दर्शन कुलकर्णी
- आज, दिनांक : 10 ऑगस्ट 2026; वार : सोमवार
- भारतीय सौर : 19 श्रावण शके 1948; तिथि : द्वादशी 08:00, त्रयोदशी 28:53; नक्षत्र : आर्द्रा 12:26;
- योग : वज्र 22:26; करण : गरज 18:27;
- सूर्य : कर्क; चंद्र : मिथुन 28:42; सूर्योदय : 06:17; सूर्यास्त : 19:10;
- पक्ष : कृष्ण; अयन : दक्षिणायन; संवत्सर : पराभव;
- शालिवाहन शक : 1948; विक्रम संवत : 2082; युगाब्द : 5128
सोमप्रदोष
वेद कन्सल्टन्सी / 9987433660
दिनविशेष
जागतिक सिंह दिन
टीम अवांतर
दरवर्षी 10 ऑगस्ट हा दिवस जागतिक सिंह दिन म्हणून साजरा केला जातो. जागतिक सिंह दिन’ पहिल्यांदा 2013 मध्ये बिग कॅट रेस्क्यू द्वारे सुरू करण्यात आला. हे सिंहांसाठीचे जगातील सर्वात मोठे अभयारण्य आहे. याची सह स्थापना डेरेक आणि बेव्हरली जौबर्ट या दांपत्याने केली होती. जंगलात राहणाऱ्या सिंहांच्या संरक्षणासाठी ‘नॅशनल जिओग्राफिक’ आणि ‘बिग कॅट इनिशिएटिव्ह’ या दोन्ही संस्थांना एकाच बॅनरखाली आणण्याचा उपक्रम त्यांनी सुरू केला आणि तेव्हापासून दरवर्षी 10 ऑगस्ट रोजी ‘जागतिक सिंह दिन’ साजरा केला जाऊ लागला.
‘जागतिक सिंह दिन’ साजरा करण्यामागचा खरा उद्देश त्यांच्या कमी होत चाललेल्या संख्येला आळा घालणे हा आहे, त्याचप्रमाणे या भीतीदायक पण सुंदर प्रजातींची उपस्थिती साजरी करणे हा या दिनाचा उद्देश आहे.
हेही वाचा – पल भर में ये क्या हो गया…
‘जागतिक सिंह दिना’निमित्त विविध व्यासपीठांवर अनेक कार्यक्रमांचे आयोजन केले जाते. या कार्यक्रमांमधून सिंह, जंगल आणि वन्यजीव यांचे महत्त्व तसेच संस्थेच्या उद्देशाबाबत जनतेला जाणीव करून दिली जाते. सोशल मीडियावरील पोस्ट, व्हिडिओ, रील्स, हॅशटॅगच्या माध्यमातून जगभरातील संस्था आपला संदेश जास्तीत जास्त लोकांपर्यंत पोहोचवतात. सिंह बचाव कार्यात जनतेला साथ व सहकार्य करण्याचे आवाहन केले.
वर्ल्ड वाईड फंड फॉर ॲनिमल या संस्थेच्या मतानुसार सिंहाला जंगलाचा राजा जरी म्हटलं जात असलं तरी तो गवताळ प्रदेश आणि सपाट भागात वास्तव्य करतो. भारतात आशियाई म्हणजेच एशियाटिक सिंह गुजरात मधील सासण-गीर नॅशनल पार्कमध्ये आढळतात. डब्ल्यू डब्ल्यू एफच्या मतानुसार आफ्रिका, आशिया आणि युरोपमध्ये सिंह मोठ्या प्रमाणात आढळत होते. मात्र, नंतर त्यांची संख्या कमी होत गेली.
धोक्यात असलेल्या प्रजातींच्या ‘आययूसीएन’ (IUCN) रेड लिस्टमध्ये सिंहांचा समावेश ‘असुरक्षित’ (Vulnerable) या श्रेणीत करण्यात आला आहे; त्यांची संख्या घटून आता 23 हजार प्रौढ सिंहांवर आली आहे. याशिवाय गेल्या तीन पिढ्यांपासून त्यांच्या अधिवासाच्या क्षेत्रात 36 टक्क्यांनी घट झाली आहे.
जंगलातील अन्न साखळी आणि पर्यावरण समतोल राखण्यात सिंह महत्त्वाची भूमिका बजावतात. मात्र अवैध शिकार, मानवी हस्तक्षेप आणि जंगलांचा नाश यामुळे सिंहांचे अस्तित्व धोक्यात आले आहे, त्याला आळा घालणे आवश्यक आहे.
