मेष
या आठवड्यात मनःशांती मिळेल. कामाच्या बाबतीत नोकरदारांची धावपळ होईल. जे काम ‘नंतर बघू’ म्हणून बाजूला ठेवलं आहे, तेच अर्जंट करून द्यावे लागू शकेल. व्यावसायिक वर्गाला दुसऱ्याकडे थकलेले पैसे परत मिळतील. व्यवसाय वाढविण्याची योजना आखाल. महिलांना घरासाठी शोभेच्या वस्तू किंवा नवीन रोप विकत घेता येतील. विद्यार्थ्यांना जीवाला जीव देणारा मित्र मिळेल. सुसंगत फायद्याची ठरेल.
वृषभ
या आठवड्यात मुलांशी वाद होतील. नोकरदारांना नवीन जॉबमध्ये रुळायला वेळ लागेल. कामाचा ताण नसेल, पण नवीन काम करताना वेगळीच हुरहूर लागेल. व्यावसायिक वर्गाला नवीन योजना राबवल्यामुळे चांगला प्रतिसाद मिळेल; त्याची व्यवसायवाढीला मदत होईल. तथापि, कच्चा माल कमी पडण्याची शक्यता आहे. त्यामुळे धावपळ होऊ शकते. घरात शांतता ठेवण्यावर महिलांना भर द्यावा लागेल. मुलांना समजून घ्या. विद्यार्थ्यांनी बाहेरील पदार्थ खाऊ नये, तब्येत सांभाळावी
मिथुन
या आठवड्यात कामाचा ताण फार जाणवेल. नोकरदारांना मार्चअखेरीची कामे खूप असतील. टार्गेट पूर्ण करण्यास धावपळ होऊ शकते. यावरून वरिष्ठांचा रोष पत्करावा लागेल; पण शांत राहून प्रश्न हाताळा. थंड पडलेल्या व्यवसायाला उभारी देण्याचे आव्हान व्यावसायिक वर्गासमोर असेल. तो पहिल्यासारखा करण्यासाठी कष्ट करावे लागतील. तसेच, नवीन गोष्टीही आत्मसात कराव्या लागतील. महिलांच्या बाबतीत घरात आनंदी वातावरण असेल, नवीन खरेदी करू शकाल. विद्यार्थ्यांच्या मनासारख्या गोष्टी घडतील. आवडीच्या क्षेत्रात प्रगती करू शकाल.
कर्क
हा आठवडा आनंद मिळवून देणारा असेल. नोकरदारांना प्रमोशन आणि पगारवाढ मिळण्याची शक्यता आहे. मनात योजलेले काम पूर्ण करू शकाल. व्यावसायिक वर्गाला नवीन भागीदार मिळेल. टेंडर पास होतील, नवीन करार होतील, व्यापारात चांगली प्रगती करू शकाल. महिलांना माहेरची मंडळी भेटायला येतील. मुलाकडून आनंदाची बातमी मिळेल. विद्यार्थ्यांच्या प्रोजेक्टचे शिक्षक कौतुक करतील.
सिंह
हा आठवडा भाग्यदायक आहे. खूप दिवस रखडलेली कामे नोकरदार पूर्ण करू शकतील. वरिष्ठ खूश असतील. कोर्ट-कचेरीची कामे पूर्ण होतील. व्यावसायिक वर्गाला भागीदारावर बारीक लक्ष ठेवावे लागेल. तुमच्या स्पर्धकाला माहिती (तुमचे व्यवसाय गुपित) पुरवण्याचे काम कोण करते, ते शोधून काढावे लागेल. महिलांना घरात जास्त काम करावे लागेल. मदतनीस आयत्या वेळी दांडी मारतील. मेहनती शिवाय पर्याय नाही, हे विद्यार्थ्यांनी लक्षात ठेवावे.
हेही वाचा – भ्रामरी प्राणायाम अभ्यासातून निरामय मानसिक आरोग्य
कन्या
या आठवड्यात उदास वाटेल. काम करण्याचा कंटाळा येईल. नोकरदारांना कामाचा ताण जाणवेल. टार्गेट पूर्ण करण्याचे दडपण असेल. वरिष्ठांची बोलणी खावी लागतील. स्पर्धक शांत राहिल्याने व्यावसायिक वर्गाला दिलासा मिळेल. व्यवसायात चांगली प्रगती कराल, नवीन गुंतवणूक करू शकाल. महिलांना जुन्या मैत्रिणी भेटतील. विद्यार्थ्यांचा मित्रांबरोबर वाद होण्याची शक्यता आहे, पण तुम्ही आपल्या मतावर ठाम रहा.
