साहित्य
- ओला अगर सुका वाटाणा – एक वाटी
- मटकी – दोन वाट्या
- चवळी – एक वाटी
- उकडलेल्या बटाट्याच्या फोडी – एक मोठी वाटी
- टोमॅटोच्या फोडी – एक वाटी
- बारीक शेव – दीड वाटी
- चिवडा – दोन वाट्या
- चिरलेला कांदा – एक वाटी
- ओले खोबरे – एक वाटी
- चिरलेली कोथिंबीर – एक वाटी
- एक लिटर दुधाचे गोड मलईचे दही
- तिखट – एक चमचा
- मीठ – चवीनुसार
- काळा मसाला – एक चमचा
- चिंच – पाव वाटी
- गूळ – चवीनुसार
- तेल – एक पळी (फोडणीसाठी)
- जिरे – एक लहान चमचा
- मोहरी – एक लहान चमचा
- हिंग – लहान अर्धा चमचा
हेही वाचा – Recipe : मलई कोफ्ता आणि शिंगाड्याची भजी…
कृती
- सुका वाटाणा, मटकी आणि चवळी भिजत घालावीत. मटकीस मोड येऊ द्यावेत. ओले मटार असल्यास जास्त चांगले.
- तेलाची खमंग फोडणी करावी आणि भिजवलेली धान्ये फोडणीस टाकून, एक-दोन वाफा आल्यावर पाणी घालून चांगली शिजवावीत.
- नंतर त्यात चवीप्रमाणे तिखट, मीठ, गूळ, चिंचेचे पाणी आणि काळा मसाला हे सर्व जिन्नस नेहमीच्या प्रमाणापेक्षा थोडे जास्त घालावेत.
- थोडासा जास्त रस राखून ही उसळ तयार करून घ्यावी.
- बटाटे वाफवून, ते सोलून त्यांच्या फोडी कराव्यात.
- कांदा आणि कोथिंबीर बारीक चिरून घ्यावी.
- खावयास देतेवळी खोलगट डिशमध्ये गरम उसळ प्रथम घालावी.
- त्यावर बटाट्याच्या फोडी आणि बारीक चिरलेला कांदा घालावा. नंतर त्यावर बारीक शेव आणि चिवडा घालावा.
- त्यात सभोवती टोमॅटोच्या फोडी, कोथिंबीर आणि ओले खोबरे घालावे.
- त्यात दही घालावे. वाटल्यास दह्यावर दोन-तीन टोमॅटोच्या फोडी घालाव्या, म्हणजे सजावटीच्या दृष्टीने उठून दिसेल.
हेही वाचा – Recipe : लज्जतदार दणगेले / हांडवो
टीप
- वर दिलेले साहित्य आणि प्रमाण आपापल्या आवडीप्रमाणे कमी-जास्त हरकत नाही.
- या मिसळीमध्ये डाळीच्या पिठाची भजी आणि पापडीही करण्यास घालतात.
(‘रुचिरा’ पुस्तकातून साभार)
तुमच्याही रुचकर आणि वैशिष्ट्यपूर्ण रेसिपी असतील तर, त्या तुम्ही ‘अवांतर’साठी देऊ शकता.
या ईमेलवर किंवा
9869975883 या व्हॉट्सॲप क्रमांकावर
तुम्ही रेसिपी पाठवा, तुमच्या नावासह या वेबसाइटवर त्या प्रसिद्ध केल्या जातील.
