धनंजय जोशी
(‘ज्योतिष आणि वास्तू’विषयक सल्लागार)
संपर्क – 8850453833
मेष
मेष राशीच्या लोकांना हा आठवडा संमिश्र असेल, असे ग्रहसंकेत दर्शवत आहे. स्पर्धा, विरोधक, प्रतिपक्ष, शत्रू अशा सर्वांची आठवड्याच्या सुरुवातीस काळजी करायला लागू शकते. जसजसा आठवडा पुढे सरकेल, तसतसे छोटे-मोठे तोटे देखील सहन करायला लागू शकतात. थोडक्यात सांगायचे झाले तर, ‘कधी ऊन कधी सावली’ अशी वाटचाल या आठवड्यात असणार आहे.
वृषभ
नोकरीच्या ठिकाणी होणारे राजकारण, त्यातून उद्भवणारे प्रश्न समोर आणणारा असा हा आठवडा आहे. घरातील सदस्यांच्या तब्येतीमुळे देखील या तणावात वाढ होऊ शकते. यातून मार्ग काढायचा असल्यास ‘जगा आणि जगू द्या’ या तत्वाचा अवलंब करणे सगळ्यात उत्तम ठरेल. लहान मुलांना परिवारातील मोठ्या सदस्यांचा उत्तम सहवास लाभेल.
मिथुन
लहान मुलांविषयीची चिंता, लहान मुलांचे विचार मनात घोळत राहतील. शिस्त आणि संस्कार हे ऐरणीवर असलेले विषय ठरू शकतात. कलाकारांना आपली बुद्धी आणि ज्ञान यांची सांगड घालून नवीन कलाविष्कार करण्यास उत्तम काळ ठरू शकतो. नवीन नोकरीच्या शोधात असलेल्या महिलांना या आठवड्यात काही चांगल्या संधी मिळू शकतात.
कर्क
कर्क राशीच्या लोकांना या आठवड्यात लाभातून होणारे सुख अनुभवायला मिळू शकते. महिलांना या आठवड्यात घर आणि घरातील मुले यांच्याकरिता जास्त वेळ देता येईल. घराचे सुशोभीकरण अथवा घरात काही बदल करून घेण्याच्या दृष्टीने सुरू केलेली कामे या आठवड्यात पूर्णत्वाला जातील.
सिंह
मुळातली सत्ता गाजवायची वृत्ती असलेल्या सिंह राशीच्या जातकांना या आठवड्यात आपल्या सत्तेचा पुरेपूर उपभोग घेता येईल. उत्तम वक्तृत्व आणि बुद्धिमत्ता याची सांगड घातली जाऊन आपापल्या कार्यक्षेत्रात आपण वर्चस्व गाजवाल. लहान मुलांनी संधी उपलब्ध झाल्यास वक्तृत्व स्पर्धेत सहभागी व्हायला उत्तम काळ.
कन्या
कन्या राशीच्या पुरुषांनी या आठवड्यात आपल्या जोडीदाराच्या मनाची विशेष काळजी घ्यावी. जोडीदाराला यातना अथवा दुःख होईल, असे काहीही बोलू अथवा करू नये. आर्थिकदृष्ट्या हा आठवडा उत्तम जाणार आहे. उत्तम लाभ होतील आणि झालेल्या लाभाचा योग्य प्रकारे विनियोग या आठवड्यात कराल. स्त्रियांनी दया, क्षमा, शांती ही त्रिसूत्री उराशी बाळगून पुढे चालावे.
तुळ
भक्ती आणि ज्ञान यांचा अनोखा संगम या आठवड्यात तुळ राशीच्या लोकांना अनुभवायला मिळू शकतो. व्यवसाय करणाऱ्या लोकांना या आठवड्यात उत्तम धनलाभ होऊ शकतो. स्त्रियांना जोडीदाराबरोबर देवदर्शनाला जाण्याचा योग येईल. उच्चशिक्षण घेत असलेल्या विद्यार्थ्यांना हा आठवडा विशेष लाभदायी ठरणार आहे.
वृश्चिक
चिंता आणि तणावाचे सावट घेऊन येणारा हा आठवडा आहे. कार्यालयात वरिष्ठांशी बेबनाव होण्याची दाट शक्यता आहे. कायदेविषयक बाबींबद्दल चिंता वाढू शकतात. जसजसा आठवडा पुढे सरकेल तसतशा काही चिंता कमी होतील. महिलांनी घरात अथवा कार्यालयात दुसऱ्या महिलेकडून आपली फसवणूक होणार नाही, याची विशेष काळजी घ्यावी.
धनु
लाभदायक घटनांनी सुरू होणारा हा आठवडा जसजसा पुढे सरकेल, तशा काही चिंता घेऊन येईल. संभाषणाच्या वेळी शब्दांचा वापर जपून करावा, अन्यथा अर्थाचा अनर्थ होण्याची शक्यता आहे. धनु राशीच्या लोकांना आपल्या जोडीदाराच्या बुद्धीकौशल्य, ज्ञानाचा अभिमान वाटेल, असे काही प्रसंग अनुभवायला मिळून शकतात. वैद्यकीय उच्चशिक्षण घेणाऱ्या विद्यार्थ्यांनी विषयातील तांत्रिक गोष्टींकडे विशेष लक्ष द्यावे.
मकर
क्रीडा, कला अथवा छंद अशा गोष्टींचे वर्चस्व असणारा हा आठवडा आहे. कलाकारांना आपल्या कलेला उत्तम व्यासपीठ मिळणे अनुभवायला मिळेल. मकर राशीच्या स्त्रियांना आपल्या कलाक्षेत्रात अथवा कार्यक्षेत्रात फायदा अनुभवायला मिळू शकतो.
कुंभ
‘मान दिल्यामुळे मान मिळतो’ हे या आठवड्याचे सूत्र राहणार आहे. गोड बोलून कामे सहज आणि उत्तमरीतीने होऊ शकतात, याकडे विशेष लक्ष द्यावे. अध्यात्म आणि ज्ञान अशा गोष्टीत या आठवड्यात मन उत्तम रमेल. सल्लामसलत हे कार्यक्षेत्र असलेल्या लोकांना या आठवड्यात विशेष आर्थिक लाभ होऊ शकतो. विद्यार्थ्यांना बुद्धीकौशल्य दाखवण्यास वाव मिळवून देणारा हा आठवडा असेल.
मीन
घर अथवा नात्यातले प्रश्न सोडवताना तर्क आणि भावना यांची सांगड घालून विषय हाताळावे. वडिलोपार्जित संपत्तीच्या संदर्भाने काही कामे करायची राहिली असल्यास ती कामे या आठवड्यात पूर्ण करण्याची संधी चालून येईल. मीन राशीच्या लहान मुलांच्या आहाराकडे या आठवड्यात विशेष लक्ष द्यावे.
