मेष
या आठवड्यात सरकारी कामे विनासायास पूर्ण होतील. नोकरदारांसाठी कामाच्या ठिकाणी वातावरण साधारण राहील. तथापि, आर्थिक परिस्थिती भक्कम राहील. व्यावसायिक वर्गाला नवीन संकल्पना उपयोगी पडतील. जुनी येणी वसूल होतील. व्यवसाय विस्तार करू शकाल. महिलांना कुटुंबातील ज्येष्ठ व्यक्तीची काळजी घ्यावी लागेल. विद्यार्थ्यांचे अभ्यासात मन लागेल, त्याचबरोबर परिश्रमही हवेत.
वृषभ
या आठवड्यात मान-सन्मान मिळेल. नोकरदारांना पगारवाढ आणि प्रमोशन मिळण्याचे योग आहेत. वरिष्ठ खूश राहतील. कार्यालयातील सहकाऱ्यांना पार्टी द्याल. व्यावसायिक वर्गाला नफा होईल, व्यवसायात तेजी जाणवेल. महिला अध्यात्मिक क्षेत्रात प्रगती करू शकतील. विद्यार्थ्यांना आवडीच्या क्षेत्रात काम करण्याचा आनंद मिळेल.
मिथुन
या आठवड्यात कलाकारांचा भाग्योदय होईल. नोकरदारांच्या कामाचे कौतुक होईल. श्रेय मिळेल. काम चांगल्याप्रकारे पूर्ण केल्याबद्दल विशेष बक्षीसही मिळेल. व्यावसायिक वर्गाला व्यवसायवृद्धीसाठी खूप परिश्रम करावे लागतील. नवीन योजना वापराव्या लागतील. स्पर्धात्मक परीक्षेत घरातील तरुणांना मिळालेल्या यशाचे श्रेय महिलांना मिळेल. विद्यार्थ्यांच्या नवीन ओळखी होतील. चौकस स्वभावाचा फायदा त्यांना होईल.
कर्क
या आठवड्यात नवीन घराचे स्वप्न साकार होऊ शकते. नोकरदारांना नवीन जॉबच्या संधी उपलब्ध होतील. कामाच्या ठिकाणी वातावरण आनंदी असेल. नवीन प्रोजेक्ट मिळतील. व्यावसायिक वर्गाचे नवीन करार होतील. नवीन योजना अमलात आणून प्रगती करू शकाल. तसेच, नवीन खरेदीही कराल. महिलांना अचानक प्रवास घडेल. ज्या कामासाठी प्रवास कराल ते काम यशस्वीपणे पूर्ण करतील. विद्यार्थ्यांच्या कष्टाचे चीज होईल, सगळीकडून कौतुक होईल.
सिंह
या आठवड्यात कोर्ट-कचेरी संदर्भात यश मिळेल. नोकरदारांना दबावाखाली काम करावे लागू शकते. ज्येष्ठ सहकाऱ्यांना योग्य तो मान द्यावा. शब्द जपून वापरावेत. व्यावसायिक वर्गाला हितशत्रूंवर मात करता येईल. अडथळे आणि समस्या उभ्या राहतील; त्यांना आत्मविश्वासाने सामोरे जा. महिलांनी स्वभावातील दिखाऊपणा कमी करावा. तसेच, चांगली संगत ठेवावी. विद्यार्थ्यांच्या बाबतीत अनपेक्षित शुभ घटना घडतील. त्यामुळे आनंदी रहाल.
हेही वाचा – या डोळ्यांची दोन पाखरे…
कन्या
या आठवड्यात फसवणुकीपासून सावध रहा. नोकरदारांनी सहकारी तसेच वरिष्ठांच्या गोड बोलण्यावर भुलू नये. कधी जास्त काम तुमच्यावर सोपवतील ते कळणार नाही. व्यावसायिक वर्गाने नवीन करारावर सही करण्याची घाई करू नये. नवीन योजना सध्या लांबणीवर टाका. कायद्याचे काटेकोर पालन करा. महिलांनी दारावर येणाऱ्या वस्तू विकत घेऊ नका. तसेच ऑनलाइन ॲपपासून सावध रहा. विद्यार्थ्यांनी अभ्यासावर लक्ष केंद्रित करावे.
