दर्शन कुलकर्णी
- आज, दिनांक : 20 जानेवारी 2026; वार : मंगळवार
- भारतीय सौर : 30 पौष शके 1947; तिथि : द्वितीया 26:42; नक्षत्र : श्रवण 13:06
- योग : सिद्धी 20:00; करण : बालव 14:31
- सूर्य : मकर; चंद्र : मकर 25:34; सूर्योदय : 07:14; सूर्यास्त : 18:22
- पक्ष : शुक्ल; मास : माघ; ऋतू : शिशिर; अयन : उत्तरायण
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
वेद कन्सल्टन्सी / 9987433660
आजचे राशीभविष्य
मेष – आजचा दिवस यशाने भरलेला असेल. नोकरीच्या ठिकाणी चांगल्या संधी मिळतील. कुटुंबातील वातावरण आनंददायी असेल. वडिलधाऱ्यांकडून पाठिंबा मिळेल. कोणतेही काम संयमाने करा. जोखीम घेण्याचे टाळा, कारण त्यामुळे आर्थिक नुकसान होऊ शकते. आर्थिक आणि व्यावसायिक परिस्थिती चांगली राहील.
वृषभ – आजचा दिवस आनंददायी असेल. कौटुंबिक जीवन अधिक चांगले असेल. उत्पन्नाचे काही नवीन स्रोत उदयास येऊ शकतात. तरीही उत्पन्न आणि खर्च यांच्यात संतुलन राखणे महत्त्वाचे आहे. त्यामुळे खर्चावर नियंत्रण ठेवा. आज एखाद्या धार्मिक कार्यात सहभागी व्हाल. तुमच्या व्यवसायाची परिस्थिती मजबूत होईल.
मिथुन – आजचा दिवस फायदेशीर असेल. नशीब तुमच्या बाजूने असेल. कष्टाचे फळ मिळेल. वरिष्ठांच्या पाठिंब्याने एखाद्या महत्त्वाच्या प्रकल्पात यश मिळू शकते. संततीच्या आरोग्याकडे मात्र लक्ष ठेवा. सामाजिक कार्यात आवड वाढेल, ज्यामुळे तुम्हाला फायदा होईल.
कर्क – आजचा दिवस शुभ आहे. तुम्हाला आनंद होईल, अशा अनेक गोष्टी घडतील. एखादी चांगली बातमी मिळू शकते. आज कुटुंबासोबत चांगला वेळ घालवाल. भावंडांकडून तुम्हाला चांगला पाठिंबा मिळेल. आर्थिक लाभाचे योग आहेत. व्यवसाय विस्ताराची शक्यता आहे.
सिंह – ज्यांना भेटण्याची इच्छा असेल अशा व्यक्तींशी आज सिंह राशीच्या जातकांची भेट होऊ शकते. शारीरिक समस्या दूर होतील. जोडीदाराशी असलेले मतभेद दूर होऊ शकतात. आर्थिक परिस्थिती सामान्य राहील. बचतीवर लक्ष केंद्रित करणे फायदेशीर ठरेल. रागावर ताबा ठेवा, अन्यथा अडचणी निर्माण होऊ शकतात.
कन्या – कन्या राशीच्या जातकांसाठी आजचा दिवस भाग्याचा ठरणार आहे. भौतिक संपत्तीत वाढ होईल. विद्यार्थ्यांसाठी हा चांगला काळ आहे. स्पर्धा परीक्षांची तयारी करणाऱ्यांना यश मिळू शकते. खर्चावर मात्र नियंत्रण ठेवा. आज बरीच मोठी रक्कम दान देखील करू शकता.
तुळ – आज कौटुंबिक जीवन आनंदी राहील. मानसिक ताण कमी होईल. एखाद्या सामाजिक कार्यात सक्रियपणे सहभागी व्हाल. एखाद्या प्रिय व्यक्तीची भेट होण्याची शक्यता आहे. व्यवसायाचा समाधानकार विस्तार होईल. आर्थिक परिस्थिती चांगली राहील.
वृश्चिक – वृश्चिक राशीच्या जातकांनी आज नशिबावर अवलंबून राहणे टाळावे. मालमत्तेशी संबंधित सगळे वाद मिटू शकतात. अडकलेले पैसे आज परत मिळतील. मुलांची चांगली प्रगती होईल, त्याने समाधान मिळेल. आज धार्मिक कार्यात सहभागी व्हाल.
हेही वाचा – पडद्यावर न झळकलेली ‘त्या’ हीरोची आई…
धनु – धनु राशीच्या जातकांना आज एखादी चांगली बातमी मिळू शकते. प्रलंबित कामे पूर्ण होतील. प्रवासाचा योग आहे. कौटुंबिक जीवनात सुधारणा होईल. आदर आणि सन्मानात वाढ होईल. आज वाहन आणि आरोग्य या दोन बाबींवर खर्च करावा लागू शकतो, त्यामुळे बजेटवर लक्ष ठेवा.
मकर – आज एखादी महागडी भेटवस्तू मिळू शकते. भावंडांना आर्थिक मदत करावी लागू शकते. काही जातकांना परदेशातून चांगल्या नोकरीच्या ऑफर येईल. कौटुंबिक जीवन चांगले राहील. जोडीदाराकडून भक्कम पाठिंबा मिळेल. व्यवसायात चांगले उत्पन्न मिळण्याचे संकेत आहेत. कामाच्या ठिकाणी परिस्थिती अनुकूल असेल.
