मेष
- या आठवड्यात सरकारी कामांना वेग येईल. कामाच्या ठिकाणी नोकरदारांचे वादविवाद होऊ शकतात. त्यामुळ वरिष्ठांच्या मताला प्राधान्य द्या आणि वाद टाळा. व्यावसायिक वर्गाला सरकारी कामे पूर्ण करण्यासाठी वेळ आणि पैसा दोन्ही खर्च करावे लागतील. तथापि, त्यानंतर पुढील सर्व गोष्टी सोप्या होतील. महिलांना नवीन संधी मिळतील आणि आपले कर्तृत्व सिद्ध करता येईल. विद्यार्थ्यांचा शिक्षणासाठी खर्च वाढेल. अशा परिस्थितीत पूर्वी केलेले आर्थिक नियोजन उपयोगी पडेल.
वृषभ
- या आठवड्यात अनेक समस्या सुटतील. नोकरदारांना नशिबाची चांगली साथ मिळेल. कार्यक्षेत्रात प्रगती साधता येईल. अनेक दिवसांपासून रखडलेली मालमत्तेसंबंधीची कामे पूर्ण होतील. व्यावसायिक वर्गाची उलाढाल वाढून आर्थिक प्रगती होईल. कल्पक दृष्टीकोन आणि योग्य संधींचा फायदा मिळेल. महिलांचे वडिलोपार्जित संपत्तीचे वाद संपुष्टात येतील. विद्यार्थ्यांना मनाप्रमाणे काम करण्याची संधी मिळेल.
मिथुन
- या आठवड्यात बँकेची कामे पूर्ण होतील. नोकरदारांना अतिरिक्त कामे करावी लागू शकतात. अशा वेळी शिस्तबद्ध पद्धतीने काम करा. राजकारण आणि गटबाजीपासून दूर रहा. व्यावसायिक वर्गाला ओळखी किंवा मध्यस्थीमुळे अडकलेली कामे पूर्ण करता येतील. कामानिमित्त दूरचे प्रवास होतील. कुटुंबातील तरुण मुला-मुलींचे विवाह ठरू शकतात, त्यामुळे महिलांच्या बाबतीत उत्साहाचे वातावरण असेल. विद्यार्थ्यांना छोटी-मोठी कामे करून पॉकेटमनी कमावण्याची संधी मिळेल.
कर्क
- या आठवड्यात वादविवाद टाळा. नोकरदारांच्या दृष्टीने अनुकूल परिस्थिती राहील. वरिष्ठ आणि सहकाऱ्यांची उत्तम साथ मिळेल. आत्मविश्वास वाढेल. कुटुंबात मोठ्या जबाबदाऱ्या पार पाडाल. व्यावसायिक वर्गाची प्रगती होईल. कामानिमित्त प्रवास करावा लागेल आणि तो लाभदायक ठरेल. महिलांना जवळच्या व्यक्तींसोबत लांबचा प्रवास करण्याचा योग आहे. विद्यार्थ्यांनी वाहन जपून वापरावे आणि दुखापत होणार नाही, याची काळजी घ्यावी.
सिंह
- या आठवड्यात मान-सन्मानाचे योग आहेत. नोकरदारांचे कामाच्या ठिकाणी कौतुक होईल. सहकुटुंब धार्मिक स्थळी भेट देण्याचा योग आहे. व्यावसायिक वर्ग आत्मविश्वास आणि ऊर्जेने कामात झोकून देईल. भागीदाराची चांगली साथ मिळेल. व्यापारातील उलाढाल वाढून नफा होईल. महिलांना भिशी लागण्याचा आनंद मिळेल. विद्यार्थ्यांना आवडीच्या क्षेत्रात काम करण्याची संधी मिळेल.
हेही वाचा – ज्योतिषशास्त्र… तुमच्या नावात दडला आहे तुमचा ग्रहाधिदेवता!
कन्या
- या आठवड्यात अनपेक्षित घटना घडतील. नोकरदारांची धावपळ वाढेल आणि नियोजनात बदल करावा लागू शकतो. हितशत्रूंपासून सावध राहा. व्यावसायिक वर्गाला पूर्वी केलेल्या करारांचा आणि कामांचा फायदा मिळण्यास सुरुवात होईल. सामाजिक मान-सन्मान आणि प्रतिष्ठा वाढेल. महिलांनी जाहिरातींना भुलू नये तसेच कोणाच्याही गोड बोलण्यावर सहज विश्वास ठेवू नये. विद्यार्थ्यांना अडचणी येतील; मात्र कष्टाच्या जोरावर त्यावर मात करता येईल.
