मेष
- हा आठवडा सुखदायी आणि आरामदायी आहे. नोकरदारांना नवीन गृहवास्तू खरेदी करण्याचा योग आहे. आईचे आशीर्वाद मिळतील. कामाची जागा बदलण्याचे देखील योग आहेत. व्यावसायिक वर्गाला दूरगामी मोठी गुंतवणूक करता येईल. अनावश्यक खर्च टाळणे गरजेचे आहे. मुलांच्या शिक्षणासाठी पैसे खर्च होतील. महिलांनी आरोग्याची काळजी घ्यावी, जुने दुखणे पुन्हा सुरू होऊ शकते. विद्यार्थ्यांनी आळस आणि उदासीनता सोडून अभ्यासाला लागावे.
वृषभ
- हा आठवडा खूप व्यग्र राहील. नोकरदारांना छोटे प्रवास करावे लागतील. निसर्गाच्या सान्निध्यात जाऊन आनंदी रहाल. कामाच्या बाबतीत ताण जाणवणार नाही, सुलभता राहील. व्यावसायिक वर्गाला जुन्या मित्रांच्या ओळखीतून मोठे काम मिळेल. प्रगतीचा मार्ग मोकळा होईल. महिलांनी वरिष्ठांशी वाद घालू नये. विद्यार्थ्यांना चांगला मार्ग सापडेल, नवीन गोष्टी करून पाहाल.
मिथुन
- या आठवड्यात कुटुंबाची चांगली साथ मिळेल. नोकरदारांना बढती तसेच वेतनवाढीचा योग आहे. मात्र, कोणालाही चुकीची माहिती दिली जाणार नाही, याची काळजी घ्या. व्यावसायिक वर्गाला मोठी गुंतवणूक करता येईल. पूर्वी केलेल्या गुंतवणुकीतून फायदा मिळू शकतो. महिलांनी प्रवासात आपल्या वस्तू सांभाळाव्यात. तसेच, गरज असेल तिथेच बोलावे. विद्यार्थ्यांना चांगले यश मिळेल आणि आरोग्यही उत्तम राहील.
कर्क
- आध्यात्मिक तसेच शारीरिक बळ वाढेल. नोकरदारांच्या दृष्टीने भाग्यदायक घटना घडतील. अडकलेली कामे मार्गी लागतील. स्वतःला सिद्ध करू शकाल. एखाद्या धार्मिक स्थळाला भेट देऊ शकाल. मुलांच्या बाबतीत चांगल्या घटना घडल्याचे व्यावसायिक वर्गाला पाहायला मिळेल. आर्थिक व्यवहारासंदर्भात योग्य निर्णय घ्या. महिलांनी मालमत्तेच्या वादात सामोपचाराने निर्णय घ्यावा, कोणाला दुखवू नका. विद्यार्थ्यांनी सात्त्विक आहार घ्यावा. व्यसनांपासून लांब राहावे.
सिंह
- या आठवड्यात अतिविचार करू नका. नोकरदारांनी आर्थिक गुंतवणूक करताना सर्व कागदपत्रे तपासून पाहावीत. कार्यक्षेत्रात प्रगती करू शकाल. बढतीचे योग आहेत. व्यावसायिक वर्गाने निर्णय घेताना भागीदार तसेच स्टाफला विश्वासात घ्यावे. या आठवड्यात जास्त वेळ आणि ऊर्जा खर्च होईल. मनात एकटेपणाची भावना निर्माण होऊ शकते. महिलांनी आरोग्याची तपासणी करून घ्यावी, मेडिटेशन करणे योग्य ठरेल. विद्यार्थ्यांनी सूर्याची उपासना आणि योगसाधना करावी.
हेही वाचा – ज्योतिषशास्त्र… कुंडलीतील महत्त्वाचे सूत्र – भावलग्न आणि होरा लग्न
कन्या
- या आठवड्यात मित्रांची साथ मिळेल. नोकरदारांची ओळखीतून कामे पटापट होतील. कामाच्या बाबतीत नियोजन आणि तत्परता उपयोगी पडतील. व्यावसायिक वर्गाने नवीन कर्ज घेऊ नये. संशयी स्वभाव बदलावा. हितशत्रूंपासून सावध राहावे. जे असेल ते स्पष्ट बोलणे अधिक योग्य ठरेल. तब्येतीची काळजी घ्यावी. महिलांच्या मनातील इच्छा पूर्ण होऊ शकतात. विद्यार्थ्यांच्या बाबतीत नात्यात वाद होण्याची शक्यता आहे. त्यामुळे जास्त बोलू नका, संयम ठेवा.
