धनंजय जोशी
(‘ज्योतिष आणि वास्तू’विषयक सल्लागार)
संपर्क – 8850453833
मेष राशी
येता आठवडा हा संमिश्र राहील. संभाषणात अथवा बोलताना आपल्यामुळे कोणी दुखावणार नाही, याची काळजी घ्या. घरातल्या गोष्टींमध्ये मन उत्तम रमेल. परदेशगमनाचे योग येऊ शकतात. स्त्रियांनी आलेला पैसा राखून ठेवण्याकडे कल ठेवावा. मेष राशीच्या सर्वांनीच उष्णतेचे विकार होणार नाहीत, याची विशेष काळजी घ्यावी.
वृषभ राशी
या आठवड्यात छोट्या प्रवासाचे अनेक योग येऊ शकतात. आपले विचार शब्दांतून प्रभावीपणे व्यक्त करण्याचा उत्तम काळ. मित्र, भाऊ, बहीण यांच्या सुखदायी भेटी होण्यासाठी उत्तम ग्रहमान आहे. लहान मुलांसाठी अभ्यास आणि शिक्षणाचे आराखडे तयार करण्यासाठी उत्तम काळ ठरू शकतो.
मिथुन राशी
बोलणे आणि आहार याबाबतीत संयम बाळगण्याची गरज आहे. आठवड्याच्या पूर्वार्धात पैसा येणे आणि उत्तरार्धात खर्च होणे, अशी परिस्थिती उद्भवू शकते. कलाकारांसाठी नवीन संधी चालून येतील आणि त्यामध्ये उत्तम कामगिरी पार पाडण्याचे योग दिसत आहेत. स्त्रियांनी काळजी करण्यापेक्षा काळजी घेणे, हे जास्त सयुक्तिक ठरेल.
कर्क राशी
देवदर्शन अथवा धार्मिक कार्यांसाठी प्रवास घडू शकतो. प्रवासातले छोटे अडथळे वगळता उत्तम लाभ होईल. नोकरी अथवा व्यवसायात वरिष्ठांची मर्जी उत्तम सांभाळाल. आठवड्याच्या सुरुवातीला स्वतःबद्दलच्या विचारांमध्ये गुंतलेले मन हे आठवड्याच्या उत्तरार्धात घर आणि परिवार यांना प्राधान्य देताना दिसत आहे. विद्यार्थ्यांनी उच्च शिक्षणाच्या बाबतीत तज्ज्ञांचे मार्गदर्शन घेणे, हितकारक ठरेल.
सिंह राशी
आकस्मिक धनलाभ होण्याची शक्यता आहे. असे झाल्यास आलेला पैसा हा यथायोग्य विचार करूनच वापरावा. परदेशगमनाबाबत विचार सुरू असल्यास उत्तम नियोजन करणे अत्यंत लाभदायी ठरेल. जमीन जुमल्याबद्दलचे करार करण्यासाठी अथवा ते होण्यासाठी उत्तम संधी चालून येऊ शकते. कामाच्या ठिकाणी संमिश्र काळ आहे. स्त्रिया आणि लहान मुलांनी मानसिक स्वास्थ्य जपणे जास्त गरजेचे आहे.
कन्या राशी
आनंददायक आणि उत्तम कार्यांमध्ये पैसा खर्च होऊ शकतो. व्यवसाय धंद्यामध्ये थोडा अडचणींचा काळ येऊ शकतो. आठवड्याच्या उत्तरार्धात आप्तेष्ट आणि मित्रांच्या भेटीगाठी घडू शकतील. बराच काळ प्रलंबित असलेले येणे येऊ शकते. उच्च शिक्षण घेणाऱ्या विद्यार्थ्यांनी आपल्या अध्ययनावर विशेष लक्ष केंद्रित करणे गरजेचे आहे. स्त्रियांना जोडीदाराकडून उत्तम साथ मिळेल.