तुळ
या आठवड्यात चांगली आनंदाची बातमी मिळेल. नवीन जॉब शोधणाऱ्यांना नवीन संधी मिळेल. मनासारख्या गोष्टी घडतील, तुम्हीही सकारात्मक रहा. चांगले कर्म करा. व्यावसायिक वर्गाला अडकलेली कामे पूर्ण करता येतील. वेळेचे आणि पैशाचे योग्य नियोजन करा. कच्चा माल साठवून ठेवा. आध्यात्मिक कार्यात महिला रमतील. त्यानिमित्त घरी पाहुणे येतील. विद्यार्थ्यांनी मित्रांपासून सावध रहावे, पैसे उधार देऊ नका.
वृश्चिक
या आठवड्यात भांडणे होण्याची शक्यता आहे. नोकरदारांनी सहकारी आणि वरिष्ठांबरोबर सांभाळून संवाद साधावा. तुम्हाला शब्दांत अडकवले जाण्याची शक्यता आहे. व्यावसायिक वर्गाला व्यवसायासाठी घरातून मदत आणि सहकार्य मिळेल. घरातून पैसे घेतले तरी वेळेत परत करा. स्वतःचा नवीन स्टार्टअप सुरू करण्याची महिलांची इच्छा असेल तर, हा योग्य कालावधी आहे. विद्यार्थ्यांना छोटी खासगी नोकरी लागण्याची शक्यता आहे.
धनु
या आठवड्यात अडचणी येतील. नोकरदारांच्या कामात अडथळे येतील. अशा स्थितीत वेळेचे व्यवस्थित नियोजन करून काम पूर्ण करू शकाल. व्यावसायिक वर्गाचा भागीदारीत वाद होण्याची शक्यता आहे, त्याचा परिणाम व्यवसायावर होऊ देऊ नका. मतभेद तुमच्यातच ठेवा, प्रतिस्पर्ध्यांपर्यंत पोहोचणार नाहीत, याची काळजी घ्या. अन्यथा, मोठे नुकसान होऊ शकते. माहेरील दागिने किंवा प्रॉपर्टीवरून महिलांचा भावंडांशी वाद होऊ शकतो. विद्यार्थ्यांनी घरातील गोष्टींकडे लक्ष देण्यापेक्षा अभ्यासावर लक्ष केंद्रीत करावे.
मकर
या आठवड्यात आनंददायी असेल. मनाप्रमाणे गोष्टी घडतील. नोकरदारांची कामे पटापट होतील. ऑफिसमध्ये छोटे कार्यक्रम होतील, त्यात सहभागी व्हाल. नवीन गुंतवणूक करू शकाल. व्यावसायिक वर्गाला नवीन प्रॉडक्ट लोकांसमोर आणता येईल. त्याला चांगला प्रतिसादसुद्धा मिळेल. महिलांना मुलांकडून खुशखबर मिळेल, त्यामुळे त्या आनंदी राहतील. अभ्यासात चांगली प्रगती झाल्याने विद्यार्थ्यांचा आत्मविश्वास वाढेल.
कुंभ
या आठवड्यात तब्येतीची काळजी घ्या, पथ्य पाळा. नोकरदारांना कामाचा कंटाळा येईल, तेच तेच रुटीन कंटाळवाणे होण्याची शक्यता आहे. जुनी पाठदुखी सुरू होण्याची शक्यता आहे. व्यावसायिक वर्गाने रागावर नियंत्रण ठेवावे. उगाच कोणावर चिडू नका, चुकलेल्या व्यक्तीला चूक समजावून सांगा. घरात दुरुस्तीचे काम सुरू झाल्याने महिलांना धुळीचा त्रास होण्याची शक्यता आहे. विद्यार्थ्यांना ज्येष्ठ शिक्षकांकडून मोलाचे मार्गदर्शन मिळेल.
हेही वाचा – कृष्ण होणे एवढेही कठीण नाही
मीन
या आठवड्यात मुलांकडून आनंदाची वार्ता समजतील. नोकरदारांवर वरिष्ठ खूश राहतील. तुमच्या योग्य मागण्या पूर्ण होतील. कामाच्या ठिकाणी तुमचे वर्चस्व राहील. व्यावसायिकांना स्वत:साठी नवीन वाहन खरेदी करता येईल. व्यवसाय वाढीसाठी सोशल मीडियाचा वापर करा; त्यातून चांगला फायदा होण्याची शक्यता आहे. महिलांच्या बाबतीत घरात आनंदी वातावरण राहील, नवीन खरेदी करू शकाल. विद्यार्थ्यांना मनाप्रमाणे काम करण्याची संधी मिळेल, त्याचा फायदा घ्या.
