मेष
या आठवड्यात शुभग्रहाची साथ मिळणार आहे. रवी वृश्चिक राशीत प्रवेश करत आहे. तुम्ही आपल्या क्षेत्रात प्रगती करू शकाल. नोकरदारांना प्रमोशन मिळण्याची शक्यता आहे. एजंट किंवा सेल्समन असणाऱ्यांना त्यांचे ध्येय गाठता येईल. प्रयत्न करा, यशस्वी व्हाल. हा आठवडा समाधानाचा असेल. कुटुंबातील सर्वजण एकमेकांची काळजी घेतील, एकोप्याने राहतील. त्यामुळे महिलांसाठी हा आठवडा समाधानाचा असेल. विद्यार्थ्यांना पार्ट-टाइम नोकरी मिळण्याची शक्यता आहे.
वृषभ
या आठवड्यात बुध-गुरू शुभयोगातून मोठ्यांच्या ओळखीतून लाभ होण्याची शक्यता आहे. कुटुंबातील तरुणाचे विवाह ठरण्याची शक्यता आहे. कुटुंबात उत्साहाचे वातावरण राहील. खर्चाचे प्रमाण वाढेल, नियोजन आवश्यक आहे. व्यावसायिक लोक व्यवसाय वाढवू शकतील. कुटुंबातील मुलांची प्रगती होईल आणि त्याचे श्रेय महिलांना मिळेल. उच्च शिक्षणासाठी (परदेशी जाण्यासाठी) विद्यार्थी प्रयत्न करत असतील तर, हा अनुकूल कालावधी आहे.
मिथुन
या आठवड्यात तुमच्या कार्यक्षेत्रात यश मिळेल. नोकरदारांना बढती आणि पगारवाढ मिळण्याची शक्यता आहे. पण नवीन जबाबदारी घ्यावी लागेल. कामानिमित्त परदेशी प्रवास करावा लागू शकतो. व्यावसायिक लोकांनी आर्थिक व्यवहार सावधगिरीने करावेत. कुटुंबात मंगलकार्य होण्याची शक्यता असल्याने महिलांसाठी उत्साहाचे वातावरण असेल. विद्यार्थ्यांना शैक्षणिक प्रगतीच्या बातम्या मिळतील.
कर्क
या आठवड्यात व्यापार-व्यवसायात प्रगती होईल. जुन्या ओळखीतून नवीन व्यवसाय सुरू करता येईल. जमीन-जुमल्याची रखडलेली कामे पूर्ण करू शकाल. वडिलोपार्जित संपत्तीचे वाद संपून मार्ग निघेल. सकारात्मक विचार ठेवा. महिलांनी घरातील ज्येष्ठ आणि मुलांची काळजी घ्यावी, घरात आनंदी वातावरण राहील. विद्यार्थी परदेशात जाण्याचा प्रयत्न करत असतील तर त्यांना साध्य मिळेल.
सिंह
या आठवड्यात ओळखीची व्यक्ती आणि मध्यस्थाकडून मदत मिळण्याची शक्यता आहे. व्यावसायिकांना कर्ज मिळू शकेल. नवीन कल्पना साकार होतील. व्यावसायिक जोडीदाराच्या मताचा आदर करा. नोकरदारांना बढतीचा योग आहे. महिलांना भाऊबंदकीचा त्रास होऊ शकतो, वाद घालू नका. विद्यार्थ्यांच्या बाबतीत महत्त्वाचे आणि शिकण्यासंबंधी प्रश्न सुटू शकतात.
हेही वाचा – Homeopathy : हिवाळ्यातील ॲलर्जी आणि होमिओपॅथीची ऊब
कन्या
या आठवड्यात नोकरीत अनुकूल वातावरण राहील. नवीन घर, वाहन खरेदी करू इच्छिणाऱ्यांसाठी चांगला ग्रहयोग आहे. नवीन वास्तू घेता येईल. आर्थिक प्रगती होईल. गुंतवणूक करताना तज्ज्ञांचा सल्ला घ्या. तथापि, बोलण्यावर नियंत्रण ठेवा, चेष्टा-मस्करी करू नका. महिलांना भावंडांकडून चांगल्या बातम्या मिळतील. विद्यार्थ्यांना स्पर्धात्मक परीक्षेत यश मिळू शकते.
