दर्शन कुलकर्णी
- आज, दिनांक : 02 फेब्रुवारी 2026; वार : सोमवार
- भारतीय सौर : 13 माघ शके 1947; तिथि : प्रतिपदा 25:52; नक्षत्र : आश्लेषा 22:47
- योग : आयुष्मान 07:20, सौभाग्य 28:45; करण : बालव 14:41
- सूर्य : मकर; चंद्र : कर्क 22:47; सूर्योदय : 07:13; सूर्यास्त : 18:30
- पक्ष : कृष्ण; मास : माघ; ऋतू : शिशिर; अयन : उत्तरायण
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
गुरू प्रतिपदा
वेद कन्सल्टन्सी / 9987433660
आजचे राशीभविष्य
मेष – आजचा दिवस तुम्हाला उर्जावान बनवून आत्मविश्वास देणारा आहे ज्यामुळे यशाचा मार्ग खुला होईल. आयुष्यातील उद्देशाबाबत नवी भावना निर्माण होईल. जोखीम घेऊन या उर्जेचा तुमच्या फायद्यासाठी वापर करा. याद्वारे तुम्हाला ध्येयांच्या जवळ जाता येईल. कठोर परिश्रम आणि दृढनिश्चय यामुळे आजच्या दिवसात अशक्य कामेही शक्य होतील.
वृषभ – खुल्या मनाने नवीन बदल स्वीकारण्याची तयारी ठेवा. तुमचे कठोर परिश्रम आणि समर्पण आजूबाजूला असणाऱ्या लोकांच्या लक्षात येईल. तुमच्या प्रतिभेचे प्रदर्शन करणे आणि नवीन आव्हाने स्वीकारण्यास घाबरू नका. यामुळे तुम्हाला कारकिर्दीत पुढे जाण्यास मदत होईल. आज तुम्हाला अनपेक्षित उत्पन्न मिळेल किंवा एखाद्या फायदेशीर उपक्रमात गुंतवणूक करण्याची संधी मिळू शकते.
मिथुन – आज मार्गात येणाऱ्या कोणत्याही आव्हानांना तोंड देण्यासाठी तयार असेल. व्यावसायिक ध्येयांपर्यंत पोहोचण्यास मदत करू शकणाऱ्या सहकाऱ्यांशी संपर्क साधण्यासाठी आजचा दिवस योग्य आहे. मिळालेल्या यशातही नम्र रहा. खर्च करताना सावधगिरी बाळगा. महत्त्वाचे निर्णय तसेच आर्थिक क्षमता वाढवण्यास तज्ज्ञाचा सल्ला घ्या.
कर्क – आजचा दिवस सर्जनशीलतेचा आहे. मार्गातील अडसर पार करून पुढे जाण्याची तयारी ठेवा. डोळे उघडे ठेवा, सतर्क रहा. नवीन तंत्रज्ञान शिकून त्याचा कुशलतेने वापर करा. तुमचे आरोग्य आज उत्तम असेल. तथापि, जिभेवर ताबा ठेवा, अन्यथा अनेक अडचणींना तोंड द्यावे लागेल.
सिंह – तुमच्या आकर्षक व्यक्तिमत्त्वाचा आणि विनोदी स्वभावाचा इतरांवर मोठा परिणाम होईल. आज तुमचे लक्ष तुमच्या व्यावसायिक जीवनावर असेल. पैशांच्या बाबतीत थोडे सतर्क रहा. बँक खात्यावर लक्ष ठेवा. अनावश्यक खर्चाला कात्री लावा. जोखीम घेण्याची तयार असली तरी, निर्णय घेताना तज्ज्ञांचा सल्ला घेणे, योग्य ठरेल.
कन्या – जीवनात चांगले बदल होण्यास आजपासून सुरुवात होत आहे. आंतरिक शक्ती आणि उर्जेचा वापर योग्य पद्धतीने करा. स्वप्नांचा पाठलाग करण्यासाठी आवश्यक असणारा आत्मविश्वास आणि सामर्थ्य आज मिळेल. आयुष्यावर दीर्घकाळ परिणाम करणारे महत्त्वाचे निर्णय आज घेऊ शकाल. नवीन संधींसाठी तयार रहा.
हेही वाचा – …म्हणून सियाच्या लग्नासाठी बाबा झाले तयार!
तुळ – करिअरमध्ये यशाच्या उंबरठ्यावर येऊन उभे आहात. त्यामुळे कामाच्या ठिकाणी जबाबदारी घेऊन कामे हातावेगळी करा. नेटवर्किंग वाढवा. नवीन नोकरीसाठी अर्ज करण्यासाठी किंवा पदोन्नती मिळवण्यासाठी उत्तम दिवस आहे. आर्थिक नियोजनासाठी उत्तम करून आर्थिक ध्येयांवर लक्ष केंद्रित करा.
वृश्चिक – आजचा दिवस प्रयत्न करण्याचा आहे. नवीन गोष्टी शिकण्यावर लक्ष केंद्रित करा आणि कठोर परिश्रम करण्यास लाजू नका. अनावश्यक खर्च करण्याचे टाळा. निरोगी दिनचर्या आणि चांगल्या सवयी आरोग्यासाठी महत्त्वाच्या आहेत. जोडीदाराशी संवाद सुधारण्यासाठी आजचा दिवस चांगला आहे. तुमच्या भावना जोडीदाराला सांगा. यामुळे भावनिक संबंध अधिक बळकट होतील.