तुळ
- या आठवड्यात कामाचा व्याप वाढणार आहे. रवी स्वतःच्या राशीत येत असून लाभस्थानी आहे. नोकरदारांच्या बाबतीत आधी केलेल्या कष्टांचे चीज होईल. नवीन जबाबदारी मिळू शकते. कामानिमित्त प्रवास कराल. आपल्या कामावर लक्ष केंद्रीत करावे, इतरांच्या वादात पडू नका. व्यावसायिक वर्गाला व्यापारात फायदा होईल. अडकलेली कामे पूर्ण करू शकाल. पैशांचा ओघ कायम राहील. मोठी गुंतवणूक करू शकाल. महिलांनी नको ते धाडस करू नये. तसेच, कामाचा व्याप वाढणार आहे. विद्यार्थ्यांनी अभ्यासात मन एकाग्र करावे, मोबाइलच्या मोहजालात अडकू नका.
वृश्चिक
- हा आठवडा भाग्यकारक आहे. नोकरदारांनी कामाचे नियोजन करावे. थोरामोठ्यांचे आशीर्वाद उपयोगी येतील. रवी सिंह राशीत आल्याने कर्माचे फळ मिळेल. व्यावसायिक वर्गाला प्रवास करता येईल. प्रवासात चांगल्या ओळखी होतील. शेअर मार्केटमध्ये गुंतवणूक करू शकाल. महिलांना आवडीच्या क्षेत्रात काम करण्याची संधी मिळेल. विद्यार्थ्यांनी आवडीनुसार अभ्यासाची शाखा निवडावी, त्याचबरोबर मेहनत करावी लागेल.
धनु
- हा आठवडा संमिश्र फळ देणारा आहे. नोकरदारांच्या दृष्टीने घराच्या बाबतीत चांगल्या घटना घडतील. वडिलोपार्जित संपत्तीसंबंधित प्रश्न सोडवू शकाल. कामात सुलभता राहील. व्यावसायिक वर्गाला अडकलेले पैसे मिळतील; पण पैसे खर्च होण्याचे मार्ग आधीच ठरलेले असतील. कर्ज फेडू शकाल. महिलांना आध्यात्मिक प्रगती करता येईल. घरातील वातावरण आनंदी राहील. विद्यार्थ्यांनी कुसंगतीपासून दूर राहावे.
मकर
- या आठवड्यात रवी सिंह राशीत येत असून अष्टम भावात आहे, त्यामुळे आरोग्याच्या तक्रारी राहतील. नोकरदारांवर कामाचा खूप ताण असेल. बरोबरची मंडळी रजेवर गेल्यामुळे कामाचा आणखी लोड वाढू शकतो. वेळेचे नियोजन करावे लागेल. व्यावसायिक वर्गाची फसवणूक होण्याची शक्यता आहे. कुठेही सही करताना कागदपत्रे नीट वाचून घ्या. कुणावरही डोळे झाकून विश्वास ठेवू नका. महिलांसाठी श्रावण महिना आनंदी आणि व्यग्र राहील. विद्यार्थ्यांना सहलीला जाण्याचा योग आहे, मित्रांबरोबर मजा करू शकाल.
कुंभ
- या आठवड्यात घरात जोडीदाराचे वर्चस्व राहील. नोकरदारांची सर्व कामे सुरळीत पार पडतील. केलेल्या कष्टांचे चीज होईल. काही बक्षीस मिळू शकते. व्यावसायिक वर्गाच्या बाबतीत भागीदारीच्या व्यवसायात पार्टनरचे वर्चस्व राहील. त्याने केलेला अभ्यास आणि घेतलेले निर्णय योग्य ठरतील. महिलांसाठी घरात आनंदी वातावरण राहील, कामे सहज पूर्ण करू शकाल. विद्यार्थ्यांना मनाप्रमाणे काम करता येईल. पॉकेटमनी जास्त मिळू शकते.
हेही वाचा – निरामय आरोग्य लेखमालेचा थोडक्यात आढावा
मीन
- या आठवड्यात रवी षष्ठ स्थानात आहे. जुने आजार डोके वर काढून त्रास होण्याची शक्यता आहे. नोकरदारांना कामाच्या ठिकाणी जास्त काम करावे लागेल; पण श्रेय मिळणार नाही. तुमच्या स्वभावाचा कोणी गैरफायदा घेऊ शकतो, त्यामुळे सावध रहावे. व्यावसायिक वर्गाचे नवीन करार सफल होतील. उत्पादनाच्या जाहिरातीचा फायदा दिसू लागेल. उत्साहात कामे पूर्ण कराल. नवीन गुंतवणूक करू शकाल. महिलांना पोटदुखी आणि अपचनाचे त्रास उद्भवू शकता, अशावेळी पथ्य पाळावे. विद्यार्थ्यांना पार्ट-टाइम नोकरी मिळण्याची शक्यता आहे.
