Recipe : लज्जतदार दणगेले / हांडवो

साहित्य

• जुने जाडसर तांदूळ – 4 वाट्या
• तूरडाळ – सव्वा वाटी
• चणाडाळ – अर्धी वाटी
• उडदडाळ – अर्धी वाटी
• गहू – अर्धी वाटी
• धणे – अर्धी वाटी
• मेथी – पाव वाटी
• ओवा – 3 चमचे
• आले – दीड इंच
• लसूण – 8 ते 10 पाकळ्या
• हिरवी मिरची – 5 ते 6 (प्रमाण मिरचीच्या तिखटानुसार)
• मीठ – चवीनुसार
• तेल – 1 वाटी
• पापडखार – पाव टीस्पून
• हळद – 1 चमचा
• साखर – चवीनुसार
• ताक – 6 ते 7 वाट्या

हेही वाचा – Recipe :  कारल्याची भाजी अन् कारल्याच्या चकत्या!

कृती

1. तांदूळ धुऊन कोरड्या स्वच्छ कापडावर पसरावेत.
2. कोरडे झाल्यावर तांदूळ, तुरीची डाळ, चण्याची डाळ, उडदाची डाळ, धणे आणि मेथी हे सर्व जिन्नस एकत्र रव्याप्रमाणे जाडसर दळून घ्यावे.
3. रात्री गोडसर ताकात हे पीठ भिजवून ठेवावे.
4. भिजवताना त्यात आले, लसूण, चवीप्रमाणे ओल्या मिरच्या हे सर्व बारीक वाटून घालावे.
5. दुसऱ्या दिवशी सकाळी त्यात तीन चमचे तेलाचे मोहन आणि लोणच्यातला खार (असल्यास) घालावा.
6. एका पातेल्यात तेलाची फोडणी करून, त्यात ओवा घालावे. (ते साधारण एक वाटी असावे.)
7. भिजवलेल्या पिठात पाव टीस्पून पापडखार घालावा आणि त्या पिठाची धार या फोडणीत धरून सर्व पीठ घालावे.
8. नंतर पिठाचे भांडे मंद आचेवर ठेवावे आणि त्यावर झाकण ठेवून, झाकणावर रसरशीत निखारे ठेवावे.
9. साधारणपणे पाऊण तासानंतर हांडवी तयार होईल.

हेही वाचा – Recipe :  आजचा मेन्यू… कोबी डोलमा आणि संत्र्याचा भात

टिप्स

• हांडवीमध्ये मटार, तुरीचे अगर इतरही ओले दाणे घालतात. तसे घालावयाचे झाल्यास पातळ पीठ तयार करून घेतल्यावर आपल्याला पाहिजे ते दाणे त्या पिठात घालावे.
• दाण्याऐवजी हवा तर दूधभोपळ्याचा किस घालावा.
• पापडखारच्या ऐवजी खायचा सोडा किंवा इनोचे एक सॅशे वापरू शकता.

(‘रुचिरा’ पुस्तकातून साभार)

तुमच्याही रुचकर आणि वैशिष्ट्यपूर्ण रेसिपी असतील तर, त्या तुम्ही ‘अवांतर’साठी देऊ शकता.

avaantar.recipe@gmail.com

या ईमेलवर किंवा

9869975883 या व्हॉट्सॲप क्रमांकावर

तुम्ही रेसिपी पाठवा, तुमच्या नावासह या वेबसाइटवर त्या प्रसिद्ध केल्या जातील.