साहित्य
- चण्याचे पीठ – दोन वाट्या
- कणीक – एक वाटी
- सुक्या खोबऱ्याचा किस – एक वाटी
- खसखस – अर्धी वाटी
- तीळ – पाव वाटी
- कोथिंबीर – एक वाटी (बारीक चिरलेली)
- तिखट – चवीनुसार
- मीठ – चवीनुसार
- साखर – चवीनुसार
- हिंग – अर्धा टीस्पून
- काळा मसाला – एक टीस्पून
- तेल – तीन वाटी
- चिंच – मोठ्या बोराएवढी
हेही वाचा – Recipe : तंदुरी पनीर कबाब अन् कुरकुरीत भेंडी
कृती
- चण्याचे पीठ आणि कणीक एकत्र मिसळावी आणि त्यात चवीनुसार मीठ घालावे.
- पाव वाटी तेलाचे मोहन आणि पाणी घालून पीठ घट्ट भिजवावे.
- खोबरे, तीळ आणि खसखस भाजून घ्यावे.
- खोबरे हाताने जरा चुरडून घ्यावे. तीळ कुटून घ्यावेत.
- खोबरे, खसखस आणि तीळ एकत्र करून, त्यात चवीप्रमाणे तिखट, मीठ, साखर आणि कोथिंबीर घालून सारण तयार करावे.
- अर्धी वाटी तेल घेऊन, त्यात चिंच आणि काळा मसाला घालून, अगदी बारीक वाटावे.
- नंतर भिजविलेल्या पिठाच्या गोळ्या लाटाव्या.
- तेलात वाटलेला मसाला सर्व पोळीला लावावा आणि तयार केलेले सारण त्यावर पसरून चिरोट्याच्या पोळीप्रमाणे या पोळीच्या घड्या घालाव्या.
- पोळीची शेवटची कड पाण्याचा हात लावून बंद करावी.
- नंतर ती घडी तव्यावर थोडी गरम भाजून घ्यावी आणि नंतर तळणीतून तांबूस रंगावर तळून काढावी.
- नंतर आवडीप्रमाणे त्याच्या लहान मोठ्या वड्या कापाव्या.
हेही वाचा – Recipe : अशी वरी तांदळाची खिचडी करून पाहिली आहे का?
टिप
- डाळीच्या पिठाची मोदकाप्रमाणे उकड करून आणि त्यात वरीलप्रमाणे कणीक मिसळूनही बाकर वड्या केल्या जातात.
- या बाकर वड्या चवीला जास्त चांगल्या लागतात. मात्र तळण्यासाठी त्याला तेल जास्त लागते.
- तसेच या वड्या करताना कणीक घातली नाही, तरी चालते.
(‘रुचिरा’ पुस्तकातून साभार)
तुमच्याही ‘स्पेशल रेसिपी’ किंवा अशा काही ‘किचन टिप्स’ असतील तर,
avaantar.recipe@gmail.com या ईमेलवर किंवा
9869975883 या व्हॉट्सॲप क्रमांकावर पाठवा.
या वेबसाइटच्या ‘फूड कॉर्नर’ या कॅटेगरीत त्या प्रसिद्ध केल्या जातील.
