मेष
रागावर नियंत्रण ठेवा
या आठवड्यात 15 तारखेला रवी मेष राशीत प्रवेश करत आहे. मेष मंगळाची रास आहे. रागावर नियंत्रण ठेवावे लागेल. अनावश्यक खर्च झाल्याने नोकरदारांची चिडचिड होईल. पैसे कुणाला उसने देऊ नका. तथापि, नोकरीच्या ठिकाणी कामे पटापट होतील. व्यावसायिक वर्गाकडून मोठी गुंतवणूक केली जाऊ शकते. परदेशप्रवास टाळावा; नुकसान होण्याची शक्यता आहे. शेअर मार्केटमध्ये गुंतवणूक विचारपूर्वक करावी. अक्षय तृतीयेला दानधर्म आणि पितृ तर्पण करावे. महिलांना मुलांच्या विषयीचे प्रश्न सतावतील. तसेच, उष्णतेचे आजार होण्याची शक्यता आहे, काळजी घ्या. विद्यार्थ्यांना अभ्यासात मेहनत घ्यावी लागेल.
वृषभ
ज्येष्ठ व्यक्तींशी वाद टाळावा
या आठवड्याच्या सुरुवातीला लाभ स्थानात बरेच ग्रह आहेत. अचानक लाभ होण्याची शक्यता आहे. नोकरदारांच्या जागेत किंवा कामाच्या स्वरुपात बदल होण्याची शक्यता आहे. ज्येष्ठ व्यक्तीशी वाद घालू नये. व्यावसायिक वर्गाने मित्राशी व्यवहार करू नये, तसेच प्रवास टाळावा. वाहनाची काळजी घ्यावी. विष्णू उपासना करावी. जुनी येणी वसूल होतील. महिलांना आईच्या आरोग्याची काळजी घ्यावी लागेल. विद्यार्थ्यांनी घरात वाद घालू नये. त्याचबरोबर, मिळालेल्या पॉकेट मनीमधून धनसंचय करावा.
मिथुन
कार्यक्षेत्रात खूप बदलाची शक्यता
या आठवड्यात कार्यक्षेत्रामध्ये खूप बदल घडण्याची शक्यता आहे. नोकरदारांना कामाचा खूप ताण जाणवेल, नवीन जबाबदारी अचानक सोपविली जाईल. लग्न स्थानातील गुरू सामाजिक प्रतिष्ठा वाढवेल. व्यावसायिक वर्गाने कामाच्या ठिकाणी वाद-विवाद टाळावा. केलेल्या कामाचा जास्त मोबदला मिळत नाही असे वाटेल, पण तुमचे काम करत रहा; नंतर त्याचा तुम्हाला फायदा नक्की मिळेल. अक्षय तृतीयेला दान करा. महिलांनी आहारावर लक्ष ठेवावे, वजन वाढणार नाही, याची काळजी घ्यावी. विद्यार्थ्यांचे भावंडांबरोबर वैचारिक मतभेद होण्याची शक्यता आहे; परिणामी सांभाळून बोलावे.
कर्क
आत्मविश्वास वाढेल
या आठवड्यात भाग्यस्थानी जास्त ग्रह येत आहेत. धार्मिक गोष्टीत सहभागी होता येईल. गुरू तसेच मोठ्यांचे आशीर्वाद मिळतील. कर्मस्थानी रवी येत असल्याने नोकरदारांना कामाचा ताण जाणवेल, पण आत्मविश्वास वाढेल. त्याचबरोबर आरोग्यही जपावे. व्यावसायिक वर्गाला धनस्थानी केतू आणि व्ययस्थानी गुरू आहे, त्यामुळे योग्य माणसाचा सल्ला घेऊन आर्थिक नियोजन करावे. मोठे आर्थिक व्यवहार तूर्तास टाळावेत. या आठवड्यात गोसेवा करावी, नामस्मरण करावे. महिलांनी योगासने करावीत. जास्तीत जास्त मौन बाळगावे आणि विचार करून बोलावे. विद्यार्थ्यांना गड-किल्ल्यांच्या सहलीला जाण्याची संधी मिळेल.
सिंह
नको ते धाडस करू नये
या आठवड्यात संमिश्र फळ मिळतील. नोकरदारांकरिता कामाचा ताण वाढेल. केतू प्रथम स्थानी आहे, त्यामुळे अलिप्तपणाची भावना निर्माण होईल. अचानक काही घडामोडी घडतील. व्यावसायिक वर्गाने वडील तसेच वरिष्ठ व्यक्तीचा मान ठेवावा. भागीदारीच्या व्यवसायात जसे आहे तसे सुरू ठेवा. नको ते धाडस करू नका. महिलांचा जोडीदाराशी वाद विकोपाला जाण्याची शक्यता आहे; त्यामुळे जपून बोला. गुरू लाभस्थानी असल्याने विद्यार्थ्यांना मित्रपरिवाराची उत्तम साथ मिळेल.
