दर्शन कुलकर्णी
आज, भारतीय सौर : 20 ज्येष्ठ शके 1947
अर्थात,
दिनांक : 10 जून 2025
वार : मंगळवार
तिथि : चतुर्दशी 11:35
नक्षत्र : अनुराधा 18.01
योग : सिद्ध 13:44
करण : विष्टी 24:27
सूर्य : वृषभ
चंद्र : वृश्चिक
सूर्योदय : 06:00
सूर्यास्त : 19:15
पक्ष : शुक्ल
मास : ज्येष्ठ
ऋतू : ग्रीष्म
सूर्य अयन : उत्तरायण
संवत्सर : विश्वावसू
शालिवाहन शक : 1947
विक्रम संवत : 2081
युगाब्द : 5127
वेद कन्सल्टन्सी / 9987433660
आजचे राशीभविष्य
मेष – आर्थिक बाजू मजबूत होण्याची पूर्ण शक्यता आहे. कुठल्या व्यक्तीला पैसे उधार दिले असतील तर आज ते परत मिळण्याची शक्यता आहे. उद्योग व्यवसायानिमित्त केलेला प्रवास दीर्घकाळापर्यंत फायदेशीर ठरू शकेल.
वृषभ – कामाच्या ठिकाणी प्रत्येकजण तुमचे म्हणणे मनापासून ऐकेल. काही लोक जरूरीपेक्षा जास्त काम करण्याचे वचन तुम्हाला देतील, मात्र केवळ गप्पा मारणाऱ्या लोकांकडून काम होण्याची अपेक्षा ठेवू नका. कर्जाचा हप्ता चुकणार नाही, याची काळजी घ्या.
मिथुन – कार्यरत असलेल्या क्षेत्रात अमर्यादित फायदा होण्याची शक्यता आहे. इतरांपेक्षा वरचढ ठरण्यासाठी आपली कौशल्ये विकसित करण्यात स्वत:ला गुंतवून ठेवा. कुटुंबाच्या आघाडीवर काही त्रासदायक प्रश्न निर्माण होतील.
कर्क – आपल्या रागावर नियंत्रण ठेवा आणि आजूबाजूच्या सर्वांशी प्रेमाने वागा. नोकरवर्ग, सहकारी आणि सहयोगी कर्मचाऱ्यांशी निगडीत प्रश्न उद्भवतील. कर आणि विमाविषयक कामांकडे लक्ष देण्याची आवश्यकता आहे.
सिंह – आरोग्याची योग्य काळजी घ्या. धाडसाने उचलेली पावले आणि घेतलेले निर्णय लाभदायक ठरतील. आज काही गोष्टी मनाप्रमाणे घडणार नाहीत. जोडीदाराच्या आरोग्याशी संबंधित प्रश्नांमुळे काहीशी चिंता वाटेल.
कन्या – कुटुंबामध्ये पैशाशी निगडीत वाद होऊ शकतात. त्यामुळे यासंदर्भात कुटुंबातील सर्व लोकांसोबत स्पष्ट बोला. आपले काम आणि आयुष्यातील प्राथमिकता यावर सारे लक्ष केंद्रीत करा. प्रिय व्यक्तीला भेटण्याचा योग जुळून येईल.
तुळ – आज मित्रांचा मोठा आधार मिळेल, त्यामुळे आनंदी असाल. कामाच्या ठिकाणी अनुकूल असे वातावरण असेल. घरात नवीन आलेल्या सदस्यामुळे आनंददायी वातावरण तयार होईल. पार्टीचे आयोजन केले जाईल.
वृश्चिक – आशावादी राहण्यासाठी स्वत:ला प्रवृत्त कराल. त्यामुळे आत्मविश्वास आणि परिवर्तनशीलता, लवचिकता वाढेल. पैसा कमावण्यासाठी नावीन्यपूर्ण संकल्पनांचा वापर करा. काही जातकांना वरिष्ठांच्या जाचाला तोंड द्यावे लागेल.
धनु – जे जातक आपल्या जवळच्या लोकांबरोबर किंवा नातेवाईकांसोबत बिझनेस करत आहेत त्यांना आज खूप विचारपूर्वक पाऊले उचलण्याची आवश्यकता आहे, अन्यथा आर्थिक नुकसान होऊ शकते. कुटुंबीयांच्या भावना दुखावल्या जाऊ नयेत, यासाठी रागावर नियंत्रण ठेवणे गरजेचे आहे.
मकर – आजचा दिवस खुल्या मनाची आणि सहनशक्तीची परीक्षा पाहणारा असेल. त्यामुळे विवेकाने निर्णय घ्या. महत्त्वाच्या कागदांवर सह्या करताना सुज्ञपणा वापरा. प्रवासाच्या काही योजना असतील तर, त्या ऐनवेळी पुढे ढकलाव्या लागतील.
कुंभ – बळीचा बकरा बनविण्याचा प्रयत्न होऊ शकतो, त्यामुळे अत्यंत दक्ष रहा. ताणतणाव आणि दडपणात वाढ होण्याची शक्यता आहे. अपेक्षेप्रमाणे काम होत नसेल तर कामाची पद्धत तपासून पाहा आणि त्यानुसार स्वत:त आवश्यक ते बदल करा.
मीन – महत्त्वाचे व्यावसायिक करार-मदार करताना भावनांवर नियंत्रण राखा. जवळच्या व्यक्तींच्या थंड प्रतिसादामुळे दु:ख होईल, पण चित्त शांत ठेवा. आज धनलाभ होण्याचा योग आहे. एखादे पत्र संपूर्ण कुटुंबासाठी आनंददायी बातमी घेऊन येईल.
दिनविशेष
जागतिक दृष्टीदान दिन
नागरिकांना दृष्टीदानाचे महत्त्व पटवून देण्यासाठी 10 जून हा दिवस जागतिक दृष्टीदान दिन म्हणून ओळखला जातो. आंतरराष्ट्रीय ख्यातीचे नेत्रविशारद डॉ. आर. ए. भालचंद्र यांच्या स्मृतिप्रीत्यर्थ हा दिन साजरा केला जातो. जागतिक आरोग्य संघटनेच्या मते जगात सुमारे 2.2 अब्ज लोकांमध्ये दृष्टीदोष असून मोतिबिंदूमुळे येणारे अंधत्व 66.2 लोकांमध्ये आढळते. भारतात एकूण लोकसंख्येच्या 1.99 टक्के लोकांमध्ये अंधत्व बघायला मिळते. अंध व्यक्तींच्या तुलनेत भारतात नेत्रदान करणाऱ्या दात्यांची संख्या अत्यल्प आहे. त्यामुळे नेत्रदानाविषयी जनजागृती व्हावी यासाठी हा दिन साजरा केला जातो. एड्स आणि रक्ताशी संबंधित काही गंभीर आजार असणारे रुग्णवगळता इतर कोणतीही व्यक्ती नेत्रदान करू शकते.
