दर्शन कुलकर्णी
आज, भारतीय सौर : 19 ज्येष्ठ शके 1947
अर्थात,
दिनांक : 09 जून 2025
वार : सोमवार
तिथि : त्रयोदशी 09:35
नक्षत्र : विशाखा 15:30
योग : शिव 13:07
करण : गरज 22:38
सूर्य : वृषभ
चंद्र : तुला 08:49
सूर्योदय : 06:00
सूर्यास्त : 19:15
पक्ष : शुक्ल
मास : ज्येष्ठ
ऋतू : ग्रीष्म
सूर्य अयन : उत्तरायण
संवत्सर : विश्वावसू
शालिवाहन शक : 1947
विक्रम संवत : 2081
युगाब्द : 5127
शिवराय शके 352 प्रारंभ
वेद कन्सल्टन्सी / 9987433660
आजचे राशीभविष्य
मेष – लोन घेणार असाल आणि बरेच दिवस याच कामात असाल तर, आजच्या दिवशी हे काम होऊ शकते. बडबड करून वेळ वाया घालविण्यापेक्षा शांत राहणे कधीही चांगले असते. स्पर्धात्मक स्वभाव तुम्हाला एखाद्या स्पर्धेत यश मिळवून देईल. कुटुंबीयांसमवेत वाद होतील, पण दिवसाच्या शेवटी जोडीदाराशी पुन्हा सूर जुळतील.
वृषभ – काही टाळता न येण्याजोग्या घटनांमुळे अस्वस्थ व्हाल. परंतु भांबावून न जाता आणि त्यावर घाईघाईने प्रतिक्रिया न देता शांतपणे परिस्थिती हाताळा. पैशांशी निगडीत काही समस्या येऊ शकते, त्यातून मार्ग काढण्यासाठी पिता किंवा पितृतुल्य व्यक्तीकडून सल्ला घेऊ शकतात. वैवाहिक आयुष्यातील एक उत्तम दिवस असले.
मिथुन – प्रदीर्घ काळापासूनचे तणाव आणि ओढाताण यापासून थोडे मुक्त व्हाल. सगळे ताणतणाव दूर ठेवण्यासाठी जीवनशैली बदलायला हवी आणि त्यासाठी हीच योग्य वेळ आहे. पैसे गुंतवताना घाईगडबडीने कोणताही निर्णय घेऊ नका. कामाच्या ठिकाणी धोरणीपणाने वागला नाहीत तर नव्या अडचणी निर्माण होण्याची शक्यता आहे.
कर्क – आवश्यक काम पूर्ण करून स्वत:साठी वेळ नक्कीच काढाल परंतु, यावेळेचा उपयोग आपल्या हिशोबाने करू शकणार नाही. अनेक गोष्टी करण्याचे ठरवाल, पण नेमके कशाच्या मागे जावे हे ठरविताना अडचणी येतील. परंतु दिवसभरात खूप काही यश मिळवाल असे दिसते.
सिंह – मौज, मस्ती, मजा आणि करमणुकीचा दिवस. कुटुंबाच्या कल्याणासाठी मेहनत करा. सकारात्मक दृष्टिकोन बाळगा आणि मत्सर करू नका. तुमच्या कामाला दाद मिळेल. स्पर्धात्मक स्वभाव तुम्हाला एखाद्या स्पर्धेत यश मिळवून देईल.
कन्या – आरोग्याची काळजी घेणे अत्यंत गरजेचे आहे. अज्ञात स्रोताने पैसा प्राप्त होऊ शकतो, त्यामुळे बऱ्याच आर्थिक समस्या दूर होतील. घरगुती प्रश्न आणि प्रलंबित घरगुती कामे पूर्ण करण्यासाठी लाभदायक दिवस. वरिष्ठ तुमच्या कामाची प्रशंसा करतील.