हेही वाचा – योगासने अभ्यासातून निरामय मानसिक आरोग्य
कन्या
प्रामाणिकपणे काम करा
या आठवड्यात इगो बाजूला ठेवा आणि काम करा. नोकरदारांचे कामात मन लागणार नाही. नोकरी सोडून व्यवसाय करावासा वाटेल, पण हा योग्य काळ नाही, हे लक्षात घ्यावे. नोकरीत प्रामाणिकपणे काम करा. व्यावसायिक वर्गाच्या बाबतीत जागेत बदल होण्याची शक्यता आहे. त्याचबरोबर व्यापारातही वाढ होईल. पैशांची निकड असली तरी मार्ग निघेल. अष्टमात रवी 15 तारखेला जात आहे, त्यामुळे महिलांनी पथ्ये पाळावीत आणि आरोग्याची काळजी घ्यावी. विद्यार्थ्यांनी प्राण्यांपासून, विशेषत: कुत्र्यापासून सावध राहावे.
तुळ
नोकरीत वरिष्ठ त्रास देतील
या आठवड्यात आरोग्याची काळजी घ्या. व्यायाम नियमित करा. पौष्टिक आहार घ्या. नोकरदारांच्या कामात विविधता पाहायला मिळेल. पडेल ते काम करताना, अगदी मनापासून करा; त्याचा फायदा तुम्हाला नक्की मिळेल. नोकरीत वरिष्ठ आणि हितशत्रू त्रास देतील; दुर्लक्ष करा, मौन बाळगा. व्यावसायिक वर्गाने शेअर मार्केटमध्ये गुंतवणूक करू नये. तसेच, कुणाला उसने पैसे देऊ नये. उलट, कर्ज कमी करण्याचा प्रयत्न करा. महिलांच्या नवीन ओळखी होतील. तर दुसरीकडे, संततीची चिंता वाढेल, मुलांवर लक्ष ठेवावे लागेल. विद्यार्थ्यांनी मोबाइलच्या व्यसनापासून लांब राहावे.
वृश्चिक
कामात तोच-तोचपणा जाणवेल
या आठवड्यात मन स्थिर राहणार नाही. नोकरदारांना कामानिमित्त लांब जावे लागेल. कामाच्या ठिकाणी एकटेपणा जाणवेल. कामात तोच-तोचपणा असल्याचे वाटेल. व्यावसायिक वर्गाने वाहन खरेदी-विक्रीपासून सावधगिरी बाळगा. करार करताना कागदपत्रांचे काळजीपूर्वक वाचन करा. महिलांचे घरात कौतुक होईल, तुमचे विचार पटतील. विद्यार्थ्यांना अभ्यासात खूप मेहनत घ्यावी लागेल. त्यांनी उन्हात भटकू नये.
धनु
भागीदारी व्यवसायात यश मिळेल
या आठवड्यात आई-वडिलांच्या तब्येतीची काळजी वाटेल. नोकरदारांची कामात प्रगती होईल, सामाजिक प्रतिष्ठा वाढेल. भागीदारी व्यवसायात यश मिळेल. व्यावसायिक वर्गाने कोणालाही आश्वासन देऊ नये आणि अति बोलू नये; नुकसान होण्याची शक्यता आहे. महिलांचे भावंडांशी मतभेद होण्याची शक्यता आहे; तथापि, जुळवून घ्यावे लागेल. विद्यार्थ्यांना वरिष्ठ आणि गुरुंचे मार्गदर्शन मिळेल.
मकर
महिलांनी अनावश्यक खर्च टाळावा
हा आठवडा संमिश्र घटनांचा काळ आहे. गुरू षष्ठात आणि केतू अष्टमात असल्याने नोकरदारांची स्थिती कात्रीत सापडल्यासारखी होण्याची शक्यता आहे, पण त्यातून मार्ग काढू शकाल. व्यावसायिक वर्गाकडून जुने कर्ज फेडले जाऊ शकते. वडिलोपार्जित मालमत्तेची कामे मार्गी लागतील. महिलांनी अनावश्यक खर्च टाळून गुंतवणूक करण्यावर भर द्यावा. विद्यार्थ्यांनी व्यसनापासून आणि कुसंगतीपासून लांब राहावे.
कुंभ
आत्मविश्वासाची कमतरता जाणवेल
या आठवड्यात नवीन गुंतवणूक करावी. शनीच्या साडेसातीचा प्रभाव राहील. नोकरदारांच्या कामाचा वेग चांगला राहील. वरिष्ठ खूश राहतील. व्यावसायिक वर्गाला निर्णय घेताना भीती वाटेल; आत्मविश्वासाची कमतरता राहील. नवीन ओळखीत सर्व गोष्टी सांगू नका. महिलांना जोडीदाराच्या तब्येतीची काळजी घ्यावी लागेल. विद्यार्थ्यांच्या दृष्टीने अभ्यासासाठी उत्तम काळ आहे. हनुमान चालीसा वाचावी.
हेही वाचा – किती फाटतो जीव सगळ्यात यात…
मीन
नकारात्मक विचार येतील
या आठवड्यात मनात सतत नकारात्मक विचार येतील; काळजी घ्या. नोकरदारांना हितशत्रूचा त्रास खूप जाणवेल. नोकरी सोडण्यासाठी दबाव येण्याची शक्यता आहे; पण नोकरी सोडू नका. व्यावसायिक वर्गाला जाहिरातीचा अवलंब करावा लागेल. त्याअनुषंगाने नवीन प्रॉडक्ट बाजारात आणू शकाल. महिलांना आई-वडिलांचा आशीर्वाद मिळतील. माहेरील लोकांच्या भेटीगाठी होतील. विद्यार्थी मित्रपरिवाराबरोबर सहलीचा बेत आखतील, ते क्षण एन्जॉय करतील.
