दर्शन कुलकर्णी
- आज, दिनांक : 09 फेब्रुवारी 2026; वार : सोमवार
- भारतीय सौर : 20 माघ शके 1947; तिथि : अष्टमी अहोरात्र; नक्षत्र : विशाखा अहोरात्र
- योग : वृद्धि 24:50; करण : बालव 18:11
- सूर्य : मकर; चंद्र : तुळ 25:10; सूर्योदय : 07:10; सूर्यास्त : 18:34
- पक्ष : कृष्ण; ऋतू : शिशिर; अयन : उत्तरायण
- संवत्सर : विश्वावसू; शालिवाहन शक : 1947; विक्रम संवत : 2082; युगाब्द : 5127
कालाष्टमी
वेद कन्सल्टन्सी / 9987433660
आजचे राशीभविष्य
मेष – व्यवसायात आर्थिकदृष्ट्या तुम्हाला यश मिळेल, परंतु अनावश्यक खर्च वाढू शकतात. धार्मिक आणि सामाजिक कार्यात पैसे खर्च होतील. प्रियजनांशी मतभेद होण्याची शक्यता आहे. मन अस्वस्थ असेल. तुमच्या वागण्यातून समोरच्याला त्याच्याबद्दलचा राग दिसून येऊ शकतो, ज्यामुळे संबंध बिघडू शकतात. न्यायालयीन प्रकरणांमध्ये तुम्हाला अडचणी येऊ शकतात.
वृषभ – कामात यश मिळण्याची शक्यता आहे. व्यवसायात आर्थिक लाभ होईल. नवीन प्रकल्प सुरू करणे फायदेशीर ठरेल. एखाद्या सामाजिक उपक्रमामध्ये सहभागी व्हाल. कौटुंबिक वातावरण चांगले राहील. शुभकार्यचा योग आहे, ज्यामुळे तुमचा आनंद द्विगुणित होईल. मुलांशी चांगला संवाद होईल. सहलीचे नियोजन केले जाऊ शकते. गाडी चालवताना काळजी घ्या. स्वतःच्या आरोग्याला जपा.
मिथुन – आजचा दिवस तुमच्यासाठी शुभ आणि फलदायी आहे. व्यवसायात तुम्हाला यश मिळेल आणि सर्व कामे सहजपणे पूर्ण होतील. नोकरीत पदोन्नतीची शक्यता आहे. आर्थिक परिस्थिती मजबूत होईल. उधार दिलेले पैसे परत मिळू शकतात. मात्र कोणताही मोठा आर्थिक व्यवहार टाळा. कौटुंबिक जीवनात तुम्ही आनंदी असाल. आरोग्याची काळजी घेणे आवश्यक आहे.
कर्क – आजचा दिवस संमिश्र असेल. व्यवसाय मध्यम राहील आणि काही अडचणी येऊ शकतात. नोकरीच्या ठिकाणी खूप काम असेल, ज्यामुळे तुम्हाला थकवा जाणवेल. आपल्या वागण्याने सहकारी नाराज होणार नाहीत, याची काळजी घ्या. तुमचा राग आणि शब्दांवर नियंत्रण ठेवा. धार्मिक कार्यांकडे तुमचा कल वाढेल. कौटुंबिक वातावरण चांगले राहील.
सिंह – व्यवसाय चांगला चालेल. व्यवसाय विस्तारासाठीच्या दृष्टीने नव्या योजना बनवू शकाल, जे भविष्यात फायदेशीर ठरेल. कामाचा मोठा ताण असेल आणि संपूर्ण दिवस धावपळीत जाईल. आज शारीरिक आणि मानसिक अस्वस्थता जाणवू शकते. खाण्याच्या सवयींबद्दल काळजी घ्या. पुरेसे पाणी प्या. स्वत:ला हायड्रेटेड ठेवा. दुपारच्या वेळी प्रवास करणे टाळा. कौटुंबिक वातावरण अनुकूल असेल.
कन्या – व्यवसायात आर्थिक लाभ आणि नोकरीत पदोन्नतीची शक्यता असेल. कामात यश मिळेल. अनपेक्षित आर्थिक लाभ होण्याची शक्यता देखील आहे. कौटुंबिक वातावरण चांगले असेल. मित्र आणि कुटुंबीयांसोबत आनंदात दिवस घालवू शकाल. धार्मिक कार्यांकडे तुमचा कल वाढेल. सामाजिक कार्यात सहभागी व्हाल, ज्यामुळे तुम्हाला समाजात आदर मिळेल. विद्यार्थ्यांना शैक्षणिक क्षेत्रात यश मिळेल.
हेही वाचा – गोफ… सुखद आठवणींचा!
तुळ – कामाच्या ठिकाणी अनुकूल वातावरण राहील आणि तुमची सर्व कामे यशस्वी होतील. व्यवसायात भरभराट होईल, आर्थिक लाभ होण्याची शक्यता असेल, परंतु कामाचा मोठा ताणही असेल. अनावश्यक खर्च होण्याची शक्यता आहे. कुटुंबासोबत घालवलेला वेळ आनंददायी असेल. नकारात्मक विचार येऊ शकतात, जे तुम्ही टाळण्यासाठी ध्यानधारणा करा. आज राग नियंत्रित करणे आवश्यक असेल.
