दर्शन कुलकर्णी
- आज, दिनांक : 17 एप्रिल 2026; वार : शुक्रवार
- भारतीय सौर : 27 चैत्र शके 1948; तिथि : अमावस्या 17:22; नक्षत्र : रेवती 12:02;
- योग : वैधृति 07:21, विष्कंभ 27:45; करण : चतुष्पाद 06:49, किंस्तुघ्न 27:48;
- सूर्य : मेष; चंद्र : मीन 12:02; सूर्योदय : 06:21; सूर्यास्त : 18:55;
- पक्ष : कृष्ण; अयन : उत्तरायण; संवत्सर : पराभव;
- शालिवाहन शक : 1948; विक्रम संवत : 2082; युगाब्द : 5128
दर्श अमावस्या
वेद कन्सल्टन्सी / 9987433660
दिनविशेष
आंतरराष्ट्रीय ख्यातीचे भारतीय बिलियर्ड्सपटू गीत सेठी
टीम अवांतर
आंतरराष्ट्रीय ख्यातीचे भारतीय बिलियर्ड्स आणि स्नूकरपटू गीत श्रीराम सेठी यांचा जन्म 17 एप्रिल 1961 रोजी दिल्ली येथे एका मध्यमवर्गीय पंजाबी कुटुंबात झाला. त्यांचे प्राथमिक, माध्यमिक आणि महाविद्यालयीन शिक्षण अहमदाबाद येथील सेंट झेवियर्स हायस्कूल तसेच महाविद्यालयात झाले. पुढे त्यांनी अहमदाबाद येथील बी. के. स्कूल या व्यवसाय–व्यवस्थापन संस्थेतून एमबीए ही पदवी संपादन केली.
बिलियर्ड्समधील आंतरराष्ट्रीय ख्यातीचे भारतीय खेळाडू मायकेल फरेरा यांच्या उत्तुंग कामगिरीच्या काळातच सेठी यांनी या खेळातील आपली कारकीर्द सुरू केली. वयाच्या पंधराव्या वर्षीच त्यांनी बिलियर्ड्सची कुमार राष्ट्रीय स्पर्धा जिंकली. 1982मध्ये त्यांनी बिलियर्ड्सची राष्ट्रीय स्पर्धा जिंकली आणि 1985मध्ये जागतिक हौशी बिलियर्ड्स स्पर्धेत अजिंक्यपद पटकाविले. पुढे त्यांनी राष्ट्रीय आणि आंतरराष्ट्रीय स्पर्धांमध्ये अनेक अजिंक्यपदे मिळविली. जागतिक व्यावसायिक बिलियर्ड्स स्पर्धेत त्यांनी पाच वेळा (1992, 1993, 1995, 1998, 2006), तसेच जागतिक हौशी बिलियर्ड्स स्पर्धेत तीन वेळा (1985, 1987, 2001) विजेतेपद मिळविले. बँकॉक येथे झालेल्या तेराव्या आशियाई स्पर्धांत या खेळातील सांघिक सुवर्णपदक आणि एकेरीत रौप्यपदक मिळवले (1998). तर, चौदावी आशियाई स्पर्धा (2002, दक्षिण कोरिया) आणि पंधरावी आशियाई स्पर्धा (2006, कतार) यामध्ये त्यांनी अनुक्रमे रौप्य आणि ब्राँझ पदकांची कमाई केली.
हेही वाचा – पाप आणि पुण्य
बिलियर्ड्सप्रमाणेच स्नूकरमध्येही त्यांनी सलग चार वेळा राष्ट्रीय विजेतेपद पटकाविले (1985-88). सेठी यांच्या कामगिरीबद्दल पद्मश्री, अर्जुन पुरस्कार, राजीव गांधी खेलरत्न पुरस्कार, के. के. बिर्ला पुरस्कार इत्यादी. पुरस्कारांनी गौरविण्यात आले. त्यांनी ‘सक्सेस व्हर्सेस जॉय’ हे आत्मचरित्रात्मक पुस्तक लिहिले. भारतीय नवोदित खेळाडूंना मार्गदर्शन आणि उत्तेजन देण्यासाठी त्यांनी विख्यात भारतीय बॅडमिंटनपटू प्रकाश पदुकोण यांच्या सहयोगातून ‘ऑलिंपिक गोल्ड क्वेस्ट’ ही संस्था स्थापन केली.
आजचे राशीभविष्य
मेष – तुमच्यावर कामाचा भार जास्त असेल, परंतु प्रयत्न आणि कठोर परिश्रम यामुळे यश मिळेल, पदोन्नती मिळण्याची शक्यता आहे. व्यवसायात आर्थिक लाभ होईल. त्यामुळे व्यवसायाच्या विस्तारासाठी योजना आखाल. आज वडिलोपार्जित मालमत्तेमधील वाटा देखील मिळेल. तुमचे आरोग्य चांगले राहील, मात्र बाहेरचे खाणे टाळा.
वृषभ – व्यवसायात चांगली वाढ होईल. परिणामी, कामाचा ताण जास्त असेल आणि खूप धावपळ करावी लागेल. अतिरिक्त श्रमामुळे थकवा जाणवेल. अशावेळी आरोग्याची काळजी घेणे आवश्यक आहे. रागावर आणि शब्दांवर नियंत्रण ठेवा, अन्यथा वादात अडकू शकता. धार्मिक यात्रेला जाण्याचा विचार करू शकता. कौटुंबिक वातावरण चांगले राहील.
