दर्शन कुलकर्णी
आज, भारतीय सौर : 24 ज्येष्ठ शके 1947
अर्थात,
दिनांक : 14 जून 2025
वार : शनिवार
तिथि : तृतीया 15:46
नक्षत्र : उत्तराषाढा 24:21
योग : ब्रह्मा 13:12
करण : बव 27:51
सूर्य : वृषभ
चंद्र : मकर
सूर्योदय : 06:00
सूर्यास्त : 19:16
पक्ष : कृष्ण
मास : ज्येष्ठ
ऋतू : ग्रीष्म
सूर्य अयन : उत्तरायण
संवत्सर : विश्वावसू
शालिवाहन शक : 1947
विक्रम संवत : 2081
युगाब्द : 5127
संकष्ट चतुर्थी, चंद्रोदय 10:02
वेद कन्सल्टन्सी / 9987433660
आजचे राशीभविष्य
मेष – मेष राशीच्या जातकांना कामामध्ये मोठे यश मिळेल. मात्र त्यासाठी कठोर परिश्रम करावे लागतील. एखाद्या नव्या प्रकल्पाची जबाबदारी सोपविण्यात येईल. व्यवसाय वृद्धीसाठी नवीन संधी शोधा.
वृषभ – रोलर कोस्टरप्रमाणे दिवस चढ-उतारांनी भरलेला असेल. कामाच्या ठिकाणी काही समस्यांना सामोरे जावे लागू शकते. त्यामुळे कार्यालयीन राजकारणापासून लांबच रहा. आर्थिक बाबींसंबंधी कोणतीही जोखीम घेऊ नका.
मिथुन – आर्थिक स्थिती चांगली राहील. करिअरमध्ये पुढे जाण्यासाठी अनेक संधी उपलब्ध होतील. उत्पन्नाचे नवे स्रोत निर्माण होतील. सहलीचे नियोजन करत असाल तर आजचा दिवस त्यासाठी उत्तम असेल.
कर्क – कौटुंबिक आघाडीवरील वातावरण आनंदाचे राहील. घरातील जबाबदाऱ्या वाढतील. त्यामुळे कुटुंबाचा सल्ला अवश्य घ्या. मेहनतीचे अपेक्षित फळ मिळेल. काही जातकांना चांगल्या पॅकेजसह नवीन नोकरीची ऑफर मिळेल.
सिंह – मालमत्तेशी संबंधित वाद सोडवले जातील. खर्चात वाढ होऊ शकते. त्यामुळे अनावश्यक खर्चांवर नियंत्रण ठेवा. कार्यालयातील सहकाऱ्यांशी अनावश्यक वाद टाळा. त्याऐवजी कारकिर्दीतील उद्दिष्टांवर लक्ष केंद्रित करा.
कन्या – जीवनात आनंद आणि समृद्धी आणणारा दिवस असेल. नवीन ठिकाणी व्यवसाय वाढविण्याच्या अनेक संधी व्यावसायिकांना मिळतील. कार्यालयातील सर्व कामे सर्जनशीलतेने पूर्ण करा. विद्यार्थी स्पर्धात्मक परीक्षांमध्ये उत्तम कामगिरी करतील.
तुळ – वृषभ राशीच्या जातकांना जुन्या गुंतवणुकीतून चांगला फायदा मिळेल. आर्थिक स्थिती सुधारेल. आत्मविश्वास वाढेल. महत्त्वाची कामे पूर्ण करण्यासाठी कार्यालयात जास्त वेळ बसावे लागेल, त्यामुळे आळशीपणा टाळा.
वृश्चिक – अतिशय शुभ दिवस आहे. व्यवसायात नफा मिळेल. नोकरी करणाऱ्या लोकांची बदली होऊ शकते. मालमत्तेशी संबंधित वाद मिटतील. कार्यालयातील जबाबदाऱ्या वेळेआधी पूर्ण करण्याचा प्रयत्न कराल.
धनु – विद्यार्थ्यांसाठी अतिशय भाग्यवान दिवस असेल. आर्थिक स्थितीत सुधारणा होईल. कार्यालयातील आव्हानात्मक परिस्थिती हाताळण्यासाठी तयार रहा. व्यवसायात नफा मिळवण्यासाठी नवीन रणनीती तयार करा. करिअरच्या नवीन संधींकडे लक्ष ठेवा.
मकर – व्यवसायात वाढ करण्याच्या अनेक संधी मिळतील. सहकाऱ्यांच्या पाठिंब्याने खूप प्रगती होईल. व्यावसायिक जीवनात मोठे बदल होण्याची चिन्हे आहेत. मात्र आर्थिक बाबींमध्ये हुशारीने निर्णय घ्या. आहाराकडे आज विशेष लक्ष द्या.
कुंभ – आजचा दिवस सामान्य असेल. व्यवसायात चढ-उतार बघायला मिळतील. व्यवसायात थोडी आव्हानात्मक परिस्थिती निर्माण होईल. फक्त कामावर लक्ष केंद्रित करा. कार्यालयीन राजकारणापासून दूर रहा.
मीन – नशिबाची साथ मिळेल. आर्थिक स्थिती सुधारेल. व्यवसायाचा विस्तार होईल. नोकरी करणाऱ्या लोकांना पदोन्नतीच्या नवीन संधी मिळतील. मात्र, आळसापासून दूर रहा.
दिनविशेष
आद्य नाटककार गोविंद बल्लाळ देवल
मराठीतील आद्य नाटककार अशी ओळख असणाऱ्या गोविंद बल्लाळ देवल यांचा जन्म 13 नोव्हेंबर 1855 साली तत्कालीन सांगली संस्थानातील हरिपूर येथे झाला. दुर्गा, मृच्छकटिक, विक्रमोर्वशीय, झुंजारराव, शापसंभ्रम, संगीत शारदा आणि संशयकल्लोळ अशी अनेक नाटके देवल यांनी लिहिली. त्यापैकी मृच्छकटिक, संगीत शारदा आणि संगीत संशयकल्लोळ या नाटकांना मराठीत विशेष स्थान आहे. ‘सं. संशयकल्लोळ’नं मराठी रंगभूमीवर भरजरी इतिहास घडवला आहे. अनेक दर्जेदार नटसंचांत विविध नाटक कंपन्यांनी त्याचे आजवर हजारो प्रयोग सादर केले असून 1916मध्ये लिहिल्या गेलेल्या या नाटकाचे अजूनही प्रयोग होतच आहेत. बेळगाव येथे देवल हे प्रख्यात नाटककार आणि अभिनेते बळवंत पांडुरंग किर्लोस्कर यांच्या संपर्कात आले. त्यांच्यामुळेच पुढे देवलांनी किर्लोस्कर नाटक मंडळीत जाण्यास सुरुवात केली. किर्लोस्कर यांचे सहाय्यक दिग्दर्शक म्हणून काम करताना देवल नाटकांमध्ये लहान-लहान भूमिका साकारू लागले. 1885 साली किर्लोस्कर यांच्या निधनानंतरही देवल त्याच संस्थेत दिग्दर्शक म्हणून काम करत होते. पुढे पुण्यात आल्यावर देवलांनी ‘आर्योद्धारक नाटक मंडळी’ ही संस्था स्थापन केली. त्यानंतर 1913 साली त्यांनी गंधर्व नाटक मंडळीबरोबर काम करायला सुरूवात केली. मधुमेह बळावल्याने त्यांचे 14 जून 1916 साली निधन झाले. त्यांच्या पश्चात संगीत संशयकल्लोळ नाटक गंधर्व नाटक मंडळींनी रंगभूमीवर आणले.
