नमस्कार मी अभिनेत्री हर्षा गुप्ते… पुन्हा एकदा तुमच्या भेटीला…
सोशल माडिया एकमेकांना जोडणारा असला तरी, बरीच लोक ‘व्हॉट्सॲप ग्रुप’ (WhatsApp group) या प्रकाराला कंटाळले असतील. नाही का? मी तर जवळ जवळ 50-55 ग्रुपमध्ये गोवले गेलेय… तशी मी सगळ्या ग्रुपवर active नसते. बरं, मी सहजासहजी काही ग्रुप सोडूही शकत नाही. तिथे मात्र मी silent mode वर असते.
काही ग्रुप हे काही लोकांचे पर्सनल फॅमिली ग्रुप असतात. ‘आम्ही या मॅडम ना ओळखतो…’ असे दाखवायला मला ही लोक त्यांच्या पर्सनल फॅमिली ग्रुपमध्ये सहभागी करतात. आता त्यातले काही लोक मला ओळखतात. ते तसे खूश असतात. पण एकदा एकाने मला त्याच्या फॅमिली ग्रुपमध्ये ॲड केलं. तिथली लोक मला ओळखत नव्हते. ज्याने ॲड केलं त्याने माझ्याशी ग्रुप गप्पा मारायला सुरुवात केली…
हेही वाचा – अभ्यास एके अभ्यास… पाठ सोडेना!
“सध्या काय सुरू आहे मॅडम?”
आणि मी अगदी सहज बोलले की, “’क्राइम’ सुरू आहे.”
हे वाचून अचंबित होऊन एका बाईने विचारलं, “काय, क्राइम?”
म्हटलं, “हो, माझं ब्रेड आणि बटर आहे ते. त्यामुळे करावंच लागतं.”
हा मेसेज वाचून ती तर जाम भडकली अन् म्हणाली, “चांगल्या घरची दिसतेस. शिक्षण पण व्यवस्थित झालं असेलच… मग तू चांगली कामं का करत नाहीत? क्राइम करून कसली घरं चालवते? आणि अशा वाईट बाईला आपल्या फॅमिली ग्रुपमध्ये ॲड करून ठेवलंय! आत्ताच्या आत्ता काढून टाका या गुन्हेगार बाईला!”
हेही वाचा – बोलीभाषेतली नाती अन् मी!
तिने थेट ॲडमिनला आदेश दिला… मी तर हे सगळं एन्जॉय करत होते. पण त्या बिचाऱ्या मुलाला अगदी कानकोंडलं झालं होतं… कारण ती बाई काही ऐकायलाच तयार नव्हती. तो बिचारा हतबल झाला. त्याच्याकडे काही पर्यायच नव्हता… शेवटी जवळपास 50 वेळा माफी मागून त्याने मला ग्रुपमधून रीमूव्ह केलं… आणि माझी सुटका झाली.
विचार, साहित्य, कला आणि संस्कृतीच्या सर्जनशीलतेला समर्पित असलेल्या avaantar.com या वेबपोर्टलवरील वैविध्यपूर्ण वाचनीय लेखाचा आनंद घ्यायचा असेल तर,
IXZVpuvKFwKH6gb0NBN51t?mode=r_c
या लिंकला क्लिक करून WhatsApp group जॉइन करा.