धनु – जुन्या सवयी किंवा विचारसरणी सोडून देण्याची वेळ आली आहे. जोखीम घ्या आणि काहीतरी नवीन करून पहा. तुमच्या कम्फर्ट झोनच्या बाहेर येऊन काम करा. नियमित व्यायाम करा, पुरेशी विश्रांती घेण्याचा प्रयत्न करा. कार्यालयात कामाचा ताण असेल, पण सहकार्यांकडून सहकार्य मिळेल.
मकर – आज करिअरमध्ये चांगली कामगिरी नोंदवाल. कामाच्या ठिकाणी तुमचे कठोर परिश्रम चांगले फळ मिळवून देतील. आर्थिक परिस्थिती सुधारू शकते. मात्र पैशाच्या बाबतीत संतुलित दृष्टिकोन राखणे महत्त्वाचे आहे. जास्त खर्च टाळा आणि बजेटला चिकटून राहा.
कुंभ – आर्थिक परिस्थिती सुधारण्यासाठी तुम्ही नवीन गुंतवणूक किंवा बचत धोरणांचा विचार करू शकता. नवीन करिअर संधींचा विचार करण्यासाठी किंवा नवीन प्रकल्प हाती घेण्यासाठी आजचा दिवस अतिशय योग्य आहे. फक्त तुमचे काम आणि वैयक्तिक जीवन यांचे संतुलन राहील, याकडे लक्ष द्या. स्पष्टपणे संवाद साधा. भावनिक स्वभावाला थोडीशी मुरड घालावी लागेल.
मीन – आज कोणतेही मोठे व्यवसायिक निर्णय घेणे टाळा. नोकरी सोडणे किंवा नवीन ठिकाणी जाणे यासाठी आजचा दिवस योग्य नाही. विद्यार्थ्यांना परीक्षेत चांगले गुण मिळविण्यासाठी अतिरिक्त प्रयत्न करावे लागतील. अनावश्यक वाद टाळा. तुमच्या जोडीदाराच्या मतांना प्राधान्य द्या. यामुळे तुमचे नाते मजबूत होईल आणि सुधारेल.
दिनविशेष
बालवाङ्मयकार आणि कोशकार वासुदेव गोविंद आपटे
टीम अवांतर
संपादक, बालवाङ्मयकार आणि कोशकार म्हणून ओळखल्या जाणाऱ्या वासुदेव गोविंद आपटे यांचा जन्म जळगाव जिल्ह्यातील धरणगाव येथे 12 एप्रिल 1871 रोजी झाला. कलकत्ता विद्यापीठातून ते बी. ए. झाले. त्यामुळे बंगाली भाषेवर त्यांचे प्रभुत्व होते. अध्यापन आणि वृत्तपत्रव्यवसाय या दोन क्षेत्रांमध्ये त्यांनी बरीच वर्षे काम केले. पुण्याचे ज्ञानप्रकाश (पुणे), इंदूरचे मल्हारी मार्तंड यांसारख्या वृत्तपत्रांचे ते संपादक होते.
हेही वाचा – फॅशनची हुडहुडी… वेळीच व्हा सावध!
उत्तम बालसाहित्यास प्रोत्साहन देण्यासाठी आनंद हे लोकप्रिय मासिक काढले. लहान मुलांसाठी त्यांनी अनेक छोटी छोटी पुस्तके लिहिली. त्यापैकी बालभारत, मनी आणि मोत्या, मुलांचा विविधज्ञानसंग्रह आणि बालविनोद माला ही त्यांतील काही गाजलेली पुस्तके. बंकिमचंद्र चॅटर्जी यांच्या कादंबर्यांचे त्यांनी केलेले अनुवाद विशेष प्रसिद्ध आहेत. त्यांचे बंगाली-मराठी कोश आणि मराठी-बंगाली शिक्षक हे बंगालीच्या अभ्यासासाठी अतिशय उपयुक्त आहेत. सौंदर्य आणि ललितकला या ग्रंथात त्यांनी प्राच्य आणि पश्चिमी विचारवंतांनी या विषयासंबंधी केलेला विचार आणि त्यांचे अनुभव संग्रहीत केले आहेत. मराठीतील अशा प्रकारचा हा पहिलाच ग्रंथ होय.
कलकत्त्याच्या मॉडर्न रिव्ह्यूंमध्ये ते नवीन मराठी पुस्तकांची परीक्षणे बरीच वर्षे लिहीत असत. 1878 साली स्थापन झालेल्या ‘मराठी ग्रंथकार परिषदे’ ला ‘महाराष्ट्र साहित्य परिषदे’ चे व्यापक स्वरूप देण्यात त्यांचा मोठा वाटा होता. ‘वंग साहित्य परिषदे’ च्या धर्तीवर ‘महाराष्ट्र साहित्य परिषदे’च्या घटनेचा पहिला मसुदा त्यांनीच तयार केला होता. 2 फेब्रुवारी 1930 रोजी पुणे येथे त्यांचे निधन झाले.