तुळ
या आठवड्यात शुभग्रहाची साथ मिळेल. नोकरदारांकडील जबाबदारी वाढण्याची शक्यता आहे. कष्टाचे चीज होईल. व्यावसायिक परिस्थिती ठीक राहील. भागीदाराच्या मताला प्राधान्य द्यावे लागेल. वैयक्तिक प्रगती होईल. सर्वांशी मिळून-मिसळून रहा. कुटुंबात मंगलकार्य ठरेल आणि त्यानिमित्त महिलांना नातेवाईक भेटतील. विद्यार्थ्यांना स्पर्धेत यश मिळू शकते, सकारात्मक विचार ठेवा.
वृश्चिक
या आठवडा नोकरदार आणि व्यावसायिकांसाठी चांगला आहे. त्याचबरोबर खर्चावर नियंत्रण ठेवावे लागेल. कामाला प्राधान्य द्या. सरकारी कामे विलंबाने पूर्ण होतील. वाहनाच्या वेगावर नियंत्रण ठेवा. महिलांनी महत्त्वाची कागदपत्रे आणि वस्तू सांभाळून ठेवावीत, गहाळ होण्याची शक्यता आहे. विद्यार्थ्यांचा इंटरव्ह्यू सकारात्मक होईल. कलाकारांना मान-सन्मान मिळू शकेल.
धनु
या आठवड्यात शुभग्रहाची साथ मिळेल. वाटचाल चांगली राहील. बुद्धिजीवी लोकांचे उपक्रम यशस्वी होतील. नोकरदारांना नोकरीतील बदल अनुकूल ठरतील. व्यावसायिकांना नवीन पर्याय चांगले यश देतील. कायद्याच्या चौकटीत राहून काम करा. महिलांना सहकुटुंब धार्मिक कार्यात सहभागी होता येईल. मेहनतीशिवाय पर्याय नाही, हे विद्यार्थ्यांनी लक्षात ठेवावे.
मकर
या आठवड्यात नोकरदारांसाठी सर्वसाधारण आठवडा आहे. कामे वेळेत पूर्ण करू शकाल. नियमांचे काटेकोर पालन करणे आवश्यक आहे. व्यावसायिकांच्या नवीन ओळखी होतील, त्या फायदेशीर ठरतील. व्यवसायाची जागा बदलू शकते. महिलांच्या बाबतीत सहली आणि करमणुकीचे कार्यक्रम ठरतील. विद्यार्थ्यांना विशिष्ट स्पर्धात्मक परीक्षा उत्तमरीत्या पास होता येईल.
कुंभ
या आठवड्यात सावधतेने कामे पूर्ण करा. सर्व नियम आणि अटींचे पालन करा. शेअर मार्केटमध्ये किंवा अन्यत्र नवीन गुंतवणूक करू नका. गुंतवणूक करताना तज्ज्ञांचा सल्ला घेणे आवश्यक आहे. नोकरीत राजकारणाचा त्रास होऊ शकतो. गटबाजीपासून दूर रहा. मन शांत ठेवा. महिलांना जोडीदाराची उत्तम साथ मिळेल. विद्यार्थ्यांचे नैराश्य दूर होईल, सकारात्मक गोष्टी घडतील.
हेही वाचा – Ayurveda : हेमंत ऋतुचर्या आणि ऋतू संधी काळ
मीन
या आठवड्यात नोकरी आणि व्यवसायात प्रगती होईल. व्यावसायिक नवीन संकल्पना राबवू शकतील. व्यवसाय विस्तारता येईल. नोकरीत नवीन धोरणे आणि बदल करता येतील, त्याचा फायदा मालकाला होईल. मित्रमंडळींमध्ये विसंवाद आणि वाद टाळा. महिलांनी नात्याला महत्व द्यावे, गैरसमज होणार नाही, याची काळजी घ्यावी. विद्यार्थ्यांना अपेक्षित यश मिळेल, प्रामाणिक प्रयत्न करा.
