दर्शन कुलकर्णी
- आज, दिनांक : 17 डिसेंबर 2025; वार : बुधवार
- भारतीय सौर : 26 अग्रहायण शके 1947; तिथि : त्रयोदशी 26:32; नक्षत्र : विशाखा 17:10
- योग : सुकर्मा 14:15; करण : गरज 13:15
- सूर्य : धनु; चंद्र : तुळ 10:25; सूर्योदय : 07:03; सूर्यास्त : 18:03
- पक्ष : कृष्ण; मास : मार्गशीर्ष; ऋतू : हेमंत; अयन : दक्षिणायन
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
प्रदोष
वेद कन्सल्टन्सी / 9987433660
आजचे राशीभविष्य
मेष – व्यवसायात आर्थिक लाभ होण्याची शक्यता आहे. आज जास्त काम असेल आणि ते पूर्ण करताना काही अडचणी येऊ शकतात. कठोर परिश्रमामुळे यश मिळू शकते. कौटुंबिक समारंभासाठी मोठा खर्च होऊ शकतो. कुटुंबात वाद निर्माण होऊ शकतात, त्यामुळे कौटुंबिक समस्या समजून घेऊन सोडवण्याचा प्रयत्न करा. स्वतःच्या आरोग्याची काळजी घ्या.
वृषभ – कामाच्या ठिकाणी इतरांवर अवलंबून राहू नका. स्वतःच्या मेहनतीवर विश्वास ठेवा आणि पुढे जा. तुमच्या प्रयत्नांना यश मिळेल. कोणतेही प्रॉपर्टी डील करण्यापूर्वी, वडीलधाऱ्यांचा सल्ला घ्या. आज एखादा नवीन उपक्रम सुरू करू शकता. कौटुंबिक वातावरण चांगले असेल, तुमचे वैवाहिक जीवन आनंदी असेल. आरोग्यही चांगले राहील.
मिथुन – उत्पन्नाचे स्रोत वाढतील, आर्थिक परिस्थिती मजबूत होईल. सकारात्मक विचार आणि आत्मविश्वास कामात यश मिळवून देईल. मालमत्तेत गुंतवणूक करणे फायदेशीर ठरेल. शेअर बाजारातील सट्टेबाजीपासून दूर राहा. कौटुंबिक वातावरण चांगले राहील, कुटुंब आणि मित्रांकडून पूर्ण पाठिंबा मिळेल, ज्यामुळे तुमच्यात नवीन ऊर्जा निर्माण होईल.
कर्क – आजचा दिवस शुभ आणि फलदायी असेल. वडीलधाऱ्यांच्या आशीर्वादाने व्यवसायात भरभराट होईल. कामाचा ताण जास्त असला तरी, तुमच्या क्षमतांचा पुरेपूर उपयोग करून कामात यश मिळवाल. उत्पन्नाचे स्रोत वाढतील. मित्रांकडून सहकार्य मिळेल. कौटुंबिक वातावरण अनुकूल राहील. आरोग्यही चांगले राहील.
सिंह – कामाच्या ठिकाणी काही समस्या येऊ शकतात. अनावश्यक खर्च वाढण्याची शक्यता आहे. विचार न करता कोणतेही काम सुरू करू नका, अन्यथा नुकसान होण्याची शक्यता आहे. सामाजिक आणि धार्मिक कार्यांकडे कल वाढेल. राग नियंत्रित करा आणि बोलण्यावर संयम ठेवा, अन्यथा एखाद्या वादात अडकू शकता. कौटुंबिक वातावरण आनंदी असेल.
हेही वाचा – सागरगोटे… आयुष्यातील चढ-उताराचे अन् सुख-दुःखाचे!
कन्या – दिवस आर्थिकदृष्ट्या खूप चांगला जाईल. व्यवसायात आर्थिक फायदा होईल. उत्पन्न वाढवण्याचे प्रयत्न यशस्वी होतील. जुन्या मित्रांसोबत संध्याकाळी एखाद्या पार्टीचे आयोजन कराल. संततीच्या संदर्भात एखादा महत्त्वाचा निर्णय घ्यावा लागू शकतो. कुटुंबासोबत काही चांगले क्षण अनुभवू शकाल. वैवाहिक जीवन आनंदी राहील. आरोग्यही चांगले असेल.
तुळ – व्यवसाय चांगला चालेल आणि आर्थिक लाभ होण्याची शक्यता आहे, परंतु अनावश्यक खर्च देखील जास्त राहील. सहकारी अडथळे निर्माण करू शकतात, त्यामुळे सावध रहा. कामाच्या व्यग्रतेमुळे मानसिक आणि शारीरिक थकवा येऊ शकतो. राग नियंत्रित करा, अन्यथा एखाद्या वादात अडकू शकता. आज आरोग्य ठीक राहील.
वृश्चिक – व्यवसायात चांगली कामगिरी होईल आणि पैसेही व्यवस्थित मिळतील. कठोर परिश्रम केल्याने सर्व कामे वेळेवर पूर्ण होतील, परंतु खर्चावर नियंत्रण ठेवावे लागेल. आर्थिक व्यवहारात सावधगिरी बाळगा. कौटुंबिक वातावरण चांगले राहील, परंतु मित्रांशी मतभेद होण्याची शक्यता आहे. संवेदनशील बाबींमध्ये सावधगिरी बाळगण्याची आवश्यकता आहे.