तूळ राशी
आठवड्याच्या पूर्वार्धात व्यवसायातून उत्तम धनलाभ होऊ शकतो. आठवड्याच्या उत्तरार्धात परदेश गमनाबाबत विचार मनात येतील. होतकरू तरुणांना नोकरीसंदर्भाने नवीन संधी चालून येईल. व्यापाऱ्यांसाठी व्यापार वृद्धीशी संबंधित काही नवी दालने उघडण्यासाठी उत्तम काळ. लहान भावंडांची मर्जी सांभाळा.
वृश्चिक राशी
वृश्चिक राशीच्या जातकांचे नोकरी अथवा व्यवसायाच्या ठिकाणी मन उत्तम रमेल. वडिलांचा सहवास लाभून त्यांच्याबरोबर उत्तम काळ घालवण्याची संधी चालून येईल. आठवड्याच्या उत्तरार्धात भाग्य चमकेल, अशी ग्रह स्थिती आहे. गर्भवती महिलांना कोणत्याही बाबतीत शंका असल्यास डॉक्टरांशी विचारविनिमय करणे उत्तम.
धनू राशी
अध्यात्म आणि देवाधर्माच्या विषयात मन उत्तम रमेल. गृहसौख्याच्या बाबतीत संमिश्र काळ. नोकरदारवर्गासाठी नोकरीत बदलीबाबत काही संकेत मिळू शकतात. कलाकारांच्या प्रतिभेला व्यक्त होण्यासाठी उत्तम संधी चालून येईल. पराक्रमाला विवेकाची जोड मिळणे, अत्यंत आवश्यक आहे. धनू राशीच्या लहान मुलांना गुरूकडून उत्तम मार्गदर्शन मिळण्यासाठी चांगला काळ. स्त्रियांसाठी कर्माला दैवाची साथ मिळवून उत्कर्ष साधण्यासाठी अनुकूल काळ.
मकर राशी
आठवड्याच्या सुरुवातीच्या काळात मनात असलेल्या चिंता, जसजसा आठवडा पुढे जाईल तसतशा कमी होतील. कागदपत्रे आणि कायदा याबाबतीत विशेष जागरूक राहणे, गरजेचे आहे. लहान मुलांच्या कलागुणांना उत्तम संधी प्राप्त होऊ शकते. नोकरीच्या ठिकाणी वावरताना आणि व्यवहार करताना जागरूक राहण्याची गरज. स्त्रियांनी पैशांचे व्यवहार करताना जोडीदाराला अथवा घरातल्या वरिष्ठांना विश्वासात घेणे उपयुक्त ठरेल.
कुंभ राशी
नवीन व्यवसाय सुरू करण्यासंदर्भात अनेक विचार मनात येतील. यथायोग्य विश्लेषण करून पुढचे पाऊल उचलणे, हे उत्तम ठरेल. जोडीदाराशी सुसंवाद साधणे आवश्यक आहे. व्यवसायात मन उत्तम रमेल. आठवड्याच्या उत्तरार्धात व्यवसायातून उत्तम धनप्राप्ती होऊ शकते. स्त्रियांसाठी स्वयंपाकात नवनवीन प्रयोग करण्यासाठी उत्तम काळ. आपण बोलताना कोणाचं मन दुखावणार नाही, याची विशेष काळजी या आठवड्यात घ्यावी.
मीन राशी
आरोग्यसंदर्भात नवीन उपक्रम हाती घेण्याचे मनसुबे जर असतील तर, त्यांचा जरूर श्री गणेशा करावा. येणारा आठवडा हा संमिश्र काळ ठरू शकतो. तंत्र शिक्षण घेणाऱ्या विद्यार्थ्यांनी आलेल्या संधीचा यथायोग्य फायदा करून घ्यावा. नोकरीसंदर्भात चांगली बातमी कळण्याची शक्यता. स्त्रियांनी निर्णय घेताना संभ्रम होत असल्यास योग्य व्यक्तीकडून सल्ला घेऊन पुढे जाणे हितकारक ठरेल.