कुंभ – आज सरकारी व्यवस्थेचा पूर्ण फायदा होईल. राजकीय लाभही शक्य आहे. सहकारी तुमची प्रशंसा करतील. एखाद्या प्रकल्पात नवीन टप्पे गाठू शकाल. आज तुमच्या कामावर वरिष्ठ खूश होतील आणि बक्षीस देतील. आर्थिक परिस्थिती चांगली असेल. व्यावसायिकदृष्ट्याही बऱ्याच सुधारणा होतील.
मीन – आज कामात प्रगती करण्याची संधी मिळेल. घाईघाईने कोणताही निर्णय घेण्याआधी पूर्ण विचार करा, गरज पडली तर ज्येष्ठांचे मार्गदर्शन घ्या. आज सामाजिक प्रतिष्ठा वाढेल. तुमचे बोलणे लोकांना आकर्षित करेल. कुटुंबासोबत एक उत्तम संध्याकाळ घालवाल. जोडीदाराच्या तब्येतीकडे लक्ष द्या, अन्यथा परिस्थिती बिघडू शकते.
दिनविशेष
राष्ट्रीय सुरक्षा सल्लागार अजित डोवाल
टीम अवांतर
भारताचे राष्ट्रीय सुरक्षा सल्लागार म्हणून कार्यरत असणाऱ्या अजित डोवाल यांचा जन्म 20 जानेवारी 1945 रोजी उत्तराखंडच्या पौरी गढवाल येथे झाला. सुरुवातीला त्यांचे शिक्षण राजस्थानमधील अजमेर मिलिट्री स्कूलमध्ये झाले. 1967 मध्ये त्यांनी आग्रा विद्यापीठातून अर्थशास्त्राचे पदवी शिक्षण पूर्ण केले. त्यानंतर त्यांनी भारतीय सेवेत जाण्याचा निर्णय घेतला. भारताचे ‘जेम्स बाँड’ म्हणून त्यांची ओळख आहे. गुप्तहेर ते राष्ट्रीय सुरक्षा सल्लागार अशी अजित डोवाल यांची प्रदीर्घ कारकीर्द अनेक आव्हानांनी भरलेली होती. चित्रपट कथेला साजेशे असे त्यांचे आयुष्य आहे.
गुप्तहेर म्हणून डोवाल 7 वर्षे पाकिस्तानात होते. तिथे राहून त्यांनी पाकिस्तानची अनेक स्तरांवरील गुप्त माहिती गोळा केली. भारतात परत आल्यावर ईशान्य भारत आणि पंजाबमधील बंडखोरांसोबत त्यांचा लढा सुरू झाला. मिझोरामध्ये शांतता प्रस्थापित करण्यासाठी त्यांनी महत्त्वाची भूमिका बजावली. यासाठी तत्कालीन पंतप्रधान इंदिरा गांधी यांच्या हस्ते त्यांना प्रतिष्ठित असे कीर्तिचक्र देऊन सन्मानित करण्यात आले. भारताच्या इतिहासात पहिल्यांदाच एका पोलीस अधिकाऱ्याला हा पुरस्कार प्रदान करण्यात आला होता. तोपर्यंत लष्करातील अधिकाऱ्यांना हा पुरस्कार दिला जात होता. याशिवाय 1999 साली कंदहार विमान अपहरण प्रकरणी देखील त्यांनीच मध्यस्थी केली होती.
हेही वाचा – अब्रह्मण्यम्… गुळचट ते झणझणीत!
पुढे Intelligence Bureau मध्ये (IB) काम करत असताना देखील त्यांनी विविध मोहिमा पार पाडल्या. 2004 मध्ये त्यांची IB च्या संचालकपदी नेमणूक झाली. 2009 मध्ये ते निवृत्त झाले. 2014 मध्ये नरेंद्र मोदी यांनी पंतप्रधान पदाची शपथ घेतल्यानंतर अजित डोवाल यांची राष्ट्रीय सुरक्षा सल्लागार म्हणून नियुक्ती केली. त्यामुळे भारतासाठी धोरणात्मक निर्णय घेताना त्यांचा सल्ला महत्त्वाचा ठरू लागला.
2016 मधील सर्जिकल स्ट्राइक असो वा 2019 मधील धाडसी एअरस्ट्राइक यामुळे नव्या भारताची ओळख जगाला झाली. अर्थात, या दोन्ही घटनांमागे डोवाल यांचीच रणनीती होती. याशिवाय, इराणमधील भारतीय नर्सेसची सुटका, पाकिस्तानमधील भारतीय मच्छीमारांची सुटका, चीनबरोबर 2020 मध्ये झालेल्या रक्तरंजित संघर्षानंतर वाटाघाटी करण्यासाठी झालेली त्यांची निवड यामुळे डोवाल यांची ओळख प्रत्येकाला झाली.
वयाच्या 81 व्या वर्षी देखील त्यांची अचंबित करणारी निर्णयक्षमता आणि कामावरील श्रद्धा यामुळे राष्ट्रीय सुरक्षा सल्लागारपदी झालेली आपली निवड कशी योग्य आहे, याचीच चुणूक दाखवणारी आहे.
