पल्लवी खरोसे आंबेकर
भाग – 9
शार्वी मॅमसंदर्भात गरिमा जे बोलली त्याचाच विचार पार्थ करत होता. त्यांच विचारात तो घरी पोहोचला. त्याने आईशी बोलायचं ठरवलं. फ्रेश होऊन त्याने जेवण आवरलं आणि आईजवळ जाऊन बसला. पण आईशी कसं आणि काय बोलावं, हेच त्याला समजत नव्हतं. त्याच्या चेहऱ्यावरचे चित्रविचित्र एक्सप्रेशन बघून विभाच त्याला म्हणाल्या, “पार्थ, काही बोलायचं आहे का तुला?”
“हो आई, ते म्हणजे… मी आणि गरिमा एकमेकांवर खूप प्रेम करतो आणि आम्हाला लग्न करायचं आहे, तेही लवकरात लवकर…” तो एका श्वासात बोलून मोकळा झाला.
त्या फक्त त्याच्याकडे पाहत होत्या… रागाने की आश्चर्याने?
त्याने आपल्या आईकडे बघितले. आईचा चेहरा एकदम शांत दिसत होता. त्यावर कोणतेच एक्स्प्रेशन नव्हते. त्याला हे समजायला कठीण जात होते की, त्यांच्या मनात सध्या काय सुरू आहे? त्याला एकक्षण तर भीती वाटली… कदाचित आई नकार देते की काय! पण त्याने ते चेहऱ्यावर दिसू दिले नाही. त्याने धीर करून विचारले, “आई तुला काही प्रॉब्लेम आहे का आमच्या लग्नाबद्दल? तसं असेल तर सांग.”
“काय रे लबाडा! तुमच सगळं ठरल्यावर मला विचारत आहेस हं?” म्हणत त्यांनी खोटं रागवत त्याचा कान पकडला.
“काहीच नाही करणार… तुझ्या होकाराची वाट बघणार…” तो विश्वासाने म्हणाला.
“…आणि मी कधीच होकार नाही दिला तर?” त्यांनी भुवया उंचावत विचारलं.
“तरीही मी तुझ्या होकाराचीच वाट बघेन,” तो आईचा हात हातात घेत म्हणाला.
हे ऐकून त्यांच्या डोळयांत किंचित पाणी आलं. पण हे पाणी आनंदाचं आणि मुलाप्रती असलेल्या प्रेमापोटीच होतं. एक क्षण तर त्यांना स्वतःचाच हेवा वाटला, खरंच आपण किती नशीबवान आहोत की, आपल्याला पार्थसारखा मुलगा मिळाला. कदाचित, त्याचे वडील आज असते तर… या विचारानेच त्यांना भरून आलं.
हेही वाचा – कन्स्ट्रक्शन साइटवर जे काही घडलं, त्याने गरिमा नाराज…
त्यांनी स्वतःच्या मनावर आवर घातला आणि म्हणाल्या, “मला तर ती कधीच माझी सून म्हणून पसंद आहे… आणि लवकरात लवकर घरी घेऊन तिला.”
त्याने खूश होऊन आईला मिठी मारली.
“जा आता जाऊन झोप,” त्या त्याला बाजूला करत म्हणाल्या. त्याने आईला स्माइल दिली आणि झोपायला निघून गेला. उद्याची स्वप्ने बघत तो लगेचच झोपूनही गेला. पण त्याला हे माहिती नव्हतं की, उद्याचा दिवस त्याच्या आयुष्यात खूप मोठी उलथापालथ घडवणार आहे…
इन ऑफिस…
शार्वी आज ऑफिसला नेहमीपेक्षा लवकर आली होती. कधी एकदा पार्थला मनातलं सांगते, असं तिला झालं होतं. ती केबिनमध्ये बसून त्याच्या येण्याची वाट बघत होती. पण तो काही आज लवकर येत नव्हता! तिला एक एक सेकंद खूप मोठा वाटत होता. काही वेळाने तो त्याच्या नेहमीच्याच टाइमवर ऑफिसमध्ये आला. गरिमा आधीच आली होती. त्याने तिला एक स्माइल दिली आणि आपल्या जागेवर जाऊन बसला. मधूनच ती त्यालाच बघत होती. आज तिला तो खूप हँडसम दिसत होता आणि आज खरंच गरिमाला सरप्राइज देण्यासाठी तो खास तयार होऊन आला होता. व्हाईट शर्ट त्याला खूप शोभून दिसत होता. स्लीव्हज फोल्ड केल्यामुळे त्याची चेस्ट आणि मसल्स उठून दिसत होते. त्यात त्याची ती खोल नजर एखाद्याला घायाळ करायला पुरेशी होती. त्याला बघून, स्वतःवरचा कंट्रोल सुटतो की काय, असं तिला वाटत होतं. मग तिने कामात लक्ष घालण्याचा प्रयत्न केला, जे तिच्यासाठी शक्य नव्हतं. मन फिरून फिरून तिथेच… पार्थवर येऊन अडकत होतं.
