायण धारप यांच्या गूढकथांवर आधारित, तसेच त्यांच्या एका गूढकथासंग्रहाचेच नाव असलेली “अनोळखी दिशा” नावाची दूरचित्रवाहिनी मालिका 2011 मध्ये स्टार प्रवाह वाहिनीवर झाली. या मालिकेचे दिग्दर्शन महेश कोठारे यांनी केले होते. याशिवाय त्यांच्या ग्रहण या कादंबरीवर आधारित मालिका झी मराठीवर 2018 मध्ये प्रसारित झाली होती. धारप यांच्या कथांपासून प्रेरणा घेऊन लिहिला गेलेला “तुंबाड” हा हिंदी चित्रपट 12 ऑक्टोबर 2018 रोजी भारतात प्रदर्शित झाला. या चित्रपटाचे लेखन-दिग्दर्शन राही बर्वे यांनी तर निर्मिती आनंद एल. राय यांनी केली. 18 ऑगस्ट 2008 रोजी पुणे येथे धारप यांचे निधन झाले.
आजचे राशिभविष्य
मेष – आज कामाच्या ठिकाणी काही आव्हाने निर्माण होऊ शकतात. कामाच्या ठिकाणी वरिष्ठांसोबत वाद झाल्यास त्याचा तुमच्या बढतीवर किंवा प्रतिमेवर परिणाम होऊ शकतो, त्यामुळे आपले विचार व्यक्त करताना शब्दांकडे विशेष लक्ष द्या. स्वतःच्या आरोग्याबाबत थोडी चिंता वाटेल, त्यामुळे निष्काळजीपणा टाळा. आज दुसऱ्याचे वाहन चालवणे टाळा. कायदेशीर बाबींमध्ये प्रत्येक टप्प्यावर सावधगिरी बाळगा.
वृषभ – महत्त्वाच्या कामांकडे आज बारकाईने लक्ष द्यावे लागेल, थोडासा निष्काळजीपणासुद्धा अडचणी निर्माण करू शकतो. संततीला कामाच्या निमित्ताने दूर राहायला जावे लागेल, ज्यामुळे तुम्ही थोडे भावनिक व्हाल. कुटुंबासोबत एखादी पार्टी किंवा स्नेहसंमेलन होण्याची शक्यता आहे, ज्यामुळे तुमचा मूड सुधारेल. मात्र, याच काळात एखादा जुना कौटुंबिक मुद्दा पुन्हा उफाळून येऊ शकतो आणि तणाव निर्माण करू शकतो. त्यामुळे परिस्थिती चिघळू देऊ नका.
मिथुन – इतरांच्या कामात जास्त हस्तक्षेप टाळणे आज तुमच्यासाठी उत्तम ठरेल. स्वतःचे निर्णय स्वतः घ्या. प्रत्येक लहानसहान गोष्टीसाठी इतरांवर अवलंबून राहणे टाळा. व्यवसायातील सध्याचे चढ-उतार हळूहळू कमी होतील. वडिलांकडून एक महत्त्वाची जबाबदारी मिळेल, जी तुम्हाला गांभीर्याने पार पाडावी लागेल. सुखसोयी आणि चैनीच्या वस्तू खरेदी करण्याकडे कल वाढेल, मात्र वाढत्या खर्चावर लक्ष ठेवणे महत्त्वाचे आहे.
कर्क – आजचा दिवस थोडा गुंतागुंतीचा असू शकतो. वाढलेल्या कामाच्या दबावामुळे अस्वस्थता येऊ शकते, मात्र संयम आणि समजूतदारपणाने परिस्थिती नियंत्रणात येईल. संततीच्या अभ्यासाची चिंता वाटू शकते. अशा परिस्थितीत, त्यांच्या शिक्षकांशी बोलणे फायदेशीर ठरेल. आईच्या आरोग्याबाबतही सावधगिरी बाळगणे आवश्यक आहे. कोणतीही शारीरिक किंवा मानसिक समस्या पुढे ढकलण्याऐवजी, वेळेवर उपचार आणि सल्ला घेणे चांगले.
सिंह – आजचा दिवस तुमच्यासाठी संमिश्र स्वरूपाचा असेल. खर्चावर नियंत्रण ठेवण्याचा तुम्ही प्रयत्न कराल. परदेशातील एखाद्या प्रकल्पाबाबत तुम्हाला चांगली बातमी मिळू शकते. सामाजिक कार्यक्रमात सहभागी होण्याची तुम्हाला संधी मिळेल, जिथे तुम्ही नवीन लोकांशी ओळख वाढवू शकाल. कामाच्या ठिकाणी प्रलंबित असलेल्या समस्या सोडवण्याचे प्रयत्न यशस्वी होऊ शकतात. संयम बाळगा आणि कोणताही निर्णय घाईने घेण्याचे टाळा.