मिथुन – व्यावसायिक कामांमध्ये किरकोळ अडचणी येऊ शकतात. अनावश्यक खर्च वाढण्याची शक्यता आहे. तुम्हाला शारीरिक आणि मानसिक थकवा जाणवेल. आर्थिक व्यवहारांमध्ये सावधगिरी बाळगा, न्यायालयीन खटले टाळा. कौटुंबिक वातावरण अनुकूल असेल. नोकरीच्या ठिकाणी कोणावरही डोळे झाकून विश्वास ठेवू नका.
कर्क – व्यवसायात आर्थिक फायदा होईल. नोकरीत प्रगतीची संधी आहे. नोकरीच्या ठिकाणी कामाचा ताण असेल, पण सर्व कामे सहजपणे पूर्ण होतील. कौटुंबिक वातावरण चांगले राहील आणि दिवस आनंदात जाईल. संध्याकाळी एखाद्या शुभ कार्यक्रमात सहभागी होऊ शकता. आज नवीन वाहन किंवा कपडे अथवा दागिने याची खरेदी होऊ शकते.
सिंह – कामाच्या ठिकाणी सहकाऱ्यांकडून पूर्ण सहकार्य मिळेल. व्यवसायात भरभराट होईल, अनपेक्षित आर्थिक लाभ होण्याची शक्यता आहे. नोकरी करणाऱ्या जातकांना बदलीसह पदोन्नती मिळू शकते, ज्यामुळे उत्पन्न वाढेल. सामाजिक कार्यात सहभागी व्हाल, ज्यामुळे समाजात आदर वाढेल. आज आरोग्य चांगले राहील.
कन्या – व्यवसायात यश मिळेल. आर्थिक लाभाची शक्यता आहे. व्यवसायाच्या विस्तारासाठी नवीन योजना आखू शकता. जुन्या मित्रांशी भेट होऊ शकते, जे भविष्यात फायदेशीर ठरेल. संततीच्या प्रगतीची बातमी मिळेल. आज नोकरीत प्रगतीच्या संधी मिळतील. कौटुंबिक वातावरण सुखद राहील. मात्र आरोग्याची काळजी घेणे आवश्यक आहे.
तुळ – कामाच्या ठिकाणी अडचणींचा सामना करावा लागेल, मात्र तुमच्या प्रयत्नांमुळे आणि मेहनतीमुळे यश मिळेल. व्यवसायात आर्थिक फायदा होईल, पण अनावश्यक खर्चही वाढेल. अचानक उद्भवणाऱ्या समस्यांमुळे चिंता वाटू शकते. कौटुंबिक वातावरण चांगले राहील. आपल्या रागावर नियंत्रण ठेवा, अन्यथा कुटुंबातील सदस्यांशी तुमचे मतभेद होऊ शकतात.
वृश्चिक – कामाच्या ठिकाणी अनपेक्षित आर्थिक लाभ होण्याची शक्यता आहे. गुंतवणूक करताना घाई करू नका, पूर्ण विचार करून किंवा तज्ज्ञांचा सल्ला घ्या. घरातील बाबींवर वडिलधाऱ्यांशी चर्चा करू शकता. कौटुंबिक वातावरण थोडे तणावपूर्ण असेल, मात्र तुम्हाला कुटुंब आणि मित्रांकडून पूर्ण पाठिंबा मिळेल. अनावश्यक खर्चावर नियंत्रण ठेवा.
धनु – व्यवसायात किरकोळ अडचणी येऊ शकतात, मात्र तुमच्या मेहनतीमुळे यश आणि आर्थिक लाभ मिळेल. रागावर आणि बोलण्यावर नियंत्रण ठेवा, अन्यथा वादात अडकू शकता. अनावश्यक खर्च होण्याची शक्यता आहे. कौटुंबिक वातावरण चांगले राहील, परंतु कोणीही नाराज होणार नाही याची काळजी घ्या. काळजीपूर्वक वाहन चालवा.
हेही वाचा – Ayurveda : वसंताचे ‘ब्रह्मास्त्र’ – वासंतिक वमन पंचकर्म
मकर – व्यवसायात चांगली वाढ होईल तर नोकरीत बढती मिळण्याची शक्यता आहे. कामाचा ताण जास्त असेल, ज्यामुळे शारीरिक आणि मानसिक थकवा येऊ शकतो. आरोग्याची काळजी घ्या. कौटुंबिक वातावरण चांगले राहील. नातेवाईकांच्या घरी एखाद्या शुभ कार्यक्रमाला उपस्थित राहण्याची संधी मिळू शकते. तिथे इतर कुटुंबीयांना भेटून आनंद होईल.
कुंभ – व्यवसायात अडचणी येऊ शकतात. मात्र, घाई न करता, शांतपणे त्यातून मार्ग काढा. अनावश्यक खर्च वाढेल, ज्यामुळे आर्थिक परिस्थिती कमकुवत होऊ शकते. धार्मिक आणि सामाजिक कार्यांकडे तुमचा कल वाढेल. कौटुंबिक वातावरण चांगले राहील, परंतु आपल्या शब्दांनी कोणालाही दुखवू नये याची काळजी घ्या. आरोग्याची काळजी घ्या.
मीन – व्यवसायात चांगला नफा होण्याची शक्यता आहे. आज केल्या जाणाऱ्या सर्व प्रयत्नांना यश मिळेल. एखाद्या नवीन प्रकल्पाची सुरुवात करू शकता. नोकरदारांच्या कामगिरीवर वरिष्ठ खूश होतील. आज रागावर नियंत्रण ठेवण्याची गरज आहे, कौटुंबिक वातावरण अनुकूल राहील. आरोग्याची काळजी घ्या.