धनु – आजचा दिवस चांगला जाईल. नोकरीच्या ठिकाणी कामाचा ताण असेल, परंतु कामात यश मिळाल्याने आर्थिक फायदा होईल. व्यवसायाच्या निमित्ताने प्रवासाला जाण्याची शक्यता आहे, ज्याचा मोठा फायदा होईल. वाहन किंवा मालमत्ता खरेदी करण्यातही रस असेल. कौटुंबिक वातावरण चांगले राहील. काही जातकांच्या नोकरीचे ठिकाण बदलू शकते.
मकर – कामाच्या ठिकाणी किरकोळ समस्या उद्भवू शकतात, परंतु तुमचे प्रयत्न आणि कठोर परिश्रम यशाकडे नेतील, तुमचे मनोबल वाढेल. आर्थिक परिस्थिती मजबूत होईल. महत्त्वाची कामे वेळेवर पूर्ण होतील. मात्र या सगळ्यात स्वतःच्या आरोग्याकडे दुर्लक्ष करू नका. मित्रांना भेटल्याने आनंद मिळेल. कौटुंबिक जीवन थोडे आव्हानात्मक असू शकते.
कुंभ – आजचा दिवस शुभ आणि फलदायी असेल. कामाच्या ठिकाणी अनपेक्षित आर्थिक लाभ होऊ शकतो. मालमत्ता आणि शेअर बाजारातील गुंतवणूक फायदेशीर ठरेल. वडीलधाऱ्यांच्या आशीर्वादाने कामात यश मिळेल, त्यामुळे आनंद आणि समृद्धी वाढेल. कुटुंबातील वातावरण आनंदी असेल. जास्त कामामुळे तुम्हाला थकवा जाणवू शकतो. रागावर नियंत्रण ठेवा.
हेही वाचा – पांडू तात्या… नातं नसतानाही जुळणारं बंधन!
मीन – व्यवसाय नेहमीप्रमाणेच राहील. नवीन प्रकल्प सुरू करू शकता. बेरोजगारांना चांगल्या नोकरीच्या संधी मिळतील. कुटुंबात शुभ कार्यक्रमाचे आयोजन होऊ शकते. वाहन किंवा इतर काही मालमत्ता खरेदी करण्याची शक्यता देखील आहे. कुटुंबातील एखाद्या सदस्याशी मतभेद होऊ शकतात. सौहार्दपूर्ण संबंध राखण्यासाठी संयम राखणे आवश्यक आहे.
दिनविशेष
श्रेष्ठ मराठी कथाकार य. गो. जोशी
टीम अवांतर
मराठीतील श्रेष्ठ कथाकार य.गो. तथा यशवंत गोपाळ जोशी यांचा जन्म 17 डिसेंबर 1901 रोजी पुणे जिल्ह्यातील भिगवण येथे झाला. आर्थिक ओढगस्तीमुळे इंग्रजी पाचवीत असतानाच त्यांना शिक्षण सोडावे लागले. त्यानंतर त्यांनी अनेक नोकऱ्या केल्या. शाई, सुगंधी तेले तयार करून विकण्याचा तसेच वृतपत्रे विकण्याचा उद्योगही केला. पुढे लेखनास सुरुवात केली आणि 1934 मध्ये त्यांनी प्रकाशनव्यवसायास आरंभ केला.
त्यांची पहिली कथा ‘एक रुपया दोन आणे’ ही त्यावेळी प्रकाशित होणाऱ्या यशवंत या मसिकात प्रसिद्ध झाली. याच मासिकाच्या कथास्पर्धेत ‘शेवगाच्या शेंगा’ या त्यांच्या कथेस प्रथम पारितोषिकही मिळाले. पुनर्भेट हा त्यांचा पहिला कथासंग्रह. 1932 ते 1943 या कालावधीत त्यांचे या कथासंग्रहाचे सात भाग प्रसिद्ध झाले. तुळशीपत्र आणि इतर गोष्टी, रेघोट्यांचे दैवत, मायेच्या सावल्या, जाई-जुई, तरंग हे त्यांचे काही इतर उल्लेखनीय कथासंग्रह. जिवंत अनुभवातून प्रकटलेली त्यांची कथा पांढरपेशा मध्यम वर्गीय जीवनाचे व्यक्ती–व्यक्तींतील भावसंबंधाचे जिव्हाळ्याचे चित्रण करते. वहिनीच्या बांगड्या, शेवग्याच्या शेंगा या त्यांच्या कथांवर आधारीत चित्रपटही काढण्यात आले. त्यालाही प्रेक्षकांचा मोठा प्रतिसाद मिळाला.
कथासंग्रहांखेरीज त्यांनी पडसाद सारख्या काही कादंबऱ्याही लिहिल्या. याशिवाय दुधाची घागर हे त्यांचे आत्मचरित्रात्मक पुस्तकही प्रसिद्ध झाले. त्यात आपल्या आईचे हृदयस्पर्शी शब्दचित्र त्यांनी रेखाटले आहे. ‘लेखक हा मार्गदर्शक दिवा आहे’ ही त्यांच्या लेखनामागील भूमिका होती. त्यांच्या प्रसाद प्रकाशनातर्फे त्यांनी प्रकाशित केलेल्या अनेक दर्जेदार ग्रंथावरूनही त्यांची ही भूमिका जाणवते. शिवरामपंत परांजपे यांचे निवडक निबंध, महाराष्ट्र शब्दकोश, सोनोपंत दांडेकर संपादित ज्ञानेश्वरी, प्रा. रानडेकृत इंग्रजी-मराठी शब्दकोश ही त्यांची काही उल्लेखनीय प्रकाशने. प्रसाद या मासिकाचेही ते संपादक होते. 7 नोव्हेंबर 1963 रोजी पुण्यात त्यांचे निधन झाले.
