दर्शन कुलकर्णी
- आज, दिनांक : 22 जानेवारी 2026; वार : गुरुवार
- भारतीय सौर : 02 माघ शके 1947; तिथि : चतुर्थी 26:28; नक्षत्र : शततारका 14:26
- योग : वरियान 17:37; करण : वणिज 14:40
- सूर्य : मकर; चंद्र : कुंभ; सूर्योदय : 07:14; सूर्यास्त : 18:24
- पक्ष : शुक्ल; ऋतू : शिशिर; अयन : उत्तरायण
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
श्री गणेश जयंती
विनायक चतुर्थी / तिलकुंद चतुर्थी / वरद चतुर्थी
वेद कन्सल्टन्सी / 9987433660
आजचे राशीभविष्य
मेष – आजचा दिवस सामान्य राहील. ऑफिसची कामे अंतिम मुदतीपूर्वी पूर्ण करा. ऑफिसच्या राजकारणापासून दूर रहा. स्वतःच्या कामाबद्दल निष्काळजी राहू नका. आज तुम्ही घरगुती उपकरणे किंवा इलेक्ट्रॉनिक उपकरणे खरेदी करू शकता. तुमचे कौटुंबिक जीवन आनंदी राहील.
वृषभ – कार्यालयीन कामात सावधगिरी बाळगा. विद्यार्थ्यांनी आपल्या अभ्यासावर लक्ष केंद्रित करावे. व्यावसायिकांना भागीदारी उपक्रमांमधून फायदा होऊ शकतो, परंतु आर्थिक बाबतीत कोणावरही आंधळेपणाने विश्वास ठेवू नका. संयम ठेवा. राग नियंत्रित करा, तसेच घाईघाईने निर्णय घेणे टाळा.
मिथुन – आत्मविश्वास वाढेल. कामाच्या ठिकाणी तुमच्या कामाचे कौतुक होईल. प्रगतीच्या नवीन संधी निर्माण होतील, मात्र खर्चावर नियंत्रण ठेवावे लागेल. तुमची जीवनशैली सुधारण्याचा प्रयत्न करा. शिस्त पाळा. व्यावसायिकांना व्यवसायात यश मिळेल. कौटुंबिक जीवनात आनंदी वातावरण राहील.
कर्क – नवीन कामे स्वीकारण्यासाठी तयार राहा. कुटुंब किंवा मित्रांसोबत सहलीचे नियोजन करू शकता. दीर्घकालीन समस्या दूर होतील. जुन्या मित्रांच्या भेटी होण्याची शक्यता आहे. करिअरमध्ये नवीन टप्पे साध्य होतील. तब्येतीची काळजी घ्या, पथ्येपाणी सांभाळा.
सिंह – आजचा दिवस चांगला आहे. व्यवसायात वाढ होईल. भावंडांकडून आज पाठिंबा मिळेल. करिअरमधील अडथळे दूर होतील. तुम्ही यशाची शिडी चढायला सुरुवात कराल. स्वतःच्या आरोग्याकडे लक्ष द्या. कुटुंबातील सदस्यांशी अनावश्यक वाद टाळा. कौटुंबिक जीवनात शांती आणि आनंद नांदेल.
कन्या – कारकिर्दीत यश मिळविण्यासाठी कठोर परिश्रम करा. दीर्घकाळापासून रखडलेली कामे यशस्वी होतील. आर्थिक परिस्थिती चांगली राहील. व्यवसाय फायदेशीर राहील. नातेसंबंधांमध्ये गैरसमज निर्माण होऊ शकतात. तुमच्या जोडीदारासोबत मतभेद होण्याची शक्यता आहे. चर्चेद्वारे हे प्रश्न सोडवण्याचा प्रयत्न करा.
तुळ – कठोर परिश्रम आणि समर्पण यामुळे मोठे यश मिळेल. काही जातकांना वडिलोपार्जित मालमत्ता मिळू शकते. तथापि, आज मन अस्वस्थ असेल. अज्ञात भीती तुम्हाला त्रास देऊ शकते. सकारात्मक राहा. खर्चावर नियंत्रण ठेवा आणि स्वतःच्या बजेटवर लक्ष ठेवा.
हेही वाचा – तुम्ही काम काय करता?
वृश्चिक – आजचा दिवस संमिश्र परिणाम घेऊन येईल. कठोर परिश्रमांनंतर यश मिळेल. कामाच्या ठिकाणी नवीन जबाबदाऱ्या स्वीकारण्यास तयार रहा. यामुळे करिअरच्या प्रगतीसाठी नवीन संधी उपलब्ध होतील. गुंतवणुकीचे निर्णय काळजीपूर्वक घ्या. आज कुटुंबासोबत वेळ घालवा, यामुळे तुम्ही आनंदी राहाल.
धनु – स्पर्धा परीक्षांची तयारी करणाऱ्या विद्यार्थ्यांना यश मिळेल. काही जण नोकरी बदलण्याचा विचार करू शकतात. कौटुंबिक जीवनात नवीन जबाबदाऱ्या येतील. वैयक्तिक आणि व्यावसायिक जीवनात संतुलन राखा. आळस टाळा आणि यश मिळविण्यासाठी कठोर परिश्रम करा.