वृश्चिक – कामाच्या ठिकाणी कठोर परिश्रम कराल. तुमच्या प्रयत्नांमुळे सर्व कामांमध्ये उत्तम यश मिळेल. आर्थिक परिस्थिती मजबूत होईल. तुमचे शारीरिक आणि मानसिक आरोग्य चांगले राहील. सर्जनशील कामाकडे तुमचा कल वाढेल. जुने मित्र भेटतील. कौटुंबिक वातावरण आनंददायी असेल. संततीकडून चांगली बातमी मिळेल. विद्यार्थ्यांसाठी हा काळ चांगला असेल आणि त्यांना परीक्षेत उत्तम निकाल दिसतील.
धनु – व्यवसायात किरकोळ समस्या येऊ शकतात. मात्र कठोर परिश्रमाने यश आणि आर्थिक लाभ मिळतील. पण, अनावश्यक खर्च होण्याची शक्यता आहे. आज अनेक गोष्टींबद्दल काळजी वाटू शकते, ज्यामुळे शारीरिक आणि मानसिक अस्वस्थता निर्माण होऊ शकते. कुटुंबातील सदस्यांशी मतभेद होण्याची शक्यता आहे.
मकर – व्यवसायात भरभराट होईल आणि अनपेक्षित आर्थिक लाभ होण्याची शक्यता आहे. नवीन प्रकल्प सुरू करू शकता. कामाच्या ठिकाणी नवीन जबाबदाऱ्या मिळतील आणि तुमची सर्व कामे यशस्वी होतील. पदोन्नती देखील मिळू शकते. कुटुंबातील वातावरण चांगले राहील. धार्मिक तीर्थयात्रेचे नियोजन केले जाऊ शकते. तुमचे शारीरिक आणि मानसिक आरोग्य चांगले राहील. कुटुंबासोबत देखील उत्तम वेळ घालवाल.
कुंभ – नोकरीच्या ठिकाणी भरपूर काम असेल आणि तुम्हाला कठोर परिश्रम करावे लागतील. अर्थात, कामात यश मिळाल्याने तुमची आर्थिक परिस्थिती मजबूत होईल, पण दुसरीकडे अनावश्यक खर्चही जास्त होतील. बोलण्यावर नियंत्रण ठेवल्याने कुटुंबात शांती आणि आनंद राखण्यास मदत होईल. नकारात्मकतेला तुमच्या विचारांवर वर्चस्व गाजवू देऊ नका. विद्यार्थ्यांना अधिक मेहनत करावी लागेल.
मीन – व्यवसायात भरभराट होईल. कामात प्रगती होण्याची शक्यता आहे. कामाच्या ठिकाणी सहकाऱ्यांच्या मदतीने तुम्हाला सर्व कामांमध्ये यश मिळेल आणि कामे वेळेवर पूर्ण होतील. अनपेक्षित आर्थिक लाभ होण्याची शक्यता आहे. पर्यटनस्थळी प्रवास होण्याची शक्यता आहे. नातेवाईकांच्या भेटीमुळे आनंद मिळेल. कुटुंबासोबत घालवलेला वेळ आनंददायी राहील. वैवाहिक जीवनही आनंदी असेल.
दिनविशेष
ज्येष्ठ अभिनेत्री शोभना समर्थ
टीम अवांतर
भारतीय चित्रपटसृष्टीतील ‘समर्थ’ अभिनेत्री शोभना समर्थ यांचा जन्म 17 नोव्हेंबर 1916 रोजी भिवंडीजवळच्या गोर खेडेगावात झाला. डॉक्टर असलेल्या वडिलांच्या अकाली निधनामुळे घर चालवण्यासाठी पुढे त्या चित्रपटसृष्टीत आल्या. विलासी ईश्वर हा त्यांचा पहिला चित्रपट. यात मास्तर विनायक नायक तर बाबूराव पेंढारकर खलनायक होते. याच काळात त्यांचे कुमारसेन समर्थ यांच्याशी लग्न झाले. पुढे त्यांनी दो दीवाने हा चित्रपट केला. सामाजिक आशयासोबतच त्यांनी अनेक पौराणिक कथांवर आधारित चित्रपटांमधून देखील काम केले. त्यात रामविवाह, रामबाण, नलदमयंती, तारामती या चित्रपटांचा विशेष उल्लेख करावा लागेल. तर, वीर कुणाल या चित्रपटात त्यांनी खलनायिकेची भूमिका साकारली.
हेही वाचा – आसपासच्या हृदयद्रावक घटना अन् मातेची तगमग
अपनी नगरिया, बंबई की सैर, सवेरा, नौकर अशा हिंदी चित्रपटांमध्ये त्या चमकल्या. हिंदीतही त्यांच्या अभिनयाचे आणि सौंदर्याचे मोठे गारुड होते. नंतरच्या काळात सिनेनिर्मिती आणि दिग्दर्शनही केले. म्हणून मोठी मुलगी नूतन हिचे चित्रपटसृष्टीत पदार्पण व्हावे, यासाठी हमारी बेटी तर धाकटी मुलगी तनुजा हिच्यासाठी छबिली हे चित्रपट त्यांनी निर्माण केले.
9 फेब्रुवारी 2000 रोजी त्यांचे निधन झाले. त्यांच्या अभिनयाचा वारसा आधी नूतन आणि तनुजा आणि नंतरच्या काळात मोहनीश बहल, काजोल, तनिषा या नातवंडांकडून आणि आता पणती प्रनूतन पुढे चालवत आहे.
