नमस्कार, मी अभिनेत्री हर्षा गुप्ते पुन्हा एकदा तुमच्या भेटीला.
डिसेंबर हा महिना माझ्या वाढदिवसाचा. मला माझ्या वाढदिवसाचं कायमच अप्रूप वाटत आलं आहे. तसं पाहिलं तर, सगळ्यांनाच असतं. आमच्याकडे पहिली 5 वर्षं वाडी भरून वाढदिवस साजरे करायची पद्धत आहे. त्यानंतर कधी सेलिब्रेशन केल्याचं आठवणीत नाही. कोणी शुभेच्छा दिल्याचं सुद्धा आठवणीत नाही. थोडं मोठं झाल्यावर कॉलेजमध्ये, नाटक किंवा शूटच्या ठिकाणी कोणी ना कोणी शुभेच्छा द्यायचे. पण हे व्हॉट्सॲप, फेसबुक आल्यापासून कोण कोण आणि कितीजण वाढदिवसाला शुभेच्छा देतात, भेटवस्तू मिळतात… सगळा आनंद आणि खूप मज्जा वाटते!
हेही वाचा – बारीक व्हायचंय? तर मग…
जसं मला कोणी शुभेच्छा दिलेल्या आवडतात, तसं मला इतरांना शुभेच्छा द्यायलाही आवडतं. रोज फेसबुकवर नोटिफिकेशन्स येतात. व्हॉट्सॲपवर तर जयवंत वाडकर, संजय भाडळे पाटील, चंद्रशेखर सांडवे आणि दिलीप गुजर हे लोक रोज कोणाचे वाढदिवस आहेत, ते जाहीर करतात. मग जमेल तेवढ्यांना मी वैयक्तिकरीत्या शुभेच्छा पाठवते. कोविडनंतर मी कोणी ओळखीचं नसेल तरीही त्यांच्या वाढदिवसाला मी आवर्जून शुभेच्छा देते. कोविडमध्ये जवळची, लांबची, ओळखीची, अनोळखी अशी कितीतरी माणसे देवाघरी गेली. मृत्यू या गोष्टीचा तेव्हापासून धसका बसलाय. त्यामुळे प्रत्येकाने दीर्घायुषी व्हावे, हीच प्रामाणिक इच्छा असते. त्यामुळे मी देत असते जमेल तेवढ्या लोकांना वाढदिवसाच्या शुभेच्छा!
हेही वाचा – …अन् व्हॉट्सॲप ग्रुपमधून ‘क्राइम’ने मुक्त केलं!
आमच्या घरात कोणाचाही वाढदिवस असला की, एक विशिष्ट फोन कॉलची आम्ही सगळेच वाट पाहायचो. सुमन आत्या या खरंतर माझ्या आते सासूबाई. पण काही म्हणा, सुमन आत्या आणि भाई साहेबांचा फोन आला म्हणजे वाढदिवसाचा आनंद द्विगुणीत व्हायचा. आत्याबाई गेल्या, त्यानंतर आलेल्या वाढदिवशी थोडंसं कुठे तरी चुकल्यासारखं वाटत होतं आणि अचानक भाईसाहेबांचा फोन आला… तो आनंद अवर्णनीय! भाईसाहेब गेल्यानंतर सगळ्यांना शुभेच्छा द्यायचं व्रत… हो व्रतच, माझे चुलत सासू-सासरे म्हणजे विनोदकाका आणि सुधाकाकींनी सुरू ठेवलं. काही काळाने काका गेले. काकी खूप म्हाताऱ्या झाल्यात. पण जगात कितीही काही घडलं तरी, माझ्या सासूबाई मात्र मला फोन करून शुभेच्छा देतातच. आई, वडील, नवरा मुले, सून, जावई तर शुभेच्छा देतातच… पण सासर घरून होणारं कौतुक जरा जास्त वाटतं. वाढदिवस सफळ संपूर्ण होतो.
या वर्षी तर, माझा सिनेमा ‘आशा’ रीलिज झाला. सुपरहिट सिनेमा. यापेक्षा मोठ बर्थडे गिफ्ट काय बरं असू शकतं!
वाचकहो, दुसऱ्याला आनंद देण्यासाठी वाढदिवसाच्या आवर्जून शुभेच्छा द्या. प्रेम वाढवा!!!
विचार, साहित्य, कला आणि संस्कृतीच्या सर्जनशीलतेला समर्पित असलेल्या avaantar.com या वेबपोर्टलवरील वैविध्यपूर्ण वाचनीय लेखाचा आनंद घ्यायचा असेल तर,
IXZVpuvKFwKH6gb0NBN51t?mode=r_c
या लिंकला क्लिक करून WhatsApp group जॉइन करा.