मकर – उत्पन्नाचे नवीन स्रोत उदयास येतील. व्यवसायाचा विस्तार शक्य आहे. नवीन प्रकल्प सुरू करण्यासाठी हा दिवस चांगला आहे. तुमची आर्थिक परिस्थिती सुधारेल. तुमचे कौशल्य आणि प्रतिभा यामुळे यशाची शिडी चढण्यास मदत होईल. आज वाद टाळा. वडीलधाऱ्यांच्या सल्ल्याचा आदर करा.
कुंभ – आज धार्मिक कार्यात सहभागी व्हाल. कौटुंबिक जीवन आनंदी असेल. आत्मविश्वास वाढेल. तुमचे ध्येय साध्य करण्यासाठी तुम्हाला प्रेरणा मिळेल. अनावश्यक खर्चावर नियंत्रण ठेवा. अकारण वाद टाळा. आज तुम्ही घराचे नूतनीकरण करण्याची योजना आखू शकता.
मीन – कारकिर्दीत आज तुम्हाला लक्षणीय यश मिळेल. वरिष्ठ कामाच्या ठिकाणी तुमची प्रशंसा करतील. कठोर परिश्रमांमुळे आज खूप आदर मिळेल. विवाहोत्सुक जातकांच्या जीवनसाथीचा शोध यशस्वी होईल. लग्नही निश्चित होऊ शकते. आज सामाजिक उपक्रमांमध्ये सक्रियपणे सहभागी व्हाल. स्वतःच्या आरोग्याकडे लक्ष द्या.
दिनविशेष
भारतीय मानवशास्त्रज्ञ निर्मलकुमार बोस
टीम अवांतर
प्रसिद्ध भारतीय मानवशास्त्रज्ञ निर्मलकुमार बोस यांचा जन्म 22 जानेवारी 1901 रोजी कलकत्ता येथे झाला. 1921 साली कलकत्त्याच्या प्रेसिडेन्सी कॉलेजमधून भूविज्ञान या विषयातील बी. एस्सी.ची परीक्षा प्रथम श्रेणीत उत्तीर्ण झाले. त्याच विषयात एम्.एस्सी. करण्याच्या विचाराने त्यांनी नाव नोंदविले परंतु महात्मा गांधींच्या असहकारितेच्या चळवळीत भाग घेतल्यामुळे त्यांना शिक्षण मधेच सोडावे लागले.
पुढे काही काळ जगन्नाथपुरी येथे वास्तव्य केले आणि तिथे ओडिसी वास्तुशिल्पाचा अभ्यास केला. तेथेच बंगालचे सुप्रसिद्ध विचारवंत आशुतोष मुखर्जी यांची भेट झाली आणि त्यांच्या प्रेरणेने ते मानवशास्त्राकडे वळले. 1925मध्ये त्यांनी कलकत्ता विद्यापीठातून मानवशास्त्रातील एम.एससी. पदवी प्राप्त केली. भारत सरकारने भारतीय मानवशास्त्रीय सर्वेक्षणाचे संचालक म्हणून त्यांची नियुक्ती केली (1959-64). त्यानंतर अनुसूचित जाति-जमातींचे आयुक्त म्हणूनही त्यांनी काम केले (1967-70). मध्यंतरी एशियाटिक सोसायटी आणि वंगीय साहित्य परिषद या संस्थांचे ते अध्यक्ष होते. 1953 पासून अखेरपर्यंत (1972पर्यंत) ते मॅन इन इंडिया या त्रैमासिकाचे संपादक होते.
हेही वाचा – पूल पडला… मुकादमला दणका
गांधींजींनी पुकारलेल्या 1922च्या असहकारितेच्या चळवळीप्रमाणेच 1930-32च्या सविनय कायदेभंगाच्या चळवळीत आणि 1942 च्या छोडो भारत आंदोलनातही त्यांनी हिरिरीने भाग घेतला होता. 1934 साली त्यांची गांधीजींशी प्रथम भेट झाली. तेव्हापासून गांधींजीशी त्यांचे निकटचे संबंध होते. पूर्व बंगालमधील (सध्याचा बांगलादेश) नोआखाली येथे (1946-47) पेटलेल्या दंगली शमविण्याकरिता गांधीजींनी शांतीयात्रा सुरू केली, तेव्हा बोस गांधींजींचे खासगी चिटणीस आणि दुभाषे म्हणून त्यांच्याबरोबर होते. भारतीय सामाजिक- सांस्कृतिक समस्यांच्या बाबतीत गांधीवादी दृष्टिकोनाचा त्यांनी पुरस्कार केला.
निर्मलकुमार बोस यांनी बंगाली आणि इंग्रजी या दोन्ही भाषांमधून सांस्कृतिक, मानवशास्त्र, वास्तुशिल्प, हिंदू समाजरचना, आदिवासींच्या समस्या, नगर-विस्तार तसेच गांधीजींचे जीवन आणि विचार इत्यादी विषयांवर विपुल लेखन केले आहे. 15 ऑक्टोबर 1972 कलकत्ता येथे त्यांचे निधन झाले.