तुळ – अथक प्रयत्न आणि कुटुंबातील सदस्यांचा वेळीच मिळालेला पाठिंबा यामुळे अपेक्षित निकाल मिळेल. सातत्याने श्रम करणे चालू ठेवा. वादविवाद, दुसऱ्यावर तोंडसुख घेणे आणि इतरांमधील दोष शोधत राहणे टाळा.
वृश्चिक – धर्मादाय आणि सामाजिक कामाचे आकर्षण वाटू शकते. गरजूला आर्थिक मदत देऊन आनंदाचा अनुभव कराल. कौटुंबिक बंधन, कर्तव्य विसरू नका. प्रत्येक गोष्टीत प्रेमाचा दिखावा करणे योग्य नाही, यामुळे नाते सुधारण्याऐवजी बिघडू शकतात. कार्यक्षमता वाढविण्यासाठी नवे तंत्र आत्मसात करा.
धनु – कार्यालय तसेच घरातील तणावांमुळे किंचित चिडचिडे बनाल. व्यापाराशी संबंधित बऱ्याच जणांच्या चेहऱ्यावर आनंद दिसू शकतो. नातेवाईक आणि मित्रमंडळी अचानक संध्याकाळी घरी अवतरतील आणि मौज-मजा करतील.
मकर – जास्तीच्या ऊर्जेचा वापर सकारात्मक गोष्टींसाठी करून ज्येष्ठांनी त्याचा लाभ घ्यावा. कुणाच्या मदतीविना धन कमावण्यात सक्षम आहात, फक्त स्वतःवर विश्वास ठेवण्याची आवश्यकता. पैसे कमावण्याची ताकद किती आहे, याची कल्पना येईल.
कुंभ – नोकरी करणाऱ्यांना धनाची आवश्यकता भासेल. कुटुंबीयांसमवेत शांत आणि स्थिर दिवसाचा आनंद घ्या. इतर लोक आपले प्रश्न घेऊन आले तर त्याकडे दुर्लक्ष करा. परिसंवाद आणि प्रदर्शनांना भेट दिल्याने ज्ञानात भर पडेल.
मीन – चित्त शांत ठेवा. उद्ध्वस्त न होता आपत्ती टाळून मार्ग कसा काढता येईल याचा विचार करा. धनलाभ होऊ शकतो. महत्त्वाचे व्यावसायिक करार मदार करताना, भावनांवर नियंत्रण राखा. लाभ व्हावा असे वाटत असेल तर इतरांनी दिलेला सल्ला ऐका.
दिनविशेष
क्रांतिकारक बिरसा मुंडा
बिरसा मुंडा यांचा जन्म 15 नोव्हेंबर 1875 रोजी झारखंडच्या उलीहातू येथे झाला. ते आदिवासी समाजाचे वीर नायक होते. 19व्या शतकातील शेवटच्या वर्षात मुंडा जमातीच्या आदिवासींकडून इंग्रज सरकारविरुद्ध जनआंदोलने करण्यात आली, त्याचे नेतृत्व बिरसा मुंडा यांनी केले होते. इंग्रजांच्या काळ्या धोरणाचा त्यांना फार तिरस्कार यायचा. बिरसा मुंडा यांनी इंग्रजांविरूद्ध विद्रोह करण्याची घोषणा केली. आम्ही इंग्रजांचे अधिपत्य स्वीकारत नाही आणि कधीच ब्रिटिशांच्या कायद्यांना मानणार नाही. जो इंग्रज आमच्याविरुद्ध उभा राहील त्यास आम्ही यमसदनी पाठवू, असे त्यांनी जाहीर केले. यामुळे संतप्त ब्रिटिश सरकारने बिरसा मुंडा यास पकडण्याचे फर्मान काढले. इंग्रज सरकारने 460 आदिवासी युवकांसह बिरसा मुंडा यांना अटक केली. या थोर क्रांतिकारकाचे 9 जून 1900 रोजी निधन झाले.