शेवटी तिने कसंतरी काम सुरू केलं. काहीवेळाने तिला एक फोन आला त्यावरचं बोलणं ऐकून ती खूश झाली. तिने गरिमाला बोलावून सगळ्या मीटिंग्स कॅन्सल करायला सांगितल्या.
काहीवेळाने तिने पार्थला केबिनमध्ये बोलावून घेतलं. तो आल्यानंतर तिने त्याला तिच्यासोबत मीटिंगमध्ये चलण्यास सांगितले आणि लंचही तिथेच करणार, हेही सांगितले.
पर्सनल सेक्रेटरी असल्यामुळे गरिमाही तिच्यासोबत जायला निघाली. पण शार्वीने तिला थांबवलं. गरिमाला थोडस वेगळं वाटलं, पण काहीही झालं तरी, ती तिची बॉस होती. त्यामुळे ती शांत बसली. पण पार्थला काळजी घेण्यासही सांगितलं.
पार्थ आणि शार्वी त्यांच्या ठरलेल्या फाइव्ह स्टार हॉटेलमध्ये पोहचले. त्याची पाहिलीच वेळ होती, एवढ्या मोठ्या हॉटेलमध्ये येण्याची. ती त्याला घेऊन एका व्हीआयपी एरियाकडे गेली. त्याने पाहिलं तर तो एरिया खूप चांगल्या प्रकारे डेकोरेट केलेला होता.
तिने त्याला बसायला सांगितलं. काही वेळाने एक वेटर आला ऑर्डर घेण्यासाठी, तिने त्यालाच ऑर्डर करायला सांगितलं. त्याने त्याची ऑर्डर दिली. ऑर्डर आली तसं दोघांनी जेवण केलं. सगळं झाल्यावर त्याने तिला मीटिंगबाबत विचारलं. तर, तिने मीटिंग कॅन्सल झाल्याचं सांगितलं.
थोडावेळ शांततेत गेला. शेवटी तिनेच शब्दांची जुळवाजुळव करून बोलायला सुरुवात केली…
“पार्थ, मला तुझ्याशी थोडं बोलायच होत…” ती त्याच्याकडे बघत म्हणाली.
“हं… बोला ना मॅम…” तो अदबीने म्हणाला.
“पार्थ, खरंतर मला समजतं नाही की, तुला कसं सांगू… पण I Love You (मी प्रेम करते तुझ्यावर)… माहिती नाही, मी कधी आणि कशी तुझ्या प्रेमात पडले. पण आता असं वाटतंय की, मी तुझ्याशिवाय नाही जगू शकत…” ती त्याच्याकडे प्रेमाने बघत म्हणाली.
हेही वाचा – शार्वीमुळे नाराज गरिमासमोर पार्थकडून प्रपोजल…
त्याच्या चेहऱ्यावर शॉक लागलेले एक्स्प्रेशन होते. त्याला माहिती होतं की, तिला बहुतेक तो आवडतो… पण त्याला वाटलं नव्हतं की, हे सगळं असं अचानक होईल आणि ती त्याला असं डायरेक्ट विचारेल!
“बोल ना पार्थ… माझ्याशी लग्न करशील?” ती त्याचा हात पकडत म्हणाली.
“हे… हे… काय बोलत आहात मॅडम. तुम्हाला समजतं आहे का? तुमची आणि माझी काहीच बरोबरी नाही… आणि तसंही माझ्या मनात तुमच्याबद्दल काहीच फीलिंग्स नाहीत. पण एक बॉस आणि एक स्त्री म्हणून मी तुमचा खूप रिस्पेक्ट करतो. मी आधीच दुसरं कोणावर तरी प्रेम करतो आणि आम्ही लवकरच लग्न करणार आहोत, त्यामुळे तुमच्या मनात माझ्याबद्दल जे काही आहे, ते प्लीज काढून टाका. तुम्हाला माझ्यापेक्षा कितीतरी पटीने चांगला मुलगा मिळेल. प्लीज हे सगळं इथंच थांबवा. मी आशा करतो की, आपल्यामध्ये बॉस आणि एम्प्लॉयीचंच नातं असेल…” त्याने तिच्यापुढे आपल मत मांडलं आणि शार्वीचं पुढचं काही ऐकून न घेता तो निघून गेला.
शार्वी तो गेला त्या दिशेला शॉक होऊन बघत होती… “असा कसा हा मला नाही म्हणू शकतो? कितीतरी मुलं माझ्या पाठी आहेत. पण मी स्वतःहून तुला विचारलं आणि तू काय केलं माझा अपमान! This is not fair Mr. Parth (हे काही ठीक नाही मिस्टर पार्थ)…” ती रागाने म्हणाली.
तिने आपली पर्स घेतली आणि रागात पाय आपटत निघून गेली. पण तिच्या मनात प्रचंड खळबळ माजली होती…