तुळ
या आठवड्यात आरोग्याकडे लक्ष द्या. नोकरदारांच्या बाबतीत स्थिती सामान्य राहील. नवीन नोकरीसंबंधित मुलाखती सफल होतील. बेरोजगारांना रोजगार मिळेल. व्यावसायिक वर्गाला खूप धावपळ करावी लागेल. तथापि, उत्पन्नात वाढ होईल. हितशत्रूंच्या कारवाया वाढतील; त्याकडे लक्ष द्यावे लागेल. महिला घरच्या व्यवसायात महत्त्वाची जबाबदारी पार पाडतील. विद्यार्थ्यांना पुढील शिक्षणाशी संबंधित आनंदाची बातमी मिळेल. परिणामी उत्साह वाढेल.
वृश्चिक
या आठवड्यात क्रीडा क्षेत्रातील लोकांना चांगल्या संधी मिळतील. नोकरदारांना अपेक्षित असलेल्या गोष्टी पूर्ण होतील. सहकारी वर्ग मदत करेल. स्वतःच्या निर्णयावर ठाम रहा. व्यावसायिक वर्गाची उलाढाल वाढून उत्पन्नात वाढ होईल. नवीन जाहिरात करणे हिताचे राहील. कामानिमित्त परदेशी जाण्याचा योग आहे. महिलांना अधिक श्रम पडतील, त्यामुळे तब्येतीची काळजी घ्या. विद्यार्थ्यांना परिश्रम घ्यावे लागतील. तसेच, वेळेचे नियोजन करणे महत्त्वाचे ठरेल.
धनु
या आठवड्यात महत्त्वाचे करार होतील. नोकरदारांना परत आपल्या मूळ पदावर येण्याचा मार्ग मिळण्याची शक्यता आहे. पूर्ण माहिती करून घेतल्यानंतरच कामाची जबाबदारी स्वीकारा. व्यावसायिक वर्गाची प्रलंबित खटले मार्गी लागतील, निर्णय तुमच्या बाजूने येईल. व्यवसायात चांगली उलाढाल होईल. महिलांच्या कामाचे कौतुक होईल. नवीन आवडीचे काम मिळेल. विद्यार्थ्यांचा आत्मविश्वास वाढेल, निर्णयक्षमता वाढेल.
मकर
या आठवड्यात सुवार्ता मिळतील. नोकरदारांना अनपेक्षित लाभ मिळतील. प्रमोशन आणि त्याअनुषंगाने पगारवाढ असे फायदे मिळण्याची शक्यता आहे. व्यावसायिक वर्गाच्या उत्पन्नात वाढ होईल. आर्थिक स्थिती उत्तम राहील. कामगारांचे प्रश्न अचानक उद्भवू शकतात, वेळीच ते सोडवा. कोणाला उसने दिलेले पैसे महिलांना ते परत मिळतील. विद्यार्थ्यांची अभ्यासात प्रगती होईल, आवडीचे काम करण्याची संधी मिळेल.
कुंभ
या आठवड्यात घरातील व्यक्तीच्या आरोग्यासाठी खर्च होईल. नोकरदारांना कामाचा ताण जाणवेल. वर्क फ्रॉम होम करणाऱ्यांना जास्त त्रास जाणवेल. व्यावसायिक वर्गाची बुद्धिमत्ता आणि संवादकौशल्याने प्रभावित होऊन नवीन कामे मिळतील. व्यवसायवृद्धी होईल. भागीदार खूश होतील. महिलांच्या बाबतीत वडिलोपार्जित संपत्तीची कामे मार्गी लागतील. विद्यार्थ्यांनी लहान गोष्टींकडे दुर्लक्ष करावे, वाद घालू नये.
हेही वाचा – आपल्यांचा आपलेपणा…
मीन
या आठवड्यात उदास वाटेल. नोकरदारांची मनासारखी कामे होणार नाहीत. उगीच चिडचिड होईल. तुमच्या कामाचे श्रेय दुसरेच घेऊन जाण्याची शक्यता आहे; सावध रहा. जुनी येणी वसूल करताना व्यावसायिक वर्गाला मानसिक त्रास होण्याची शक्यता आहे. ते काम करण्यासाठी एखादी व्यक्ती ठेवा; स्वतः करू नका. महिलांना कुटुंबातील तरुणांचे प्रश्न योग्य मार्गाने तसेच व्यवस्थितपणे समजावून सोडवावे लागतील, वाद घालू नका. विद्यार्थ्यांना घरातून तसेच शिक्षकांकडून मोलाचे मार्गदर्शन मिळेल. शिष्यवृत्ती मिळण्याची शक्यता आहे.