आजचे राशिभविष्य
मेष – आज करिअर आणि नोकरीमध्ये नशिबाची उत्तम साथ मिळेल. नव्या नोकरीच्या शोधात असलेल्यांना चांगली बातमी मिळू शकते. आतापर्यंत तुम्ही घेतलेल्या मेहनतीचे फळ कामाच्या ठिकाणी मिळेल. मामांकडून आर्थिक मदत किंवा लाभ मिळण्याची शक्यता आहे, ज्यामुळे आर्थिक परिस्थिती मजबूत होईल. विवाहोत्सुक जातकांच्या लग्नाशी संबंधित अडथळे दूर करण्यासाठी अनुभवी व्यक्तीचा सल्ला फायदेशीर ठरेल. विद्यार्थ्यांना उच्च शिक्षणाच्या नवीन संधी उपलब्ध होऊ शकतात. बऱ्याच काळापासून प्रलंबित असलेली कामे लवकर पूर्ण होतील. यशामुळे तुमचा आत्मविश्वास वाढेल.
वृषभ – आजचा दिवस आनंद आणि समाधानाने भरलेला असेल. उत्पन्नाचे विविध स्रोत आर्थिक परिस्थिती मजबूत करतील. दीर्घकाळापासून जपलेली एखादी इच्छा पूर्ण झाल्याने मोठा आनंद मिळेल. संततीच्या वागणुकीबद्दल किंवा भविष्याबद्दल थोडी चिंता वाटू शकते. मात्र तुमची समज परिस्थिती हाताळण्यास मदत करेल. महत्त्वाची कामे पूर्ण करण्याची जबाबदारी स्वीकारा. आज स्वावलंबन ही तुमची सर्वात मोठी शक्ती असेल.
मिथुन – आज व्यवसाय आणि कारकिर्दीत एक मोठे पाऊल उचलण्याची संधी मिळू शकते. एखादा प्रलंबित करार किंवा योजना प्रत्यक्षात येण्याची शक्यता आहे. नवीन संधी उपलब्ध होतील आणि मेहनतीला सकारात्मक फळ मिळेल. संततीच्या शिक्षणाशी संबंधित समस्या सुटतील, ज्यामुळे मोठा दिलासा मिळेल. आर्थिक बाबतीत सावधगिरी बाळगा, योग्य चौकशी केल्याशिवाय पैसे उधार देणे टाळा. भावंडांच्या पाठिंब्यामुळे आत्मविश्वास आणखी वाढेल.
कर्क – स्वतःच्या खर्चावर नियंत्रण ठेवणे हे आज तुमचे सर्वोच्च प्राधान्य असले पाहिजे. चैनीच्या वस्तू आणि जीवनशैलीशी निगडीत वाढत्या खर्चामुळे बजेट बिघडू शकते, म्हणून सुज्ञपणे निर्णय घ्या. सहकाऱ्यांसोबत मतभेद होऊ शकतात, त्यामुळे शब्द काळजीपूर्वक निवडा. नवीन लोकांशी संवाद वाढेल, परंतु कोणावरही आंधळा विश्वास ठेवणे टाळा. संयम आणि धैर्याने घेतलेला प्रत्येक निर्णय तुमच्या हिताचाच असेल.
सिंह – आर्थिक बाबतीत आज चांगली बातमी मिळण्याची दाट शक्यता आहे. प्रवास फायदेशीर ठरेल आणि उत्पन्न वाढवण्याचे नवीन मार्ग खुले होऊ शकतात. बऱ्याच काळापासून प्रलंबित असलेली सरकारी कामे पूर्ण झाल्याने दिलासा मिळेल. तुमची मेहनत आणि समर्पण यांचे पूर्ण फळ मिळेल, ज्यामुळे तुमचा आत्मविश्वास वाढेल. संततीकडून आलेल्या चांगल्या बातमीने संपूर्ण परिवारात आनंदाचे वातावरण पसरेल. वडिलोपार्जित मालमत्तेशी संबंधित बाबींमध्येही यश मिळण्याचे संकेत आहेत. धार्मिक कार्यांमध्ये सहभागी व्हाल, ज्यामुळे मनाला शांती मिळेल.
कन्या – सुरू असलेल्या एखाद्या कायदेशीर प्रकरणामध्ये सकारात्मक परिणाम मिळण्याची शक्यता आहे. उत्पन्न वाढेल आणि तुमची आर्थिक परिस्थिती मजबूत होईल. आज एखाद्या धार्मिक कार्यात सहभागी होण्याची संधी मिळेल, ज्यामुळे तुम्हाला आनंद होईल. तुमचा संयम तुम्हाला कठीण परिस्थितीतही पुढे घेऊन जाईल. सरकारी नोकरीची तयारी करणाऱ्यांना चांगली बातमी मिळण्याची शक्यता आहे. सहकाऱ्यांसोबत अनावश्यक वाद टाळणे शहाणपणाचे ठरेल.