तुळ
- या आठवड्यात व्यावसायिक पत वाढेल. नोकरदारांना कामाचा ताण जाणवेल. तथापि, आर्थिक परिस्थिती उत्तम राहील. नवीन गुंतवणूक करू शकता; मात्र यासंदर्भात तज्ज्ञांचे मार्गदर्शन घ्या. व्यावसायिक वर्गाच्या बाबतीत व्यवसाय थोडा मंद राहील, परंतु दीर्घकाळ रखडलेली कामे पूर्ण होतील. अपेक्षित गोष्टी घडतील आणि जीवनात पुढे जाण्याच्या संधी मिळतील. महिलांच्या कामाचे कौतुक होईल आणि नवीन जबाबदारी मिळेल. विद्यार्थ्यांसाठी प्रगतीचा काळ असून नोकरी मिळण्याची शक्यता आहे.
वृश्चिक
- या आठवड्यात संमिश्र स्वरूपाची फळे मिळतील. नोकरदारांनी घाईगडबडीत निर्णय घेऊ नयेत. गरज भासल्यास विश्वासू आणि जाणकार व्यक्तीचा सल्ला घ्या. अचानक महत्त्वाच्या जबाबदाऱ्या येऊ शकतात. व्यावसायिक वर्गाची उलाढाल वाढेल आणि प्रवासाचे योग आहेत. महिलांच्या बाबतीत कुटुंबात वादविवाद वाढू शकतात. अशा वेळी त्याकडे दुर्लक्ष करणे हिताचे ठरेल. विद्यार्थ्यांनी अभ्यासात अद्ययावत राहणे आवश्यक आहे.
धनु
- या आठवड्यात शिस्त पाळा. नोकरदारांना ग्रहांची नैसर्गिक साथ कमी मिळेल. कामाच्या बाबतीत तत्पर राहणे आवश्यक आहे. इतरांवर अवलंबून राहू नका आणि कामात चालढकल करू नका. व्यावसायिक वर्गाला नियोजनात बदल करावा लागू शकतो. विविध अडचणींच्या प्रसंगांना सामोरे जावे लागेल; मात्र बदलत्या सहकार्याच्या धोरणाचा फायदा घेता येईल. महिलांनी कुटुंबात शांतता टिकवण्यासाठी पुढाकार घ्यावा आणि समजूतदारपणाची भूमिका घ्यावी. विद्यार्थ्यांचा आत्मविश्वास वाढेल आणि सामाजिक कार्यात सहभागी होण्याची संधी मिळेल.
मकर
- या आठवड्यात आर्थिक व्यवहार करताना सावध राहा. नोकरदारांवर कामाचा ताण राहील. कामात घाईगडबड करू नका. मित्रमंडळींच्या वर्तुळात जपून वागा. पावसाळी सहलीचा योग आहे. व्यावसायिक वर्गाची आर्थिक उन्नती होईल. दीर्घकाळ अडकलेले पैसे परत मिळतील. मात्र, कर्ज घेऊ नका तसेच उधार पैसे देणे-घेणे टाळा. महिलांना तडजोड करावी लागू शकते, हट्टीपणा सोडून द्या. विद्यार्थ्यांनी मित्रांना पैसे किंवा वस्तू उसने देणे टाळावे.
कुंभ
- या आठवड्यात अडचणींवर यशस्वीपणे मात कराल. नोकरदारांना कामाच्या बाबतीत अचानक अडचणी उद्भवू शकतात. वरिष्ठांचा रोष पत्करावा लागू शकतो. व्यावसायिक वर्गाला व्यवसायासाठी अतिरिक्त आर्थिक मदत घ्यावी लागू शकते. बुद्धी आणि कौशल्याच्या जोरावर अडचणींवर मात करता येईल. गोंधळून जाऊ नका. पूर्ण विचार करूनच निर्णय घ्या. महिलांचा अनपेक्षित खर्च वाढू शकतो. विद्यार्थ्यांनी अभ्यासावर लक्ष केंद्रित करावे आणि कुसंगत टाळावी.
हेही वाचा – स्कूटी, बायको आणि मी…
मीन
- या आठवड्यात शुभ फळे मिळतील. नोकरदारांनी कायदेशीर बाबींसंदर्भात सावध रहावे. सरकारी कामांमध्ये अचानक अडचणी येऊ शकतात. कामाच्या बाबतीत प्रामाणिक रहा. व्यावसायिक वर्गाने राजकारण टाळावे. कार्यक्षेत्रात नवीन जबाबदारी स्वीकारण्याची संधी मिळेल. व्यवसायाची जाहिरात केल्यास फायदा होईल. महिलांना घरासंबंधी नवीन वस्तू खरेदी करता येतील. विद्यार्थ्यांना नवीन वाहन मिळण्याचा योग आहे.