कन्या – आज आर्थिक दिलासा मिळण्याची प्रबळ चिन्हे आहेत. आर्थिक लाभामुळे आर्थिक परिस्थिती सुधारू शकते. वडिलोपार्जित मालमत्तेचा फायदा होण्याची शक्यता आहे. भावंडांच्या पाठिंब्यामुळे तुमचा आत्मविश्वास वाढेल. जुने वैर विसरून नात्यांना नव्याने सुरुवात करणे फायदेशीर ठरेल. एखाद्या गोष्टीबद्दल अस्वस्थता जाणवेल. स्वतःला व्यस्त ठेवल्याने आणि सकारात्मक दृष्टिकोन ठेवल्याने परिस्थिती सुधारेल.
तुळ – आज तुमचा कल सेवा, दानधर्म आणि धार्मिक कार्यांकडे अधिक झुकेल. ज्यामुळे तुमच्या मनाला शांती मिळेल. घरातही धार्मिक वातावरण निर्माण होऊ शकते. मात्र वैवाहिक जीवनात काही समस्या निर्माण होऊ शकतात. त्याचे वादात रूपांतर होऊ नये यासाठी, शांत संभाषणाद्वारे त्या सोडवण्याचा प्रयत्न करा. व्यवसायात समोरच्या पार्टीला दिलेली कोणतीही वचने वेळेवर पूर्ण करण्याचे प्रयत्न करा.
वृश्चिक – आज मालमत्तेसंबंधी एखादा मोठा निर्णय घ्याल. नवीन घर खरेदी करण्याची शक्यता आहे. बँकेचे एक महत्त्वाचे कामही पूर्ण होऊ शकते. आवडत्या व्यक्तीची भेट झाल्यामुळे खूप आनंद होईल. मात्र स्वतःच्या मौल्यवान वस्तू आणि महत्त्वाची कागदपत्रे सुरक्षित ठेवा. कामाच्या ठिकाणी कोणीतरी तुमच्या विरोधात कट रचण्याचा प्रयत्न करू शकते, म्हणून प्रत्येकावर आंधळा विश्वास ठेवू नका. स्वतःची मेहनत आणि बुद्धिमत्ता यावर अवलंबून रहा.
हेही वाचा – हनी ट्रॅप… आयुष्यातून उठवणारा!
धनु – आजचा दिवस सकारात्मक असेल. प्रगतीच्या नवीन संधी निर्माण होऊ शकतात. आपल्या सभोवतालच्या लोकांचे काळजीपूर्वक मूल्यांकन केल्याशिवाय कोणावरही विश्वास ठेवू नका. जर एखाद्या गोष्टीबद्दल संभ्रम असेल, तर यावर वडिलधाऱ्यांचा सल्ला खूप उपयुक्त ठरू शकतो. प्रवासादरम्यान, तुम्हाला महत्त्वाची माहिती मिळू शकते. घरगुती जबाबदाऱ्या टाळण्याचा प्रयत्न करू नका, अन्यथा तुम्हाला वडीलधाऱ्यांच्या नाराजीला सामोरे जावे लागू शकते.
मकर – आज उत्पन्नात वाढ होण्याची चिन्हे आहेत. आर्थिक परिस्थिती मजबूत होऊ शकते. भूतकाळातील चुकांमधून शिकणे महत्त्वाचे आहे. सध्या कोणालाही पैसे उधार देणे टाळा. शेअर बाजारात गुंतवणूक केल्यास नफा मिळण्याची शक्यता आहे, परंतु कोणतीही कृती करण्यापूर्वी त्यातील धोक्यांचा काळजीपूर्वक विचार करा. जोडीदारासोबत प्रवास करण्याची किंवा घराबाहेर वेळ घालवण्याची संधी मिळेल, ज्यामुळे नातेसंबंध अधिक दृढ होतील. केवळ दिखाव्यासाठी अवाजवी खर्च करणे टाळा.
कुंभ – आज, जशा तुमच्या गरजा वाढतील, तसा तुमचा खर्चही झपाट्याने वाढू शकतो. त्यामुळे, आगाऊ अंदाजपत्रक तयार करणे शहाणपणाचे ठरेल. जर तुम्ही कोणाला पैसे उधार दिले असतील, तर त्याची परतफेड होण्यास विलंब होऊ शकतो, म्हणून सध्या त्या रकमेवर अवलंबून राहणे टाळावे. स्वतःची बुद्धिमत्ता आणि रणनीती विरोधकांच्या योजना हाणून पाडू शकते. पालकांचे आशीर्वाद आणि पाठिंबा यामुळे प्रलंबित प्रकल्प पुढे जातील.
मीन – आज स्वतःच्या आरोग्याला प्राधान्य दिले पाहिजे. कामातील यशामुळे आत्मविश्वास वाढेल. तुमचे उत्पन्न वाढवण्याच्या नवीन मार्गांचा विचार करू शकता. बचत मजबूत करण्यासाठी एक नवीन योजना देखील बनवू शकता. संततीला दिलेले वचन पूर्ण करणे महत्त्वाचे ठरेल. विद्यार्थ्यांनी अभ्यासात हलगर्जीपणा टाळावा, कारण लक्ष विचलित झाल्यास मेहनतीवर परिणाम होऊ शकतो. शिस्त आणि एकाग्रता राखल्यास चांगले परिणाम मिळतील.
