साहित्य
- मैदा – दोन वाट्या
- मुगाची डाळ – दोन वाट्या
- काजू – एक लहान वाटी
- बेदाणे – एक लहान वाटी
- खसखस – एक टेबलस्पून
- तीळ – एक टेबलस्पून
- बडीशेप – एक टीस्पून
- तिखट – एक टीस्पून
- मीठ – चवीनुसार
- साखर – चवीनुसार
- हळद – एक चमचा
- धणे – जिऱ्याची पूड – एक चमचा
- मोहरी – एक टीस्पून
- ओल्या मिरच्या – 3-4
- आले – एक इंच
- लिंबू – एक
- कोथिंबीर – बारीक चिरलेली मूठभर
- ओले खोवलेले खोबरे – एक वाटी
- तेल – तळणासाठी
हेही वाचा – Recipe : मलई कोफ्ता आणि शिंगाड्याची भजी…
कृती
- मुगाची डाळ दोन तास भिजत घालावी.
- यादरम्यान मैद्यामध्ये अर्धी वाटी तेलाचे मोहन आणि चवीप्रमाणे मीठ घालून, मैदा घट्ट भिजवून ठेवावा
- थोड्या वेळाने तो चांगला कुटून, त्याच्या गोळ्या कराव्या.
- त्यानंतर मोहरीची फोडणी करून घेऊन त्यावर मुगाची डाळ घालावी. डाळीत थोडे पाणी घालून ती मोकळी शिजवून घ्यावी.
- चांगली वाफ आल्यावर त्यात ओल्या मिरच्या वाटून, थोडे लाल तिखट, मीठ आणि हळद घालावी.
- नंतर डाळ परतून खाली उतरवावी आणि चांगली गार होऊ द्यावी. गार झाल्यावर त्यात धणे- जिऱ्याची पूड, साखर, लिंबू, ओले खोबरे, कोथिंबीर, बेदाणे, काजूचे तुकडे, खसखस (भाजून) आणि थोडी बडीशेप हे सर्व साहित्य घालावे. तसेच तीळ भाजून घालावे.
- सर्व चांगले एकत्र कालवावे आणि सारण तयार करून घ्यावे.
- मैद्याच्या गोळ्यांच्या जाडसर पुऱ्या लाटाव्या आणि त्यात मुगाच्या डाळीचे सारण पुरणाप्रमाणे भरून गोल गोळे तयार करावेत आणि ते तेलात अगर तुपात तांबूस होईपर्यंत मंद तळून काढावेत.
हेही वाचा – Recipe : तंदुरी पनीर कबाब अन् कुरकुरीत भेंडी
टीप
- मुगाच्या डाळीप्रमाणे ओल्या मटाराचीही कचोरी करतात. मुगाच्या डाळीऐवजी ओले मटार घ्यावेत.
(‘रुचिरा’ पुस्तकातून साभार)
तुमच्याही रुचकर आणि वैशिष्ट्यपूर्ण रेसिपी असतील तर, त्या तुम्ही ‘अवांतर’साठी देऊ शकता.
या ईमेलवर किंवा
9869975883 या व्हॉट्सॲप क्रमांकावर
तुम्ही रेसिपी पाठवा, तुमच्या नावासह या वेबसाइटवर त्या प्रसिद्ध केल्या जातील.