तुळ – व्यवसाय आणि करिअरमधील तुमच्या प्रयत्नांना उत्तम फळ मिळू शकते. निष्ठेने हाती घेतलेल्या कोणत्याही कामात यश मिळण्याची दाट शक्यता आहे. कौटुंबिक समस्या हळूहळू सुटतील, ज्यामुळे घरातील वातावरण सुखद होईल. तुमच्यावर सोपवलेल्या जबाबदाऱ्या चांगल्या प्रकारे पार पाडाल. पालकांचा सल्ला विद्यार्थ्यांच्या यशाचा मार्ग सुकर करतील. विरोधकांच्या प्रभावाखाली कोणतेही मोठे निर्णय घेणे टाळा आणि स्वतःच्या विवेकबुद्धीवर विश्वास ठेवा.
वृश्चिक – आज थोडी सावधगिरी बाळगण्याची गरज आहे. वाहनासंबंधी किरकोळ समस्या किंवा अनपेक्षित खर्च उद्भवू शकतात. स्वतःच्या आरोग्याकडे दुर्लक्ष करणे टाळा आणि आहाराकडे विशेष लक्ष द्या. जोडीदाराचा पाठिंबा आणि प्रेम तुम्हाला प्रत्येक परिस्थितीत खंबीर ठेवेल. इतरांच्या कामात ढवळाढवळ करणे टाळा. संततीच्या भविष्याबाबत एखादा महत्त्वाचा निर्णय घ्यावा लागू शकतो. जुन्या मित्राला भेटल्याने दिवस अविस्मरणीय होऊ शकतो.
हेही वाचा – प्रेमाचे झाड
धनु – आज यश वेगाने तुमच्याकडे येईल. व्यवसायात नफा होईल. नवीन लोकांना भेटणे भविष्यात फायदेशीर ठरू शकते. एखादी अनपेक्षित भेटवस्तू किंवा आनंदाची बातमी तुमच्या चेहऱ्यावर हास्य आणू शकते. जोडीदाराच्या प्रकृतीत सुधारणा झाल्याने दिलासा मिळेल. नोकरी बदलण्याची किंवा नवीन नोकरी मिळण्याची संधी निर्माण होऊ शकते. जर तुम्ही मालमत्ता खरेदी करण्याचा विचार करत असाल, तर दिवस अनुकूल आहे. मात्र इतर खर्च नियंत्रणात ठेवा.
मकर – आजचा दिवस संयम आणि समजूतदारपणाने पुढे जाण्याचा संकेत देतो. कामाचा ताण जास्त असेल, पण तुमच्या मेहनतीमुळे अखेरीस यश मिळेल. जुन्या व्यवहारांमुळे काही अडचणी येऊ शकतात. पालकांचे आशीर्वाद आणि पाठिंबा यामुळे प्रलंबित कामे पूर्ण होण्यासाठी मदत मिळेल. वरिष्ठांशी संवाद साधताना संयम बाळगा. नवीन प्रकल्पांसाठी केलेले प्रयत्न यशस्वी होतील.
कुंभ – आज व्यवसाय आणि करिअरमध्ये प्रगतीची सकारात्मक चिन्हे दिसत आहेत. प्रवासातून महत्त्वाची माहिती किंवा संधी मिळू शकतात, ज्या भविष्यात फायदेशीर ठरतील. इतरांच्या वादांपासून दूर राहा आणि आपल्या कामावर पूर्णपणे लक्ष केंद्रित करा. विद्यार्थ्यांसाठी नवीन गोष्टी शिकून प्रगती करण्याचा हा उत्तम काळ आहे. आज वडिलधाऱ्यांशी संवाद साधताना आदर आणि संयम राखा. सरकारी नोकरीची तयारी करणाऱ्यांना अपेक्षित बातमी मिळण्याची शक्यता आहे.
मीन – तुमच्या नवीन स्वप्नांना आज पंख फुटतील. घर, जमीन किंवा मालमत्तेशी संबंधित बाबींमध्ये सकारात्मक परिणाम मिळू शकतात. वैवाहिक जीवनात प्रेम, विश्वास आणि सहकार्य वाढेल. दीर्घकाळापासून सुरू असलेल्या कौटुंबिक समस्या सुटल्याने घरात आनंदाचे वातावरण असेल. तुमच्या आईसोबत एका महत्त्वाच्या विषयावर अर्थपूर्ण चर्चा होण्याची शक्यता आहे. प्रवास करताना स्वतःच्या सामानाची काळजी घ्या. कोणताही मोठा व्यावसायिक निर्णय घेण्यापूर्वी जोडीदाराचा सल्ला घ्या; यामुळे तुमच्याच यशाची शक्यता वाढेल.
